యమహా ఎఫ్‌జెడ్ కొత్త వెర్షన్ స్పోర్ట్స్ బైక్.. నియో-రెట్రో స్టయిల్ తో లేటెస్ట్ ఫీచర్స్ కూడా..
జపాన్‌కు చెందిన ప్రముఖ వాహన తయారీ సంస్థ యమహా కొత్త బడ్జెట్ స్పోర్ట్స్ బైక్‌ను త్వరలో భారతీయ మార్కెట్లో విడుదల చేయడానికి సన్నాహాలు చేస్తోంది. అయితే జూన్ 18న కొత్త బైక్‌ను మార్కెట్లోకి విడుదల చేయనున్నట్లు కంపెనీ ఇటీవల ప్రకటించింది. రెట్రో స్టైలింగ్‌తో పాటు ఆధునిక ఫీచర్స్ తో కూడిన బైక్స్ డిమాండ్ కొన్నేళ్లుగా పెరుగుతుంది.
ఈ తరుణంలో యమహా మోటార్ ఇండియా కొత్త నియో-రెట్రో స్టైల్ స్పోర్టి కమ్యూటర్ బైక్ ఎఫ్‌జెడ్-ఎక్స్‌ను భారత మార్కెట్లో విడుదల చేయబోతోంది. అయితే బైక్ అధికారిక పేరును కంపెనీ ఇంకా ధృవీకరించలేదు. భారతదేశంలో ఎంపిక చేసిన యమహా డీలర్లు ఈ కొత్త బైక్ ప్రీ-బుకింగ్స్ కూడా ప్రారంభించాయి. అయితే ఇందుకు డీలర్ల వద్ద రూ .1,000 నుండి రూ.5,000 వరకు టోకెన్ మొత్తం చెల్లించి ప్రీ-బుకింగ్ చేసుకోవచ్చు. ఈ కొత్త బైక్ అధికారిక టెక్-స్పెక్స్ ఈ సంవత్సరం ప్రారంభంలో లీక్ అయ్యాయి.
అయితే, యమహా మీడియా ఇన్విటేషన్ లో లాంచ్ చేయబోయే బైక్ గురించి ఎటువంటి సమాచారం వెల్లడించలేదు. ఆహ్వానం రాబోయే బైక్ - రైడ్ ఫ్రీ కోసం ట్యాగ్‌లైన్ మాత్రమే పేర్కొంది. అయితే మీడియా నివేదికల ప్రకారం జూన్ 18 న ఎఫ్‌జెడ్-ఎక్స్ స్పోర్ట్స్ బైక్‌ను భారతీయ మార్కెట్లో విడుదల చేయబోతున్నట్లు కంపెనీకి సన్నిహిత వర్గాలు తెలిపాయి. ఈ బైక్ పరీక్ష సమయంలో చాలాసార్లు కనిపించింది.
బైక్ సైజ్
కొన్ని వారాల క్రితం ఈ కొత్త మోడల్ అటల్ టన్నెల్ సమీపంలో ఒక టీవీ కమర్షియల్ షూట్ సందర్భంగా కనిపించింది. ఈ సమయంలో బైక్ చిత్రాలు లీక్ అయ్యాయి, ఈ కారణంగా ఈ బైక్ గురించి చాలా ముఖ్యమైన సమాచారం బయటపడింది. దీనికి నియో-రెట్రో స్టైల్ బైక్, ఆకర్షణీయమైన డిజైన్, లూక్స్ సంస్థ అందించింది.
బైక్ పొడవు 2,020 ఎం‌ఎం, వెడల్పు 785 ఎం‌ఎం, ఎత్తు 1,115 ఎం‌ఎం ఉంటుంది. ఎఫ్జెడ్ఎస్-ఎఫ్‌ఐ పొడవు 1,990 ఎం‌ఎం, వెడల్పు 780 ఎం‌ఎం, ఎత్తు 1,080 ఎం‌ఎం. అంటే, కొత్త బైక్ ప్రస్తుత ఎఫ్జెడ్ఎస్-ఎఫ్‌ఐ మోడల్ కంటే 30 ఎం‌ఎం పొడవు, 5 ఎం‌ఎం ఎక్కువ ఇంకా 35 ఎం‌ఎం వెడల్పుతో ఉంటుంది. మొత్తంమీద బైక్ సైజ్ కొద్దిగా పెద్దదిగా కనిపిస్తుంది. బైక్ వీల్ బేస్ 1,330 ఎం‌ఎం.
ఇంజన్, ఫీచర్స్ అండ్ ధర
ఈ బైక్ కోసం 149 సిసి ఎఫ్జెడ్ఎస్-ఎఫ్‌ఐ ప్లాట్‌ఫాం ఉపయోగించారు. దీనికి 149 సిసి సింగిల్ సిలిండర్ ఎయిర్-కూల్డ్ ఇంజిన్‌ ఇచ్చారు. యమహా ఎఫ్‌జెడ్ శ్రేణి ప్రస్తుత మోడళ్ లాగా కనిపిస్తుంది. ఈ ఇంజన్ గరిష్ట శక్తి 12.4 బిహెచ్‌పి, 7,250 ఆర్‌పిఎమ్ వద్ద 13.3 ఎన్ఎమ్ గరిష్ట టార్క్ ఉత్పత్తి చేస్తుంది. ఈ ఇంజన్‌కి 5-స్పీడ్ ట్రాన్స్‌మిషన్ గేర్ ఆప్షన్ ఇచ్చారు.
ఫీచర్స్ అండ్ ధర
స్మార్ట్‌ఫోన్ బ్లూటూత్ కనెక్టివిటీతో పాటు చాలా గొప్ప ఆధునిక ఫీచర్స్ ఈ బైక్‌లో చూడవచ్చు. ప్రస్తుత ఎఫ్జెడ్ఎస్-ఎఫ్‌ఐ మోడల్ కంటే దీని ధర రూ .5 వేల నుంచి రూ .7 వేల వరకు ఉంటుంది. అయితే, దాని ధర అధికారిక లాంచ్ లో మాత్రమే తెలుస్తుంది. దీని అంచనా ఎక్స్-షోరూమ్ ధర రూ .1.15 లక్షల వరకు ఉంటుంది. ప్రస్తుతం, యమహా ఎఫ్‌జెడ్-ఎక్స్ మార్కెట్‌లోని ఏ బైక్‌తోనూ పోటీడటం లేదు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
