- Home
- Business
- BSNL వినియోగదారులకు గుడ్ న్యూస్: రెండు పాపులర్ రీఛార్జ్ ప్లాన్ల ధరలు తగ్గించిన బీఎస్ఎన్ఎల్
BSNL వినియోగదారులకు గుడ్ న్యూస్: రెండు పాపులర్ రీఛార్జ్ ప్లాన్ల ధరలు తగ్గించిన బీఎస్ఎన్ఎల్
బీఎస్ఎన్ఎల్ తన వినియోగదారులకు ఎప్పుడూ తక్కువకే లాభదాయకమైన రీఛార్జ్ ప్లాన్లు అందిస్తుంది. ఇప్పుడు వినియోగదారుల కోసం ప్రత్యేకంగా రెండు ముఖ్యమైన, పాపులర్ ప్లాన్ల రీఛార్జ్ ధరలు తగ్గించింది. అవేంటి? ఎంత ధర తగ్గింది? తదితర వివరాలు ఇప్పుడు తెలుసుకుందాం.
ప్రైవేట్ టెలికాం కంపెనీలకు పోటీయే..
ప్రైవేట్ టెలికాం కంపెనీలు తమ రీఛార్జ్ ప్లాన్ల ధరలను పెంచడంతో చాలా మంది వినియోగదారులు ప్రభుత్వ టెలికాం కంపెనీ బీఎస్ఎన్ఎల్ వైపు మొగ్గు చూపుతున్నారు. బీఎస్ఎన్ఎల్ రీఛార్జ్ ప్లాన్లు ప్రైవేట్ టెలికాం కంపెనీల కంటే చాలా చౌకగా ఉంటాయి. అందుకే చాలా మంది వినియోగదారులు బీఎస్ఎన్ఎల్ లోకి మారుతున్నారు. ఈ నేపథ్యంలో బీఎస్ఎన్ఎల్ రెండు ముఖ్యమైన ప్లాన్ల ధరలు తగ్గించింది.
BSNL రూ.997 రీఛార్జ్ ప్లాన్
బీఎస్ఎన్ఎల్ రూ.997 ప్లాన్ ఇప్పుడు రూ.947 కే లభిస్తుంది. ఈ ప్లాన్లో రూ.50 తగ్గింపు లభిస్తుంది. ఈ ప్లాన్ ఎక్కువ వ్యాలిడిటీతో పాటు ఎక్కువ డేటాను కూడా అందిస్తుంది. ఈ ప్లాన్ మొత్తం 160 రోజుల వ్యాలిడిటీతో వస్తుంది. అంటే దీని నెలవారీ ఖర్చు కేవలం రూ.178 మాత్రమే. అంటే 5 నెలల పాటు రీఛార్జ్ గురించి మీరు ఆందోళన చెందాల్సిన అవసరం లేదు.
ప్రతిరోజూ 2GB హైస్పీడ్ డేటా
రూ.947 ప్లాన్ మొత్తం 160 రోజుల వ్యాలిడిటీతో వస్తుంది. ఇందులో మీరు ప్రతిరోజూ 2GB హైస్పీడ్ డేటాను పొందవచ్చు. ఈ ప్లాన్ అన్ని నెట్వర్క్లకు కాల్ చేసే సౌకర్యాన్ని కూడా అందిస్తుంది. దీనితో పాటు ప్రతిరోజూ 100 ఉచిత SMSలను కూడా పొందవచ్చు. ఎక్కువ ఇంటర్నెట్, కాల్లను ఉపయోగించే వినియోగదారులకు ఇది బెస్ట్ రీఛార్జ్ ప్లాన్.
BSNL రూ.569 రీఛార్జ్ ప్లాన్
బీఎస్ఎన్ఎల్ రూ.599 ప్లాన్ ధర కూడా ఇప్పుడు తగ్గింది. ఇప్పుడు ఈ రీఛార్జ్ ప్లాన్ ధర రూ.569కే లభిస్తుంది. అంటే రూ.30 తగ్గింది. ఈ ప్లాన్ మీకు కాస్త తక్కువ వ్యాలిడిటీ తో వస్తున్నా మీకు ఎక్కువ డేటా లభిస్తుంది. డేటా ఎక్కువ కావాలనుకున్న వినియోగదారులకు ఇది బెస్ట్ ప్లాన్. ఈ ప్లాన్ 84 రోజుల వ్యాలిడిటీతో లభిస్తుంది.
ప్రతిరోజూ 3GB హైస్పీడ్ డేటా
బీఎస్ఎన్ఎల్ రూ.599 ప్లాన్ రీఛార్జ్ చేసుకుంటే మీరు ప్రతిరోజూ 3GB హైస్పీడ్ డేటాను పొందుతారు. దీనితో పాటు అన్ని నెట్వర్క్లకు అన్ లిమిటెడ్ గా కాల్స్ చేయొచ్చు. అలాగే ప్రతిరోజూ 100 ఉచిత SMSలను పంపవచ్చు. రోజుకు 2GB డేటా సరిపోని వారికి ఈ ప్లాన్ బాగా ఉపయోగపడుతుంది.