Bonds vs Stocks : స్టాక్స్ vs బాండ్లు.. 2025లో ఏది ఎంచుకోవడం ఉత్తమం?
Bonds vs Stocks : బాండ్లు, స్టాక్స్ రెండు ఒకేవిధమైన ఆర్థిక ప్రయోజనాలు అందించేవిగా కనిపిస్థాయి. కానీ, 2025 మీ ఆర్థిక లక్ష్యాలకు సరిపోయేది ఏది? స్టాక్స్-బాండ్లు.. రెండింటిలో దేనిని ఎంచుకోవడం ఉత్తమం? ఈ వివరాలు ఇప్పుడు తెలుసుకుందాం.
- FB
- TW
- Linkdin
Follow Us
 "Bonds vs Stocks: వేటిని ఎంచుకోవాలి?")
Bonds vs Stocks: వేటిని ఎంచుకోవాలి?
Bonds vs Stocks: 2025 పెట్టుబడి వాతావరణం మార్పుల నడుమ కొత్త ఆర్థిక యుగానికి చేరుకుంటోంది. భారత మార్కెట్లు గతంలో ఎన్నడూ లేని స్థాయిలో అభివృద్ధిని సాధించాయి. ప్రత్యేకంగా కార్పొరేట్ బాండ్ మార్కెట్ $2.69 ట్రిలియన్ స్థాయికి చేరుకోవడం ముఖ్యమైన మైలురాయిగా చెప్పొచ్చు. మారుతున్న రెగ్యులేటరీ విధానాలు, గ్లోబల్ ఇండెక్స్‌లలో భారతదేశ ప్రవేశం, టెక్నాలజీ ఆధారిత పరిష్కారాలతో కూడిన పెట్టుబడుల యాక్సెస్ మారడంతో స్టాక్స్, బాండ్ల మధ్య సరైన ఎంపికపై పెట్టుబడిదారులు మరింతగా ఆలోచిస్తున్నారు.
భారత మార్కెట్‌లో మార్పులు
ఇటీవలి సంవత్సరాలలో ఫిక్స్‌డ్ ఆదాయం సెగ్మెంట్ బలంగా అభివృద్ధి చెందింది. ముఖ్యంగా 2024లో SEBI కార్పొరేట్ బాండ్ల ఫేస్ విలువ రూ. 10 లక్షల నుండి రూ. 10,000కి తగ్గించడం మార్కెట్‌లో విప్లవాత్మక మార్పును తీసుకొచ్చింది.
గ్లోబల్ బాండ్ ఇండెక్స్‌లలో భారత్
2024లో జేపీ మోర్గాన్ గ్లోబల్ బాండ్ ఇండెక్స్‌లో భారత్ ప్రవేశించగా, 2025 జనవరిలో బ్లూమ్ బర్గ్ ఇండెక్స్ నుండి నిధుల ప్రవాహం మొదలైంది. సెప్టెంబర్ 2025లో FTSE Russell చేరడం ఎదురుచూస్తోంది.
స్టాక్స్ vs బాండ్లు
వడ్డీ రేట్ల పరిస్థితి ప్రభావం
ఆర్బీఐ 2025 ప్రారంభంలో రెండు సార్లు 25 బేసిస్ పాయింట్లు వడ్డీ రేట్లను తగ్గించింది. జూన్, ఆగస్టులో మరో 50 బేసిస్ పాయింట్లు తగ్గవచ్చని SBI రీసెర్చ్ అంచనా వేస్తోంది. ఇది బాండ్ మార్కెట్‌కు అనుకూల వాతావరణం.
స్టాక్స్ vs బాండ్లు - ఫండమెంటల్ తేడాలు ఏమిటి?
స్వంతాధికార హక్కు: స్టాక్స్ కంపెనీలో భాగస్వామ్యం ఇస్తే, బాండ్లు అప్పుగా మారుతాయి.
ఆదాయం ఎలా వస్తుంది: బాండ్లు స్థిరమైన వడ్డీ ఆదాయాన్ని ఇస్తాయి (ఉదాహరణకు, జనవరి 31, 2025 నాటికి 10-ఏళ్ల కార్పొరేట్ బాండ్లు సగటు 7.18% లాభాన్నిఅందించాయి), స్టాక్స్ డివిడెండ్లు, క్యాపిటల్ గెయిన్లు (మూలధన లాభాలు) ఇస్తాయి.
రిస్క్ - రిటర్న్: AAA బాండ్లు తక్కువ రిస్క్‌తో 7%-8% లాభాలు ఇస్తే, లోయర్ రేటెడ్ బాండ్లు (క్రెడిట్ రిస్క్ ఎక్కువగా ఉండే బాండ్లు) 13%-14% వరకు లాభాలు ఇస్తాయి. స్టాక్స్ అధిక వాలాటిలిటీతో కూడి ఉన్నప్పటికీ అధిక లాభాల ఛాన్సులు ఉంటాయి.
కార్పొరేట్ బాండ్ మార్కెట్ అభివృద్ధి
SEBI గణాంకాల ప్రకారం.. 2025 ఆర్థిక సంవత్సరం లో 12 లక్షల ట్రేడ్స్, రూ. 17 లక్షల కోట్ల విలువైన లావాదేవీలు నమోదయ్యాయి. ఇది 2015లోని రూ. 7.5 లక్షల కోట్లతో పోలిస్తే భారీ వృద్ధి అని చెప్పాలి.
ఉన్నత రేటింగ్ బాండ్లు: ఉదా: ఆదిత్య బిర్లా ఫైనాన్స్ (7.95%), తెలంగాణ స్టేట్ ఇండస్ట్రియల్ ఇన్ఫ్రాస్ట్రక్చర్ కార్పొరేషన్ (9.35%), కేరళ ఫైనాన్షియల్ కార్పొరేషన్ (8.89%).
ఇన్ఫ్రాస్ట్రక్చర్ బాండ్లు
5-10 ఏళ్ల గడువుతో 7.25%-8.25% లాభాలు ఇస్తూ, దేశ అభివృద్ధిలో భాగస్వామ్యాన్ని కల్పిస్తున్నాయి.
స్టాక్స్ vs బాండ్లు : రిస్క్, లిక్విడిటీ, ఆదాయాలు ఎలా ఉంటాయి?
- స్టాక్స్: అధిక వాలాటిలిటీ, కానీ లాంగ్టెర్మ్ లో అధిక లాభాలు.
- బాండ్లు: స్థిర ఆదాయం, తక్కువ రిస్క్.
- లిక్విడిటీ: AAA బాండ్లు గరిష్ఠ లిక్విడిటీ కలిగి ఉంటే, చిన్న కంపెనీ బాండ్లు తక్కువ లిక్విడిటీ కలిగి ఉండొచ్చు.
ఆర్థిక లక్ష్యాల ప్రకారం పెట్టుబడి ఎంపిక
- షార్ట్‌టెర్మ్ (0-3 సంవత్సరాలు): AAA రేటెడ్ షార్ట్‌టెర్మ్ బాండ్లు ఉత్తమ ఎంపిక.
- మిడ్‌టెర్మ్ (3-7 సంవత్సరాలు): మిశ్రమ పెట్టుబడుల ద్వారా స్థిర ఆదాయం, గ్రోత్ ఉంటుంది.
- లాంగ్టెర్మ్ (7+ సంవత్సరాలు): స్టాక్స్ అధిక వాటాతో, బాండ్లతో బ్యాలెన్స్ చేయాలి.
బాండ్లు vs స్టాక్స్.. ఫైనల్ గా చెప్పేది ఏమిటంటే?
బాండ్లు vs స్టాక్స్ విషయాలు మొత్తంగా గమనిస్తే బాండ్లు స్థిర ఆదాయం, క్యాపిటల్ కాపాదన ఇస్తే, స్టాక్స్ దీర్ఘకాలిక వృద్ధికి దోహదపడతాయి. రెండు తరహా పెట్టుబడులను సమంగా కలిపి, వ్యక్తిగత లక్ష్యాలకు అనుగుణంగా వ్యూహాత్మకంగా పెట్టుబడి పెట్టాలి. పెట్టుబడులు పెట్టే విషయంలో ముందుగా మీరు నిపుణుల సలహాలు తీసుకోవడం ఉత్తమం.
