Moon Zodiac signs: చంద్రుడితో స్నేహమా, వైరమా.. ధనవంతులు అయ్యే రాశులు ఇవే..!
Moon Zodiac signs: జోతిష్యశాస్త్రంలో చంద్రుడికి చాలా ప్రాధాన్యత ఉంది. చంద్రడితో స్నేహంగా ఉండే రాశులు, శత్రువుగా ఉండే రాశులు కూడా ఉంటాయి. మరి, ఏ రాశుల వారిని చంద్రుడు ధనవంతుడు చేస్తాడో తెలుసా?
Moon Zodiac signs
వేద జోతిష్యశాస్త్రం ప్రకారం, చంద్రుడిని మానసో జాత అని పిలుస్తారు. అంటే అది మనసు, భావోద్వేగాలకు అధిపతి. చంద్రుని స్థానం ఒక వ్యక్తి మానసిక ప్రశాంతతను, వారు ఎంత సులభంగా భౌతిక సుఖాలను పొందుతారో నిర్ణయిస్తుంది. జోతిష్యశాస్త్ర గణనల ప్రకారం, చంద్రుని స్నేహ పూర్వక, శత్రు రాశులు ఒక వ్యక్తి జీవితం, వృత్తి, ఆర్థిక పరిస్థితిపై తీవ్ర ప్రభావాన్ని చూపుతాయి.
చంద్రుడి ప్రవేశంతో లాభం పొందే రాశులు..
చంద్రుడు తన ఫ్రెండ్లీ రాశులతో కలిసినప్పుడు..ఆ రాశులకు రాజయోగం కలుగుతుంది. ఆనందం రెట్టింపు అవుతుంది. వృషభ రాశిలో చంద్రుడు అత్యంత శక్తివంతుడుగా ఉంటాడు. ఈ రాశివారికి శుభాలను కూడా మోసుకొస్తాడు. ఈ రాశివారు అందుకే స్వతహాగా సౌమ్యంగా ఉంటారు. ఆర్థికంగా మంచి సంపన్నులు అయ్యే అవకాశాలు ఎక్కువగా ఉన్నాయి. అంతేకాదు.. చంద్రుడు మంచి స్థానంలో ఉన్నప్పుడు వృషభ రాశివారు భూమి, భవనాలు, వాహనాలు కొనుగోలు చేసే అవకాశం ఎక్కువగా ఉంటుంది. అదే సమయంలో.. మిథున రాశి వారికి చంద్రుడు పదునైన తెలివితేటలు, అద్భుతమైన వాక్చాతుర్య నైపుణ్యాలు ప్రసాదిస్తాడు. ఈ రాశివారు వ్యాపారంలో చాలా బాగా రాణించగలరు. మాటలతోనే ఎక్కువ డబ్బులు సంపాదిస్తారు.
ఇక, కర్కాటక రాశికి చంద్రుడు సొంత రాశి. అందుకే.. వీరికి కూడా అన్ని వేళలా సహాయంగా ఉంటాడు. ఇక.. సింహ రాశివారికి చంద్రుడు.. ధైర్యాన్ని, నాయకత్వ సామర్థ్యాన్ని అందిస్తాడు.చంద్రుడు శుభ స్థానంలో ఉంటే.. ఈ రాశివారు అనుకున్న పనులన్నీ జరిగిపోతాయి. అంతేకాదు ఈ రాశివారికి ధన ప్రవాహం కూడా పెరుగుతుంది.
చంద్రుడు ప్రవేశంతో నష్టపోయే రాశులు..
చంద్రుడు తన శత్రు గ్రహాల రాశిలో ఉన్నప్పుడు.. ఆ రాశులకు చాలా ఇబ్బందులు కలుగుతాయి. ముఖ్యంగా వృశ్చిక రాశిలో చంద్రుడు బలహీనంగా ఉంటాడు. ఆ సమయంలో ఈ రాశివారికి నిరాశ లేదా.. మానసిక ఒత్తిడి పెరుగుతాయి. చిన్న విషయాలకే విపరీతంగా కోపం కూడా వస్తుంది.
మకర రాశి కూడా చంద్రుడికి శత్రు గ్రహ రాశి. ఈ రాశిలోకి చంద్రుడు అడుగుపెట్టినప్పుడు.. ఈ రాశివారికి సమస్యలు రావచ్చు. జీవితంలో విజయం సాధించడానికి ఎక్కువ కష్టపడాలి. ఇక.. కుంభ రాశిలో చంద్రుడు ఉంటే.. ఈ రాశివారికి కూడా చాలా సమస్యలు వస్తాయి. ఎక్కువగా ఒంటరిగా మిగిలిపోతారు. ఆర్థిక సమస్యలు వచ్చే అవకాశాలు రావచ్చు. నిద్రలేమి, నిర్ణయాలు తీసుకోవడంలో గందరగోళం, మానసిక ఒత్తిడి పెరిగే అవకాశం ఉంటుంది.
