Sedan Cars: సెడాన్ కార్లకు వైపర్ ఎందుకు ఉండదు? ఆ డిజైన్ సీక్రెట్ ఇదే
Sedan Cars: సెడాన్ కార్ల వెనుక వైపర్ ఎందుకు ఉండదో తెలుసా? దీన్ని ఖర్చు తగ్గించే ట్రిక్ అనుకుంటారు. కానీ అది కాదు. దీని వెనుక ఆశ్చర్యపరిచే సైంటిఫిక్ లాజిక్, కారు డిజైన్ లోని ఏరో డైనమిక్స్ సీక్రెట్ ఉంది. ఆ ఇంట్రెస్టింగ్ కారణమెంటో ఇప్పుడు తెలుసుకుందాం.
సెడాన్ కార్లకు వెనుక వైపర్ ఎందుకుండదు?
సెడాన్ కార్ల వెనుక వైపర్ ఎందుకు ఉండదో తెలుసా? దీన్ని ఖర్చు తగ్గించే ట్రిక్ అనుకుంటారు. కానీ అది కాదు. దీని వెనుక ఆశ్చర్యపరిచే సైంటిఫిక్ లాజిక్, కారు డిజైన్ లోని ఏరో డైనమిక్స్ సీక్రెట్ ఉంది.
మీరు కారు నడుపుతున్నప్పుడు లేదా రోడ్లపై వెళ్తున్నప్పుడు ఎప్పుడైనా గమనించారా? మారుతి స్విఫ్ట్, హ్యుందాయ్ i20 వంటి హ్యాచ్‌బ్యాక్ కార్లు, ఎస్‌యూవీ మోడళ్లలో వెనుక గ్లాస్‌ను శుభ్రం చేయడానికి కచ్చితంగా ఒక వైపర్ ఉంటుంది. కానీ, హోండా సిటీ, హ్యుందాయ్ వెర్నా, ఫోక్స్‌వ్యాగన్ వర్టస్ వంటి చాలా సెడాన్ కార్లలో ఈ ఫీచర్ ఉండదు. ఇది కేవలం ఖర్చు తగ్గించుకోవడానికి కార్ల కంపెనీలు చేసే ట్రిక్ అని మనలో చాలామంది అనుకుంటాం. కానీ, అసలు నిజం అది కాదు. దీని వెనుక ఒక ముఖ్యమైన సైన్స్, డిజైన్ లాజిక్ ఉంది.
ఏరోడైనమిక్స్‌కు సంబంధించిన సైంటిఫిక్ కారణం
ఒక కారు డిజైన్ దాని పనితీరునే కాదు, ఇలాంటి చిన్న విషయాలను కూడా నిర్ణయిస్తుంది. సెడాన్ కార్ల వెనుక గ్లాస్ చాలా ఏటవాలుగా (steeply raked) డిజైన్ చేసి ఉంటుంది. దీనివల్ల, కారు వేగంగా వెళ్తున్నప్పుడు, దాని పైకప్పు మీదుగా వచ్చే గాలి ఎలాంటి అడ్డంకి లేకుండా నేరుగా ఆ ఏటవాలు గ్లాస్ మీదుగా కిందకు వెళ్లిపోతుంది. ఇలా గాలి నిరంతరం ప్రవహించడం వల్ల వాన చుక్కలు, దుమ్ము, ధూళి వంటివి గ్లాస్‌పై నిలవకుండా సహజంగానే కొట్టుకుపోతాయి. అందుకే, కారు నడుస్తున్నప్పుడు వెనుక గ్లాస్ దానంతట అదే శుభ్రంగా ఉంటుంది. కాబట్టి, దానికోసం ప్రత్యేకంగా వైపర్ అవసరం రాదు.
ఇతర కార్లకు వెనుక వైపర్ ఎందుకు అవసరం?
కానీ, హ్యాచ్‌బ్యాక్, ఎస్‌యూవీ కార్ల కథ వేరు. వాటి వెనుక భాగం దాదాపు నిలువుగా (vertical) ఉంటుంది. దీనివల్ల, పైకప్పు నుంచి వచ్చే గాలి ప్రవాహం అకస్మాత్తుగా ఆగిపోతుంది. ఇది కారు వెనుక ఒక అల్పపీడన ప్రాంతాన్ని (low-pressure zone) లేదా వాక్యూమ్‌ను సృష్టిస్తుంది. ఈ వాక్యూమ్, రోడ్డుపై ఉన్న నీరు, బురద, దుమ్మును లాగి, నేరుగా వెనుక గ్లాస్‌పై కొడుతుంది. అందుకే, ఆ కార్లలో వెనుక స్పష్టంగా కనిపించడానికి రియర్ వైపర్ తప్పనిసరి.
ఖర్చు, డిజైన్
సైంటిఫిక్ కారణం ప్రధానమైనప్పటికీ, ఖర్చు, అందం కూడా ముఖ్యమైనవే. ఒక రియర్ వైపర్ అమర్చాలంటే వైపర్ బ్లేడ్, మోటార్, దానికి సంబంధించిన వైరింగ్, వాషర్ సిస్టమ్ వంటి చాలా భాగాలు కావాలి. వీటిని తప్పించడం ద్వారా, కార్ల తయారీ కంపెనీలకు ఒక్కో కారుపై ఉత్పత్తి ఖర్చు గణనీయంగా తగ్గుతుంది. అంతేకాకుండా, సెడాన్ కార్లను వాటి సొగసైన, పొడవైన డిజైన్ కోసమే ఇష్టపడతారు. ఇంత అందమైన డిజైన్‌లో ఒక వైపర్ అదనంగా ఉండటం దాని లుక్‌ను పాడుచేస్తుందని కొంతమంది డిజైనర్లు భావిస్తారు. కాబట్టి, సెడాన్ కార్లలో వెనుక వైపర్ లేకపోవడం లోపం కాదు, అదొక పక్కా ప్లాన్‌తో తీసుకున్న డిజైన్ నిర్ణయం ఇది.
