ఆగిపోయిన గడియారం పెట్టుకుంటే ఏమౌతుంది?

13

Clock

ఇంట్లో గోడ గడియారం, చేతి గడియారం అప్పుడప్పుడు ఆగిపోవడం  లాంటివి జరుగుతాయి. అయితే.. ఆగిపోయిన వాటిని మనం పెద్దగా పట్టించుకోం. వాటిని అలానే వదిలేస్తారు. స్టైల్ కోసం చాలా మంది ఆగిపోయిన గడియారం కూడా పెట్టుకుంటూ ఉంటారు. కానీ వాస్తు ప్రకారం.. ఈ ఆగిపోయిన గడియారం వల్ల చాలా నష్టాలు జరుగుతాయని మీకు తెలుసా? వాస్తు ప్రకారం ఆగిపోయిన గడియారం పెట్టుకుంటే ఏమౌతుందో తెలుసుకుందాం...

23

వాస్తు ప్రకారం.. ఆగిపోయిన గడియారం మాత్రమే కాదు.. పగిలిన, విరిగిన గడియారం కూడా పెట్టుకోకూడదు. దీని వల్ల.. మన శరీరంలోకి నెగిటివ్ ఎనర్జీ ప్రవేశించే అవకాశం ఎక్కువగా ఉంటుందట. గడియారం కదిలే ముల్లు..మీ జీవితంతో సంబంధాన్ని సూచిస్తాయట. వాస్తు ప్రకారం ఆగిపోయిన గడియారం మన జీవితంలో ఎదుగుదలకు అడ్డంకిలా మారుతుందట. ఆగిపోయినా లేదా, ఇరిగిపోయిన గడియారాన్ని ధరించడం వల్ల.. కెరీర్ లో అభివృద్ధి ఆగిపోతుందట.  జీవితంలో తీసుకోవాలి అనుకున్న ముఖ్యమైన నిర్ణయాలు కూడా తీసుకోలేరట. 

33

వ్యక్తిగత విజయాల నుండి వృత్తిపరమైన విజయం వరకు మన జీవితంలోని ప్రతి అంశాన్ని సమయం నియంత్రిస్తుంది. సరిగా పని చేసే  గడియారం సానుకూల శక్తిని నింపితే.. ఆగిపోయిన గడియారం మాత్రం పాజిటివ్ ఎనర్జీని ఆపేస్తుంది.  శారీరకంగానూ, మానసికంగానూ మీ పురోగతిని మందగించేలా చేస్తుంది. అంతేకాదు.. ఆర్థిక సమస్యలు కూడా వచ్చే అవకాశం ఎక్కువగా ఉంటుందట. రావాల్సిన డబ్బులు రాకపోవడం దగ్గర నుంచి, సంపాదన కూడా పెరగదట.

అందుకే ఆగిపోయిన, విరిగిపోయిన గడియారాన్ని పొరపాటున కూడా ధరించకూడదట. మంచిగా పనిచేసే వాటిని మాత్రమే ఇంట్లో ఉంచుకోవాలి. అదేవిధంగా.. మన చేతికి కూడా అదే ఉంచాలి.