కియా కార్నివాల్ సరికొత్త వేరియంట్.. 9-సీటర్ మోడల్ బ్యాన్.. ధర, ఫీచర్లు వావ్ అనిపిస్తాయి..

దక్షిణ కొరియాకు చెందిన ప్రముఖ వాహన తయారీ సంస్థ కియా (KIA) భారత మార్కెట్లో కార్నివాల్ (carnival)శ్రేణిని మార్చింది. తాజాగా కంపెనీ కియా కార్నివాల్  కొత్త 6-సీటర్ వేరియంట్‌ను విడుదల చేసింది. 

ఇప్పుడు కొత్త వేరియంట్‌లో మూడు వరుసలలో కెప్టెన్ సీట్లు ఇచ్చారు ఇంకా  కారు  మిడ్-స్పెక్ ప్రెస్టీజ్ ట్రిమ్‌పై ఆధారపడి ఉంటుంది. 6-సీటర్ కార్నివాల్ ధరను కంపెనీ రూ.28.95 లక్షలుగా నిర్ణయించింది. 

కియా ఇండియా కార్నివాల్ ఎం‌పి‌వి 9-సీటర్ వేరియంట్‌ 
కియా కార్నివాల్ ఇప్పుడు 6-సీటర్, 7-సీటర్, 8-సీటర్ కాన్ఫిగరేషన్‌లలో మాత్రమే అందుబాటులో ఉంది. కొత్త 6-సీటర్ కార్నివాల్ 540-లీటర్ల బూట్ స్పేస్‌ను అందిస్తుంది, అంటే 7-సీటర్, 8-సీటర్ వేరియంట్‌ల కంటే ఎక్కువ. రెండవ, మూడవ వరుస సీట్లను వరుసగా మడతపెట్టడం ద్వారా బూట్ స్పేస్‌ను 1,624-లీటర్లు ఇంకా 2,759-లీటర్లకు విస్తరించవచ్చు.

ఇంజన్ అండ్ మైలేజ్
కియా కార్నివాల్ 2.2-లీటర్ టర్బోచార్జ్డ్ డీజిల్ ఇంజన్‌తో శక్తిని పొందుతుంది. ఈ ఇంజన్ గరిష్టంగా 200 బిహెచ్‌పి పవర్, 440 ఎన్ఎమ్ టార్క్ ఉత్పత్తి చేస్తుంది. 8-స్పీడ్ టార్క్ కన్వర్టర్ ఆటోమేటిక్ గేర్‌బాక్స్ ద్వారా పవర్ ఫ్రంట్ వీల్స్‌కు అందిస్తుంది. కార్నివాల్ 13.9 kmpl ARAI సర్టిఫైడ్ మైలేజీని ఇస్తుందని కియా పేర్కొంది. 

ఫీచర్లు
ఎం‌పి‌వికి ఎల్‌ఈ‌డి ప్రొజెక్టర్ హెడ్‌ల్యాంప్‌లు, ఎల్‌ఈ‌డి పొజిషన్ ల్యాంప్స్, ఎల్‌ఈ‌డి ఐస్ క్యూబ్ ఫాగ్ ల్యాంప్స్, ఎల్‌ఈ‌డి టెయిల్-లైట్లు, స్మార్ట్ పవర్ టెయిల్‌గేట్, డ్యూయల్ ప్యానెల్ ఎలక్ట్రిక్ సన్‌రూఫ్, ఎల్‌ఈ‌డి ఇంటీరియర్ లైట్లు, పవర్డ్ ORVMలు, లెదర్ సీట్లు, 3-వరుస స్లైడింగ్ సీట్లు ఉన్నాయి. ఎలక్ట్రిక్ లంబార్ సపోర్ట్, ల్యాప్‌టాప్ ఛార్జర్, క్రూయిజ్ కంట్రోల్, ఆటో డీఫాగర్‌తో కూడిన ట్రిపుల్ జోన్ క్లైమేట్ కంట్రోల్, 8-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్ వంటి ఫీచర్లు అందుబాటులో ఉన్నాయి. 

భద్రతా ఫీచర్లు 
భద్రతా ఫీచర్ల గురించి మాట్లాడితే కియా కార్నివాల్ 6-సీటర్ వేరియంట్‌లో ఎలక్ట్రానిక్ స్టెబిలిటీ కంట్రోల్, హిల్ స్టార్ట్ అసిస్ట్ కంట్రోల్, రోల్ ఓవర్ మిటిగేషన్, కార్నరింగ్ బ్రేక్ కంట్రోల్, సైడ్ అండ్ కర్టెన్ ఎయిర్‌బ్యాగ్‌లు, ఫ్రంట్ పార్కింగ్ సెన్సార్లు, ఈ‌బి‌డితో కూడిన ఏ‌బి‌ఎస్, డిస్క్ బ్రేక్‌లు ఉన్నాయి. 

కియా కార్నివాల్ ధర
కియా కార్నివాల్ ధర రూ. 24.95 లక్షల నుండి రూ. 33.99 లక్షల రేంజ్‌లో అందుబాటులో ఉంది. ఈ ఎమ్‌పివికి కస్టమర్ల నుండి మంచి స్పందన లభించింది. దీంతో కియా ప్రతి నెలా 400-500 యూనిట్లను విక్రయిస్తుంది. అలాగే కియా ఇండియా సెల్టోస్ ప్లాట్‌ఫారమ్ ఆధారంగా కొత్త 7-సీటర్ మోడల్‌ను విడుదల చేయడానికి యోచిస్తోంది.