టాటా పంచ్ మైక్రో ఎస్‌యువి లాంచ్ హైలెట్స్: ధర, ఫీచర్లు, స్పెసిఫికేషన్‌లు, ఫోటోలు మీకోసం

దేశీయ ఆటోమొబైల్ సంస్థ  టాటా మోటార్స్(tata motors) సరికొత్త మైక్రో ఎస్‌యూవీ టాటా పంచ్  ఈ రోజు భారతదేశంలో లాంచ్ చేసింది. 2020 ఆటో ఎక్స్‌పోలో ప్రదర్శించిన హెచ్‌బి‌ఎక్స్ కాన్సెప్ట్(hbx concept) ఆధారంగా పంచ్ అనేది సబ్ -4-మీటర్ వాహనం. కంపెనీ దీనిని ఎస్‌యూ‌విగా ప్రమోట్ చేస్తున్నప్పుడు కాంపాక్ట్ హ్యాచ్‌బ్యాక్ సెగ్మెంట్ - మారుతి సుజుకి ఇగ్నిస్, స్విఫ్ట్, హ్యుందాయ్ గ్రాండ్ ఐ10 నియోస్, మహీంద్రా KUV100 వంటి కార్లకు పోటీగా తీసుకుంటుంది. టాటా మోటార్స్ ఇప్పటికే పంచ్ గురించి కొంత సమాచారాన్ని వెల్లడించింది కానీ ఈ రోజు ధరల వివరాలను అధికారికంగా వెల్లడించింది.

ఈ కొత్త మైక్రో ఎస్‌యూ‌వి(micro suv) బోల్డ్, మస్కులర్, స్టైలిష్ అండ్ కంపెనీ iRA కనెక్ట్ కార్ టెక్‌తో సహా ఎన్నో స్మార్ట్ ఫీచర్లతో వస్తుంది. ఇతర ఫీచర్లలో ప్రొజెక్టర్ హెడ్‌లైట్లు, ఎల్‌ఈ‌డి ఎస్‌ఆర్‌ఎల్ లు, 16-అంగుళాల డైమండ్-కట్ అల్లాయ్ వీల్స్, ఎల్‌ఈ‌డి టెయిల్‌ల్యాంప్‌లు, ఫాక్స్ రూఫ్ రాక్స్ ఉన్నాయి.

లోపల మీరు ఆపిల్ కార్‌ప్లే, ఆండ్రాయిడ్ ఆటో, మల్టీ-ఫంక్షనల్ స్టీరింగ్ వీల్, డిజిటల్ ఇన్‌స్ట్రుమెంట్ క్లస్టర్ మరిన్నింటితో టచ్‌స్క్రీన్ డిస్‌ప్లేను పొందుతారు. టాటా పంచ్ గ్లోబల్  NCAP నుండి 5-స్టార్ సేఫ్టీ రేటింగ్ కూడా పొందింది, దీంతో భారతదేశంలో అత్యంత సురక్షితమైన కార్లలో ఒకటిగా నిలిచింది.

పంచ్ టాటా మోటార్స్ పరీక్షించిన 1.2 లీటర్ రివోట్రాన్ పెట్రోల్ ఇంజిన్ డైన-ప్రో టెక్నాలజీతో శక్తినిస్తుంది, 6000 rpm వద్ద 84 bhp, 3300 rpm వద్ద 113 Nm ట్యూన్ చేయబడింది. ఈ ఇంజిన్ ఆల్ట్రోజ్ ఇంకా టియాగోలో కూడా అందించారు. ఇంజన్ 5-స్పీడ్ మాన్యువల్ గేర్‌బాక్స్‌తో పాటు స్టాండర్డ్ AMT యూనిట్‌తో వస్తుంది.

కొత్త టాటా పంచ్ లాంచ్ లైవ్ అప్ డేట్స్(live updates)  విషయాలు
టాటా పంచ్ - ధర 
భారతదేశంలో టాటా పంచ్  ధర రూ .5.49 లక్షల నుండి ప్రారంభమవుతుంది. టాప్-స్పెక్ ఏ‌ఎం‌టి మోడల్ ధర 9.39 లక్షలు (అన్ని ధరలు ఎక్స్-షోరూమ్, ఢిల్లీ).

టాటా పంచ్ ఇండియా లాంచ్ - సేఫ్టీ బెంచ్‌మార్క్
టాటా మోటార్స్ ప్రెసిడెంట్ అండ్ సి‌టి‌ఓ రాజేంద్ర పెట్కర్ మాట్లాడుతూ పంచ్ భారతదేశంలో అత్యంత సురక్షితమైన కారుగా నిలిచి అత్యధిక అడల్ట్ సేఫ్టీ రేటింగ్ సాధించిందని చెప్పారు. ఈ అధిక భద్రతా నమ్మకాన్ని సాధించడానికి కంపెనీ అధిక దృడమైన స్టీల్, హాట్ స్టాంప్ BIW స్ట్రక్చరల్ ప్యానెల్‌లు, అధునాతన భద్రతా భాగాలను ఉపయోగించినట్లు ఆయన చెప్పారు.

టాటా పంచ్ ఇండియా లాంచ్ - సేఫ్టీ బెంచ్‌మార్క్
టాటా పంచ్ గ్లోబల్ NCAP నుండి సేఫ్టీ కోసం 5 స్టార్ సేఫ్టీ రేటింగ్ అందుకున్న హోమ్ డెవలప్ కార్ల తయారీ సంస్థ నుండి మూడవ మోడల్. అడల్ట్ సేఫ్టీ కోసం 17 పాయింట్లలో 16.45, పిల్లల  సేఫ్టీ కోసం 49 పాయింట్లలో 40.89 సాధించింది. నిజంగా చెప్పాలంటే భారతదేశం నుండి పిల్లల రక్షణ కోసం 4-స్టార్ స్కోర్ పొందిన రెండవ కారు ఇది.

టాటా పంచ్ - కలర్ ఆప్షన్స్
టాటా పంచ్ 7 కలర్ ఆప్షన్‌లలో అందించబడుతుంది (డ్యూయల్-టోన్ ఆప్షన్‌లు టాప్-ఎండ్ క్రియేటివ్ వేరియంట్‌కు ప్రత్యేకంగా ఉంటాయి లోయర్ వేరియంట్‌లకు సింగిల్ టోన్ ఆప్షన్ లభిస్తుంది). బ్లూ, రెడ్ టాప్-ఎండ్ క్రియేటివ్ ట్రిమ్‌కు ప్రత్యేకమైనవి.

టాటా పంచ్ - వేరియంట్స్
టాటా మోటార్స్ పంచ్‌ను నాలుగు వేరియంట్‌లలో అందించనున్నారు- ప్యూర్, అడ్వేంచర్, ఆకాంప్లిషెడ్, క్రియేటివ్, ఈ వేరియంట్‌లను సంస్థ 'పర్సనస్' అని సూచిస్తున్నారు. అన్ని 4 ట్రిమ్‌లు కూడా కస్టమ్ ప్యాక్‌లతో వస్తాయి, ఇందులో యాడ్-ఆన్ ఫీచర్‌లు ఉంటాయి.

టాటా పంచ్ - సైజ్
సైజ్ పరంగా కొత్త టాటా పంచ్ 3827 ఎం‌ఎం పొడవు, 1742 ఎం‌ఎం వెడల్పు, 1615 ఎం‌ఎం ఎత్తు, వీల్‌బేస్ 2445 ఎం‌ఎం, 187 ఎం‌ఎం గ్రౌండ్ క్లియరెన్స్ ఉంది.ఇగ్నిస్, స్విఫ్ట్, గ్రాండ్ ఐ10 నియోస్, కెయువి 100 వంటి కంటే ఈ కారు పెద్దది. అయితే గ్రాండ్ i10 నియోస్ కొంచెం పొడవైన వీల్‌బేస్‌ను పొందుతుంది. KUV100 కొత్త పంచ్ కంటే కొంచెం పొడవుగా ఉంటుంది.

టాటా పంచ్ - డిజైన్ అండ్ స్టైలింగ్ 
టాటా పంచ్  ప్రొడక్షన్ వెర్షన్ హెచ్‌బి‌ఎక్స్ కాన్సెప్ట్ లాగానే ఉంటుందని సంస్థ వాగ్దానం చేసింది అలాగే చెప్పినట్టుగానే కంపెనీ చేసిన వాగ్దానాన్ని నిలబెట్టుకుంది. నెక్సాన్, హారియర్, సఫారి వంటి వాటి నుండి కొన్ని ఇండికేషన్స్  తీసుకుంటే కొత్త పంచ్ ఎస్‌యూ‌వి మస్కులర్ట్ గా కనిపిస్తుంది. మరోవైపు ఫీచర్లు అండ్ స్టైలింగ్ ఎలిమెంట్స్ - ట్రై ఆరో ప్యాటర్న్ డిజైన్, ఎల్‌ఈ‌డి డి‌ఆర్‌ఎల్ లు, ప్రొజెక్టర్ హెడ్‌ల్యాంప్‌లు, హై-సెట్ రియర్ బంపర్, రూఫ్-మౌంటెడ్ స్టాప్ ల్యాంప్, బ్లాక్ క్లాడింగ్, ర్యాక్డ్ విండ్‌స్క్రీన్, కంపెనీ బ్రాండింగ్‌తో టెయిల్‌గేట్, మరిన్నింటితో కూడిన ఎల్‌ఈ‌డి టైల్‌లైట్‌లను కూడా పొందుతుంది.

టాటా పంచ్ - ప్లాట్‌ఫారమ్ & డిజైన్ లాంగ్వేజ్
టాటా పంచ్ ఆల్ఫా-ఎఆర్‌సి (ఎజైల్ లైట్ ఫ్లెక్సిబుల్ అడ్వాన్స్‌డ్ ఆర్కిటెక్చర్) ప్లాట్‌ఫారమ్‌పై నిర్మించారు, ఈ ప్లాట్‌ఫారమ్‌ ఆల్ట్రోజ్ ప్రీమియం హ్యాచ్‌బ్యాక్‌కి కూడా సపోర్ట్ చేస్తుంది. టాటా మోటార్‌ నుండి ఈ ప్లాట్‌ఫారమ్‌పై నిర్మించిన మొదటి ఎస్‌యూ‌వి, అలాగే కంపెనీ ఇంపాక్ట్ 2.0 డిజైన్ లాంగ్వేజ్‌ని ఉపయోగిస్తుంది.

టాటా పంచ్   గొప్ప ఫీచర్లు
టాటా పంచ్  ప్యూర్ వేరియంట్ లో డ్యూయల్ ఎయిర్‌బ్యాగులు, 15-అంగుళాల వీల్స్, డ్యూయల్ డ్రైవ్ మోడ్, ఇంజిన్-స్టార్ట్ స్టాప్, 90-డిగ్రీల ఓపెనింగ్  డోర్స్, వెనుక ఫ్లాట్ ఫ్లోర్‌ను పొందుతుంది. ఈ వేరియంట్ వైట్, బూడిద రంగు ఆప్షన్స్ లో మాత్రమే అందుబాటులో ఉంటుంది.
దీని తరువాత అడ్వెంచర్ వేరియంట్ గురించి మాట్లాడితే ఇందులో ఉన్న ముఖ్యమైన ఫీచర్స్ 4-అంగుళాల ఇన్ఫోటైన్‌మెంట్ సిస్టమ్, స్టీరింగ్-మౌంటెడ్ కంట్రోల్స్, ముందు, వెనుక పవర్ విండోస్, సెంట్రల్ రిమోట్ లాకింగ్ సిస్టమ్ లభిస్తుంది.
మూడవ వేరియంట్ అకంప్లీషెడ్ లో 7-అంగుళాల ఇన్ఫోటైన్‌మెంట్ స్క్రీన్, రియర్ వ్యూ కెమెరా, వాయిస్ రికగ్నిషన్, పాసివ్ ఎంట్రీ, పుష్-బటన్ స్టార్ట్, సిక్స్-వే సీట్ హైట్ అడ్జస్ట్,  క్రూయిజ్ కంట్రోల్ వంటి ఫీచర్లను పొందుతుంది.
నాల్గవ వేరియంట్ క్రియేటివ్  రెడ్, బ్లూ ఇంకా డ్యూయల్ టోన్ కలర్ థీమ్‌లలో ప్రవేశపెట్టరు. దీనికి ప్రొజెక్టర్ హెడ్ లైట్లు, ఎల్‌ఈ‌డి డి‌ఆర్‌ఎల్ లు, 16-అంగుళాల అల్లాయ్ వీల్స్, రెయిన్ సెన్సింగ్ వైపర్స్, ఎలక్ట్రిక్ ఓ‌ఆర్‌వి‌ఎంలు, ఆటో టెంపరేచర్ కంట్రోల్, కూల్డ్ గ్లోవ్ బాక్స్, లెదర్-ర్యాప్డ్ స్టీరింగ్, గేర్ నాబ్ ఇంకా ఐ‌ఆర్‌ఏ కనెక్ట్ టెక్నాలజీని పొందుతుంది.