BSNL Postpaid Plan: యూజర్లకు BSNL అదిరిపోయే ప్లాన్..రిచార్జ్ బిల్ తక్కువ, బెనిఫిట్స్ ఎక్కువ

BSNL Postpaid Plan: ప్రతి నెల తక్కువ ఖర్చుతో పోస్ట్ పెయిడ్ మొబైల్ ప్లాన్ కోసం చూస్తున్నారా? అయితే BSNL అందిస్తున్న ఈ బడ్జెట్ పోస్ట్ పెయిడ్ ప్లాన్ మీకు బెస్ట్ ఆప్షన్ కావొచ్చు. తక్కువ ధరలో కాలింగ్, డేటా, ఇతర బెనిఫిట్స్ కూడా అందిస్తోంది.

Image Credit : our own

చౌకైన రీఛార్జ్ ప్లాన్

ప్రతి నెల తక్కువ ఖర్చుతో పోస్ట్ పెయిడ్ మొబైల్ ప్లాన్ కోసం చూస్తున్నారా? అయితే BSNL అందిస్తున్న ఈ బడ్జెట్ పోస్ట్ పెయిడ్ ప్లాన్ మీకు బెస్ట్ ఆప్షన్ కావొచ్చు. తక్కువ ధరలో కాలింగ్, డేటా, ఇతర బెనిఫిట్స్ కూడా అందిస్తోంది. 
ప్రభుత్వ టెలికాం సంస్థ BSNL, తక్కువ నెలవారీ ఖర్చుతో పోస్ట్‌పెయిడ్ కనెక్షన్ కోరుకునే కస్టమర్ల కోసం రూ.199 ప్లాన్‌ను అందిస్తోంది. ప్రస్తుతం భారతదేశంలో అత్యంత తక్కువ ధర కలిగిన పోస్ట్‌పెయిడ్ ప్లాన్‌లలో ఇది ఒకటిగా నిలుస్తోంది. ప్రైవేట్ టెలికాం కంపెనీల పోస్ట్‌పెయిడ్ ప్లాన్‌లు సాధారణంగా ఎక్కువ ధరతో మొదలవుతాయి. ఈ నేపథ్యంలో, తక్కువ ఖర్చుతో బేసిక్ సేవలు పొందాలనుకునే వారికి ఈ ప్లాన్ మంచి ఆప్షన్‌గా చెప్పొచ్చు.

Image Credit : our own

రూ. 199 పోస్ట్‌పెయిడ్ ప్లాన్

ఈ రూ.199 పోస్ట్‌పెయిడ్ ప్లాన్‌లో భాగంగా, ప్రతీ నెలా 25GB హై-స్పీడ్ డేటా అందిస్తున్నారు. దీంతో పాటు, అన్‌లిమిటెడ్ వాయిస్ కాల్స్, రోజుకు 100 SMSలు పంపించుకునే సౌకర్యం కూడా ఉంది. అంతేకాకుండా, ఒక నెలలో వాడకుండా మిగిలిపోయిన డేటాను తర్వాతి నెలకు క్యారీ ఫార్వర్డ్ చేసుకునే 'డేటా రోల్‌ఓవర్' ఫీచర్ కూడా ఉంది. ఈ ఫీచర్ ద్వారా గరిష్ఠంగా 75GB వరకు డేటాను దాచుకుని వాడుకోవచ్చు.

Image Credit : gemini

తక్కువ ఖర్చులో పోస్ట్‌పెయిడ్ సౌకర్యం

ఈ ప్లాన్ అందరి దృష్టిని ఆకర్షించడానికి ప్రధాన కారణం దాని ధర. చాలా ప్రైవేట్ కంపెనీల పోస్ట్‌పెయిడ్ ప్లాన్‌లు రూ.400 లేదా అంతకంటే ఎక్కువ ధరతో మొదలవుతుండగా, BSNL అంతకంటే తక్కువ ధరకే పోస్ట్‌పెయిడ్ సౌకర్యాన్ని అందిస్తోంది. నెలవారీ ఖర్చును అదుపులో ఉంచుకోవాలనుకునే యూజర్లకు, సాధారణ డేటా అవసరాలు ఉన్నవారికి ఈ ప్లాన్ చాలా అనువుగా ఉంటుంది.

Image Credit : X

25జీబీ హై-స్పీడ్ డేటా

ఈ ప్లాన్‌లో ఇచ్చే 25GB హై-స్పీడ్ డేటా పూర్తిగా అయిపోయిన తర్వాత కూడా ఇంటర్నెట్ వాడుకోవచ్చు. అయితే, ఆ తర్వాత వాడే డేటాకు 1 MBకి 1 పైసా చొప్పున అదనపు ఛార్జీలు వసూలు చేస్తారు. అలాగే, ఈ రూ.199 ప్లాన్ కేవలం వ్యక్తిగత యూజర్ల కోసం ఉద్దేశించిన బేసిక్ పోస్ట్‌పెయిడ్ ప్లాన్. ఇందులో ఫ్యామిలీ యాడ్-ఆన్ కనెక్షన్ సౌకర్యం లేదు.

Image Credit : Getty

ఇతర కంపెనీల ప్లాన్

పోలిక కోసం చూస్తే, జియో అందిస్తున్న రూ.199 ప్లాన్ ఒక ప్రీపెయిడ్ ప్లాన్. ఇందులో 18 రోజుల వ్యాలిడిటీ, రోజుకు 1.5GB డేటా, అన్‌లిమిటెడ్ కాల్స్, రోజుకు 100 SMSలు, జియో టీవీ, జియో ఏఆర్ క్లౌడ్ వంటి అదనపు సేవలు అందిస్తున్నారు. కాబట్టి, రెండు ప్లాన్‌ల ధర ఒకేలా ఉన్నప్పటికీ, ఒకటి పోస్ట్‌పెయిడ్, మరొకటి ప్రీపెయిడ్. అందువల్ల బిల్లింగ్ విధానం, వినియోగ నిబంధనలు, వ్యాలిడిటీ వంటి విషయాల్లో చాలా తేడాలు ఉంటాయని యూజర్లు గమనించాలి.