Weekly Horoscope : ఈ వారం ఈ రాశివారికి ఇన్నాళ్లు పడ్డ శ్రమ ఫలిస్తుంది..!

ఈ వారం రాశిఫలాలు ఇలా ఉన్నాయి. ఓ రాశివారికి విచిత్రమైన సంఘటనలు ఎదురవుతాయి. ఇన్నేళ్ల శ్రమ ఫలిస్తుంది. వ్యాపారాలు పుంచుకుంటాయి. రాజకీయనాయకులకు పదవీ యోగం ఉంటుంది. వ్యాపారాలు పుంజుకుంటాయి.

(Aries)

మేషరాశి (Aries) అశ్విని, భరణి, కృత్తిక 1 వ పాదం వారికి :- ఈ వారం ఉత్సాహంగా వ్యవహారాలు పూర్తి చేస్తారు. ఆత్మీయులు, బంధువుల ఆదరణ పొందుతారు. మీ ఊహలు నిజం చేసుకుంటారు. ఆస్తి వివాదాల నుంచి బయటపడతారు. కొత్త విషయాలు తెలుసుకుంటారు. ఆర్థిక పరిస్థితి మెరుగ్గా ఉంటుంది. దీర్ఘకాలిక సమస్యలు తీరతాయి. వ్యాపారాలు పుంజుకుంటాయి. ఉద్యోగులు తమ సమర్థతను చాటుకుంటారు. పారిశ్రామికవర్గాలకు ఉత్సాహవంతంగా ఉంటుంది. వారం మధ్యలో స్వల్ప అనారోగ్యం. ధనవ్యయం. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

Taurus

వృషభరాశి ( Taurus) కృత్తిక 2, 3, 4 పాదాలు, రోహిణి , మృగశిర 1, 2 పాదాల వారికి  :- ఈ వారం ఇంతకాలం పడిన శ్రమ ఫలించే సమయం. చిన్ననాటి మిత్రులను కలుసుకుని  ఉత్సాహంగా గడుపుతారు. యుక్తితో కొన్ని సమస్యల నుంచి బయటపడతారు. అరుదైన ఆహ్వానాలు రాగలవు. స్థిరాస్తి వృద్ధి. వాహన, గృహయోగాలు. వ్యాపారాలలో ఒడిదుడుకులు తొలగుతాయి. ఉద్యోగులకు ఇంక్రిమెంట్లు. పారిశ్రామికవర్గాలకు నూతనోత్సాహం. వారం  ప్రారంభంలో వ్యయప్రయాసలు. ధనవ్యయం. అనారోగ్యం. అనుకూలమైన శుభ ఫలితాల కొరకు విష్ణు సహస్ర నామాలను చదువుకోవాలి. పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

Gemini

మిధునరాశి ( Gemini) మృగశిర 3, 4 పాదాలు, ఆరుద్ర, పునర్వసు 1, 2, 3, పాదాల వారికి :-  ఈ వారం ఆర్థిక ప్రగతి కనిపిస్తుంది. రుణబాధలు తొలగుతాయి. పనులు సకాలంలో పూర్తి చేస్తారు. అందరిలోనూ గౌరవం పొందుతారు. మీమాటకు ఎదురుండదు. బంధువర్గంతో వివాదాలు సర్దుబాటు కాగలవు. భూ, గృహయోగాలు. ఆలయాలు సందర్శిస్తారు. వ్యాపారాలలో లాభాలు. ఉద్యోగులకు ఒత్తిడులు తొలగుతాయి. రాజకీయవర్గాలకు పదవీయోగం.  వారం మ«ధ్యలో కుటుంబసమస్యలు. అనారోగ్యం. గోచార రిత్య అష్టమ శని ప్రభావంతో ఉన్నారు కాబట్టి కాకులకు బెల్లంతో చేసిన గోధుమ రొట్టెలను వేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

Cancer

కర్కాటకరాశి ( Cancer) పునర్వసు 4 వ పాదం, పుష్యమి, ఆశ్లేష వారికి :- ఈ వారం పనులు చకచకా పూర్తి కాగలవు. ప్రముఖులతో పరిచయాలు. సంఘంలో విశేష ఆదరణ పొందుతారు. విచిత్రమైన సంఘటనలు ఎదురవుతాయి. అప్పగించిన బాధ్యతలు సమర్థవంతంగా నిర్వహించి ప్రశంసలు అందుకుంటారు. ఇంటి నిర్మాణయత్నాలు అనుకూలిస్తాయి. నూతన ఉద్యోగయోగం. కీలక నిర్ణయాలు తీసుకుంటారు. వ్యాపారాలు లాభసాటిగా సాగుతాయి. ఉద్యోగులు ఒక సమాచారంతో ఊరట చెందుతారు. కళారంగం వారికి  పురస్కారాలు. వారం చివరిలో బంధువిరోధాలు. శ్రమాధిక్యం. అనారోగ్యం. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

Leo Zodiac

సింహరాశి (Leo) మఖ, పుబ్బ, ఉత్తర 1 వ పాదం వారికి :-  ఈ వారం చాకచక్యం, నేర్పుతో సమస్యల నుంచి బయటపడతారు. వ్యవహారాలలో విజయం. సభలు, సమావేశాలలో పాల్గొంటారు. పాతమిత్రులను కలుసుకుని ఉత్సాహంగా గడుపుతారు. ఆస్తి వివాదాల పరిష్కారం. శుభకార్యాల రీత్యా ఖర్చులు. ధనలాభం. విద్యార్థులకు అనుకూల ఫలితాలు. సంఘంలో గౌరవమర్యాదలు పెరుగుతాయి. వ్యాపారాలు సజావుగా సాగుతాయి. కొత్త వ్యాపారాలు కూడా ప్రారంభిస్తారు. ఉద్యోగులకు కాస్త అనుకూలమైన కాలమనే చెప్పాలి. పారిశ్రామికవర్గాలకు  ప్రోత్సాహకరంగా ఉంటుంది. వారం చివరిలో వ్యయప్రయాసలు. అనారోగ్యం. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

(Virgo)

కన్యారాశి ( Virgo) ఉత్తర 2, 3, 4 పాదాలు, హస్త, చిత్త 1, 2 పాదాల వారికి :- ఈ వారం వ్యవహారాలు సాఫీగా సాగుతాయి. ఆత్మీయుల నుంచి ఆహ్వానాలు రాగలవు. ఆస్తి వివాదాల నుంచి గట్టెక్కుతారు. సోదరులు, మిత్రులతో ఉత్సాహంగా గడుపుతారు. గృహం, వాహనాలు కొంటారు. శుభకార్యాల రీత్యా ఖర్చులు.నిరుద్యోగులకు శుభవార్తలు. చిరకాల ప్రత్యర్థులు మీతో చేయి కలుపుతారు. ఆధ్యాత్మిక కార్యక్రమాలలో పాల్గొంటారు. చిన్ననాటి మిత్రులు కొంత సాయం అందిస్తారు. వ్యాపారాలు లాభసాటిగా ఉంటాయి. ఉద్యోగులకు అనుకోని హోదాలు. రాజకీయవర్గాల వారి దీర్ఘకాలిక కల ఫలిస్తుంది. వారం ప్రారంభంలో కుటుంబంలో ఒత్తిడులు. అనుకోని ఖర్చులు. అనుకూలమైన శుభ ఫలితాల కొరకు గరికతో గణపతికి పూజ చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

Libra

తులారాశి ( Libra) చిత్త 3, 4 పాదాలు, స్వాతి, విశాఖ 1, 2, 3, పాదాల వారికి :- ఈ వారం మొదట్లో కొద్దిపాటి చికాకులు నెలకొన్నా  క్రమేపీ అధిగమిస్తారు. ఆర్థిక పరిస్థితి మరింత మెరుగ్గా ఉంటుంది. గతంలో దూరమైన సన్నిహితులు దగ్గరవుతారు. మీ సేవలకు గుర్తింపు రాగలదు. ప్రముఖులతో పరిచయాలు సంతోషం కలిగిస్తాయి. విద్యార్థులు, నిరుద్యోగులకు శుభవార్తలు అంతతాయి.. వాహనయోగం. శుభకార్యాలలో పాల్గొంటారు. వ్యాపారాలు ఆశించినస్థాయిలో  లాభిస్తాయి. ఉద్యోగులకు సంతోషకరమైన విషయాలు తెలుస్తాయి. కళారంగం వారికి పూర్వవైభవం.  వారం మ«ధ్యలో మానసిక ఆందోళన, చికాకులు. అనారోగ్యం. అనుకూలమైన శుభ ఫలితాల కొరకు నవగ్రహ స్తోత్రం పాటించాలి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

(Scorpio)

వృశ్చికరాశి ( Scorpio) విశాఖ 4 వ పాదం, అనురాధ, జ్యేష్ట నక్షత్రాల వారికి :- ఈ వారం ముఖ్యమైన పనులు అనుకున్న విధంగా పూర్తి చేస్తారు. ఆర్థిక విషయాలు సంతృప్తికరంగా ఉంటాయి. కొన్ని ముఖ్య నిర్ణయాలు తీసుకుంటారు. ఇంటిలో శుభకార్యాలు నిర్వహిస్తారు. భూవివాదాల నుంచి బయటుపడతారు. ఇంటి నిర్మాణయత్నాలలో కదలికలు ఉంటాయి. వాహనాలు, ఆభరణాలు కొనుగోలు చేస్తారు. ఆత్మీయుల నుంచి కొన్ని సూచనలు రావచ్చు.  వ్యాపారాలలో మీ లక్ష్యాలు నెరవేరతాయి. ఉద్యోగాలలో చిక్కులు, చికాకులు తొలగే సమయం. రాజకీయవర్గాలకు కొన్ని పదవులు లభించవచ్చు. వారం చివరిలో ధనవ్యయం. కుటుంబంలో చికాకులు. గోమాతకు గ్రాసం పెట్టండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

(Sagittarius)

ధనుస్సురాశి  ( Sagittarius) మూల, పూర్వాషాఢ, ఉత్తరాషాఢ 1 వ పాదం వారికి :- ఈ వారం కొత్త వ్యక్తులు పరిచయమవుతారు. అరుదైన ఆహ్వానాలు రాగలవు. ఒక సంఘటన విశేషంగా ఆకట్టుకుంటుంది. వాహనాలు, భూములు కొనుగోలు చేస్తారు. వివాహాది శుభకార్యాలలో పాల్గొంటారు. నూతన ఉద్యోగయత్నాలలో పురోగతి ఉంటుంది. కొన్ని వివాదాల నుంచి గట్టెక్కుతారు. ఆలయాలు సందర్శిస్తారు. వ్యాపారాలలో ప్రోత్సాహకరంగా ఉంటుంది. ఉద్యోగాలలో అదనపు పనిభారం నుంచి విముక్తి. పారిశ్రామికవర్గాలకు శుభవార్తలు అందుతాయి. వారం ప్రారంభంలో  స్వల్ప అనారోగ్యం. కుటుంబసమస్యలు. మానసిక ఆందోళన. అనుకూలమైన శుభ ఫలితాల కొరకు మృత్యంజయ జపం చేయడం మంచిది. పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

Capricorn

మకరరాశి ( Capricorn) ఉత్తరాషాఢ, 2, 3, 4 పాదాలు, శ్రవణం, ధనిష్ఠ 1, 2 పాదాల వారికి :- ఈ వారం మొదట్లో కొంత చికాకులు ఎదురైనా క్రమేపీ తొలగుతాయి. ఆర్థిక లావాదేవీలు ఆశాజనకం. బంధువులతో సఖ్యత నెలకొంటుంది. చిన్ననాటి మిత్రులను కలుసుకుంటారు. ఆహ్వానాలు అందుతాయి. ఆ««ధ్యాత్మిక కార్యక్రమాలలో పాల్గొంటారు. నిరుద్యోగుల కల ఫలిస్తుంది. ఊహకు అందని విధంగా ఉద్యోగావకాశాలు లభించే సూచనలు. మ్రుఖులతో పరిచయాలు ఉత్సాహాన్నిస్తాయి. వాహనాలు, భూములు కొనుగోలు చేస్తారు.  వ్యాపారాలు మరింత పుంజుకుంటాయి. ఉద్యోగాలలో మీ పనితనాన్ని పైస్థాయి వారు గుర్తిస్తారు. పారిశ్రామికవర్గాలకు విదేశీ పర్యటనలు ఉండవచ్చు. వారం ప్రారంభంలో ధనవ్యయం. కుటుంబంలో చికాకులు.  అనుకూలమైన శుభ ఫలితాల కొరకు ప్రతీ రోజూ రావి చెట్టుకు 'ఓం నమో భగవతే వాసుదేవాయ' అని స్మరిస్తూ  11 ప్రదక్షిణలు చేయండి, పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

(Aquarius)

కుంభరాశి  ( Aquarius) ధనిష్ఠ 3, 4 పాదాలు, శతభిషం, పూర్వాభాద్ర 1, 2, 3 పాదాల వారికి :- ఈ వారం ఆర్థిక పరిస్థితి మెరుగుపడి ఉత్సాహంగా గడుపుతారు. ఆస్తుల విషయంలో స్తబ్ధత తొలగుతుంది. ఇంతాకాలం పడిన శ్రమ ఫలించి విద్యార్థులు ఊరట చెందుతారు. సన్నిహితులతో మరింత సఖ్యత నెలకొంటుంది. ఆహ్వానాలు అందుకుంటారు. వాహనాలు కొనుగోలు చేస్తారు. ఆలయాలు సందర్శిస్తారు. పరిచయాలు విస్తృతమవుతాయి. వ్యాపార లావాదేవీలు ఆశాజనకంగా ఉంటాయి. ఉద్యోగాలలో ఊహించని అవకాశాలు దక్కవచ్చు. కళారంగం వారికి కొత్త ఆశలు చిగురిస్తాయి. అలాగే, మంచి గుర్తింపు సైతం లభిస్తుంది. వారం మధ్యలో ధనవ్యయం. ఆరోగ్యం మందగిస్తుంది. కుటుంబంలో సమస్యలు. అనుకూలమైన శుభ ఫలితాల కొరకు గోమాత సమేత ఐశ్వర్య కాళీ అమ్మవారి పటానికి ఎర్రని పూలతో పూజించండి,  పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది. 

Pisces Zodiac

మీనరాశి ( Pices) పూర్వాభాద్ర 4 వ పాదం, ఉత్తరాభాద్ర, రేవతి వారికి :-  ఈ వారం చేపట్టిన వ్యవహారాలు ముందుకు సాగక నిరాశ చెందుతారు. ఆర్థిక ఇబ్బందులు కొంత చికాకు పరుస్తాయి. శ్రమాధిక్యమే తప్ప ఫలితం కనిపించదు. దూరప్రయాణాలు చేస్తారు. సోదరులు, బంధువర్గంతో  వివాదాలు నెలకొంటాయి. ఆధ్యాత్మిక కార్యక్రమాలలో పాల్గొంటారు. ఆరోగ్య సమస్యలతో కొంత కుస్తీ పడతారు. వ్యాపారాలు స్వల్పంగా లాభిస్తాయి. ఉద్యోగాలలో ఇష్టంలేకున్నా మార్పులు ఉండవచ్చు. రాజకీయవర్గాలకు కొన్ని ఒడిదుడుకులు ఎదురుకావచ్చు.  వారం మధ్యలో శుభవార్తలు. ఆకస్మిక ధన, వస్తులాభాలు. అనుకూలమైన శుభ ఫలితాల కొరకు సూర్య దేవుని ఆరాధన చేయండి,  పశు, పక్ష్యాదులకు త్రాగడానికి నీళ్ళను ఏర్పాటు చేయండి శుభం కలుగుతుంది.

డా.యం.ఎన్.ఆచార్య - ప్రముఖ అంతర్జాతీయ జ్యోతిష, జాతక,వాస్తు శాస్త్ర పండితులు -శ్రీమన్నారాయణ ఉపాసకులు. సునంద రాజన్ జ్యోతిష ,జాతక,వాస్తు కేంద్రం.తార్నాక -హైదరాబాద్ - ఫోన్:  9440611151

Today Horoscope

గమనిక :-  ప్రస్తుతకాల గోచార గ్రహస్థితి, దశాంతర్ధశ , ద్వాదశ భావలు, వాటిపై దృష్టులు, ఉచ్చ నీచ స్థానాలు, షడ్బలాలు మొదలగు అనేక అంశాలను, అలాగే అన్ని రంగాల, వర్గాల వారిని దృష్టిలో పెట్టుకుని సామూహిక ఫలితాలు తెలియజేయడం జరుగుతుంది, ఈ ఫలితాలు మొత్తం తమ ఒక్కరికే వర్తిస్తాయని భావించవద్దు. పేరుతో రాశి ఫలితాలు చూసుకోవడం అనేది సరైన పద్దతి కాదు, ఇది గమనించగలరు. వ్యక్తిగత జాతక వివరాల కొరకు అనుభవజ్ఞులైన జ్యోతిష పండితులను సంప్రదించి వారికి దక్షిణ, తాంబూలాదులనిచ్చి మీ జాతక వివరాలను, తరుణోపాయలను అడిగి తెలుసుకుని శుభ ఫలితాలను పొందగలరు . . . డా. ఎం . ఎన్. ఆచార్య