Today Horoscope: ఓ రాశివారు ప్రతి చిన్న విషయంలో జాగ్రత్తలు తీసుకోవాలి

ఈరోజు రాశిఫలాలు ఇలా ఉన్నాయి. ఓ రాశివారికి ఈ రోజు దూరపు ప్రయాణాలు లాభిస్తాయి. సమాజంలో ప్రతిభ  విలువ పెరుగుతుంది. ధర్మకార్యాలు ఆచరిస్తారు.విద్యార్థులకు నూతన విద్యావకాశాలు.  వ్యాపారం అభివృద్ధి. వివాహ  ఆలోచనలు కలసి వస్తాయి.

3-12-2023,  ఆదివారం  మీ  రాశి ఫలాలు (దిన ఫల,తారా ఫలాలుతో..)

జోశ్యుల విజయ రామకృష్ణ - ప్రముఖ  జ్యోతిష, జాతక, వాస్తు సిద్ధాంతి, స్మార్త పండితులు - గాయత్రి ఉపాసకులు.(తిరుమల తిరుపతి దేవస్థానం పూర్వ విద్యార్థి)  'శ్రీ మాతా' వాస్తు... జ్యోతిష్యాలయం- ఫోన్:   8523814226  (సంప్రదించు వారు వాట్సప్ లో డిటేల్స్ మరియు సమస్యలు చెప్పండి ...సాయంత్రం నాలుగు తర్వాత ఫోన్ చేయవలెను)

రాశి చక్రం లోని పన్నెండు రాశుల వారికి ఈరోజు ఎలా ఉండబోతోంది?  ఎవరికీ శుభం జరుగుతుంది..  వారి అదృష్ట నక్షత్రాలు ఏమి చెబుతున్నాయి.  ఎవరికి కలిసి వస్తుంది...ఎవరికి ఇబ్బందులు ఉంటాయి ...ఈ రోజు రాశి ఫలాలు లో తెలుసుకుందాం

telugu astrology

మేషం (అశ్విని 1,2,3,4 భరణి 1,2,3,4 కృత్తిక 1):
నామ నక్షత్రాలు (చూ-చే-చో-లా-లీ-లూ-లే-లో-ఆ)
తారాబలం
అశ్విని నక్షత్రం వారికి (పరమైత్రతార)
భరణి నక్షత్రం వారికి (మిత్రతార)
కృత్తిక నక్షత్రం వారికి  (నైధనతార)

దిన ఫలం:-అనాలోచిత పనులు వలన ఇబ్బందులకు గురవుతారు. దీర్ఘకాలిక అనారోగ్యం కొద్దిగా ఇబ్బంది పెట్టవచ్చు. నమ్మిన వారి వలన మోసం జరగవచ్చు. ఎక్కువ కష్టపడడం వల్ల అనుకున్నది సాధిస్తారు. ఆధ్యాత్మిక కార్యక్రమాలలో పాల్గొంటారు. అభివృద్ధి కార్యక్రమాలు వ్యూహాలు ఆలోచన చేస్తారు. కోపావేశాలకు దూరంగా ఉండాలి. ఉద్యోగాలలో అధికారులు తో సఖ్యత గా మెలగాలి.

వృషభం (కృత్తిక 2 3 4, రోహిణి 1 2 3 4, మృగశిర 1 2):
నామ నక్షత్రాలు (ఈ-ఊ-ఏ-ఓ-వా-వీ-వూ-వే-వో)
తారాబలం
కృత్తిక నక్షత్రం వారికి  (నైధనతార)
రోహిణి నక్షత్రం వారికి (సాధన తార)
మృగశిర నక్షత్రం వారికి  (ప్రత్యక్తార)

దిన ఫలం:-శుభకార్యాలలో పాల్గొంటారు.ఉద్యోగ ప్రయత్నాలు ఫలించును.అనుకున్న పనులు అనుకున్నట్లు సాధిస్తారు. ఆరోగ్యం అన్ని విధాలా సహకరిస్తుంది. దూరపు ప్రయాణాలు లాభిస్తాయి. సమాజంలో ప్రతిభ  విలువ పెరుగుతుంది. ధర్మకార్యాలు ఆచరిస్తారు.విద్యార్థులకు నూతన విద్యావకాశాలు.  వ్యాపారం అభివృద్ధి. వివాహ  ఆలోచనలు కలసి వస్తాయి.

మిథునం (మృగశిర 3 4, ఆరుద్ర 1 2 3 4, పునర్వసు 1 2 3):
నామ నక్షత్రాలు (కా-కి-క-కూ-ఖం-జ్ఞ-చ్ఛ-కే-కో-హ-హి)
తారాబలం
మృగశిర నక్షత్రం వారికి  (ప్రత్యక్తార)
ఆరుద్ర నక్షత్రం వారికి (క్షేమ తార)
పునర్వసు నక్షత్రం వారికి  (విపత్తార)

దిన ఫలం:-వృత్తి వ్యాపారాలలో ధన నష్టం రాకుండా జాగ్రత్తలు తీసుకోవాలి. ఆర్థిక ఇబ్బందులు కలుగును. ఆరోగ్య విషయంలో జాగ్రత్త తీసుకోవాలి. కుటుంబంలో ప్రతికూల వాతావరణం. సమాజంలో గౌరవ ప్రతిష్టలు తగ్గును. ఉద్యోగాలలో అధికారాలు యొక్క  ఒత్తిడి అధిక శ్రమ పెరుగుతుంది.కొన్ని సమస్యలు ఊహించిన దానికంటే ఎక్కువగా బాధించును.ప్రతి చిన్న విషయంలో ప్రత్యేకంగా ఆలోచించి చేయాలి .

కర్కాటకం (పునర్వసు 4, పుష్యమి 1 2 3 4, ఆశ్లేష 1 2 3 4):
నామ నక్షత్రాలు హి-హు-హే-హో-డా-డీ-డూ-డే-డో)
తారాబలం
పునర్వసు నక్షత్రం వారికి  (విపత్తార)
పుష్యమి నక్షత్రం వారికి  (సంపత్తార)
ఆశ్రేష నక్షత్రం వారికి (జన్మ తార)

దిన ఫలం:-చేపట్టిన పనులలో ఆటంకాలు ఏర్పడతాయి. కుటుంబ సభ్యులతో ప్రతికూల వాతావరణం.ఆర్థిక లావాదేవీలు మందకొడిగా సాగుతాయి. ఉద్యోగాలు లో అనుకోని  మార్పులు రాగలవు. ప్రయాణంలో జాగ్రత్తలు తీసుకోవాలి. వ్యాపారంలో ఆటంకాలు ఎదురైనా లాభాలు పొందుతారు.ప్రయాణాల్లో తగు జాగ్రత్తలు తీసుకోవాలి. ప్రతీ చిన్న విషయంలో భయాందోళన గా ఉంటుంది.

సింహం (మఖ 1 2 3 4, పుబ్బ1 2 3 4, ఉత్తర 1):
నామ నక్షత్రాలు (మా-మీ-మూ-మో-టా-టీ-టూ-టే
తారాబలం
మఘ నక్షత్రం వారికి ఈరోజు (పరమైత్ర తార)
పూ.ఫల్గుణి నక్షత్రం వారికి ఈరోజు (మిత్ర తార)
ఉ.ఫల్గుణి  నక్షత్రం వారికి ఈరోజు (నైధనతార)

దిన ఫలం:-భార్యాభర్తల మధ్య అన్యోన్యత తగ్గి మనస్పర్థలు ఏర్పడగలవు. వాహన ప్రయాణంలో జాగ్రత్త అవసరం. సోదరులతో  ఆస్తి వివాదాలు తలెత్తవచ్చు. అకారణంగా కోపావేశానికి లోనవుతారు. వృత్తి వ్యాపారాలు సామాన్యంగా ఉంటాయి. ముఖ్యమైన విషయాలు లో మిత్రుల యొక్క సహాయ సహకారాలు లభిస్తాయి.ఆరోగ్య విషయంలో జాగ్రత్త అవసరం.

కన్య (ఉత్తర 2 3 4, హస్త 1 2 3 4, చిత్త 1 2):
నామ నక్షత్రాలు (టో-పా-పి-పూ-షం-ణా-ఠ-పే-పో)
తారాబలం
ఉ.ఫల్గుణి నక్షత్రం వారికి  (నైధన తార)
హస్త నక్షత్రం వారికి  (సాధన తార)
చిత్త నక్షత్రం వారికి  (ప్రత్యక్తార)

దిన ఫలం:-విలాసవంతమైన వస్తువులు కోసం అధికంగా ఖర్చు చేస్తారు. కష్టానికి తగ్గ ప్రతిఫలం లభిస్తుంది. కొన్ని సమస్యల వలన ఇబ్బందులు కలిగిన వాటిని సమర్థవంతంగా ఎదుర్కొని అనుకూలంగా మార్చుకుంటారు. అనారోగ్య విషయంలో కొంత ఉపశమనం లభిస్తుంది. సంతానం విషయంలో  కఠినమైన నిర్ణయాలు తీసుకుంటారు.స్తంభించిన పనులు పూర్తి చేస్తారు.

తుల (చిత్త 3 4, స్వాతి 1 2 3 4, విశాఖ 1 2 3):
నామ నక్షత్రాలు(రా-రి-రూ-రో-తా-తీ-తూ-తే)
తారాబలం
చిత్త నక్షత్రం వారికి  (ప్రత్యక్తార)
స్వాతి నక్షత్రం వారికి  (క్షేమతార)
విశాఖ  నక్షత్రం వారికి (విపత్తార)

దిన ఫలం:-మనసునందు ఆందోళనగా ఉంటుంది. బంధువులు తో అకారణంగా విరోధాలు ఏర్పడవచ్చు. ఉద్యోగాలు లో అధికారులు తో సమస్యలు రాగలవు. బుద్ధి కుశలత తగ్గి తల పట్టిన పనుల్లో ఆటంకాలు ఎదురవుతాయి. శారీరక శ్రమ పెరుగుతుంది. ఆరోగ్య విషయంలో తగు జాగ్రత్తలు తీసుకోవాలి.దైవ కార్యక్రమంలో పాల్గొంటారు.వాహన ప్రయాణాల్లో జాగ్రత్త అవసరం.

వృశ్చికం (విశాఖ 4, అనురాధ 1 2 3 4, జ్యేష్ఠ 1 2 3 4):
నామ నక్షత్రాలు (తో-నా-నీ-నూ-నె-నో-యా-యీ-యు)
తారాబలం
విశాఖ నక్షత్రం వారికి (విపత్తార)
అనూరాధ నక్షత్రం వారికి (సంపత్తార)
జ్యేష్ట నక్షత్రం వారికి  (జన్మ తార)

దిన ఫలం:-నూతన వస్తు వాహన ఆభరణాలు కొనుగోలు చేస్తారు. తలపెట్టిన పనులు సకాలంలో పూర్తి కాగలవు. జీవిత భాగస్వామితో ఆనందంగా గడుపుతారు. వృత్తి వ్యాపారాలలో ధన లాభం పొందగలరు.సోదరుల సహాయ సహకారాలు లభిస్తాయి. విలాసాలకు అధిక ధనం ఖర్చు చేస్తారు. సమస్యలకు పరిష్కార మార్గాలు లభిస్తాయి. వచ్చిన అవకాశాలను సద్వినియోగం చేసుకోవాలి.

ధనస్సు (మూల 1 2 3 4 పూ.షాడ 1 2 3 4, ఉ.షాడ 1):
నామ నక్షత్రాలు(యే -యో-య-భా-భీ-భూ-ధ-ఫ-ఢా-భే)
తారాబలం
మూల నక్షత్రం వారికి  (పరమైత్ర తార)
పూ.షాఢ  నక్షత్రం వారికి (మిత్ర తార)
ఉ.షాఢ నక్షత్రం వారికి  (నైధన తార)

దిన ఫలం:-కుటుంబంలో శుభ కార్యాచరణ. మానసిక ప్రశాంతత లభిస్తుంది. శక్తిసామర్థ్యాలకు తగిన గుర్తింపు లభిస్తుంది. వ్యాపారాల్లో అభివృద్ధి సాధిస్తారు. ఆరోగ్యం అనుకూలంగా ఉంటుంది.సన్నిహితుల యొక్క సహాయ సహకారాలు లభిస్తాయి. సహోద్యోగుల నుంచి ప్రోత్సాహం లభిస్తుంది.ప్రయత్నాలు సఫలీకృతం అవుతాయి.సంఘంలో  గౌరవం పెరుగుతుంది.

మకరం (ఉ.షాడ 2 3 4, శ్రవణం 1 2 3 4, ధనిష్ట 1 2):
నామ నక్షత్రాలు (భో-జా-జి-ఖి-ఖు-ఖె-ఖో-గా-గ)
తారాబలం
ఉ.షాఢ నక్షత్రం వారికి  (నైధన తార)
శ్రవణం నక్షత్రం వారికి  (సాధన తార)
ధనిష్ఠ నక్షత్రం వారికి  (ప్రత్యక్తార)

దిన ఫలం:-ప్రభుత్వ సంబంధిత పనులు సజావుగా సాగుతాయి .బంధు మిత్రులతో కలిసి ఆనందంగా గడుపుతారు. ఉద్యోగాలలో  అధికారుల ఆదర  అభిమానం  పొందగలరు .విద్యార్థులకు నూతన విద్యా ఉద్యోగ  ప్రయత్నాలు ఫలించును. అనుకున్న పనులు అనుకున్నట్లు పూర్తి అగును.వృత్తి వ్యాపారాలలో ధన లాభం పొందుతారు. ఆరోగ్యం అనుకూలించి ప్రశాంతత లభించును. అభివృద్ధి  కార్యక్రమాల ఆలోచనలు ఫలిస్తాయి.

కుంభం (ధనిష్ఠ 3 4, శతభిషం 1 2 3 4, పూ.భాద్ర 1 2 3):
నామ నక్షత్రాలు (గూ-గే-గో-సా-సీ-సు-సే-సో-దా)
తారాబలం
ధనిష్ఠ నక్షత్రం వారికి  (ప్రత్యక్తార):-
శతభిషం నక్షత్రం వారికి (క్షేమ తార):
పూ.భాద్ర నక్షత్రం వారికి (విపత్తార):-

దిన ఫలం:-అన్ని విధాలుగా అనుకూలంగా ఉంటుంది. ప్రత్యర్థులపై పైచేయి సాధిస్తారు. దూరపు ప్రయాణాలు లాభిస్తాయి. క్రయవిక్రయాలు కలిసి వస్తాయి. వృత్తి వ్యాపారాలు లాభసాటిగా జరుగును. ఆరోగ్యం కుదుటపడి ప్రశాంతత లభిస్తుంది. గృహంలో ఆనందకరమైన వాతావరణం. తలపెట్టిన పనులు తగిన సమయానికి పూర్తి చేస్తారు.

మీనం(పూ.భాద్ర 4, ఉ.భాద్ర 1 2 3 4, రేవతి 1 2 3 4):
నామ నక్షత్రాలు (దీ--దూఝ-దా-దే-దో-చా-చి)
తారాబలం
పూ.భాద్ర నక్షత్రం వారికి  (విపత్తార)
ఉ.భాద్ర  నక్షత్రం వారికి  (సంపత్తార)
రేవతి నక్షత్రం  వారికి  (జన్మ తార)

దిన ఫలం:-ఆదాయానికి మించిన ఖర్చులు. శారీరక శ్రమ పెరుగుతుంది.ఇతరుల విషయాలకు దూరంగా ఉండాలి.ఆరోగ్య విషయంలో ప్రత్యేక శ్రద్ధ తీసుకోవాలి. మానసికంగా అనేకమైన ఆలోచనలతో చికాకులు గా ఉంటుంది. ప్రతి విషయంలో ఆచితూచి నిర్ణయం తీసుకోవాలి. వృత్తి వ్యాపారాలు సామాన్యంగా ఉంటాయి. ఉద్యోగాలలో అధికారులు తో వాదోపవాదాలు రాగలవు.