మీరు పుట్టిన తేదీ ప్రకారం మీకు ఇలాంటి అలవాట్లు ఉన్నాయా..?

మనం ఎలా ఉన్నాం అనేది మనకు ఉన్న అలవాట్లే నిర్ణయిస్తాయి. మంచి ఆరోగ్యకరమైన అలవాట్లు ఉన్నవారు.. ఎప్పుడూ ఆరోగ్యంగానే ఉంటారు. అదే.. చెడు అలవాట్లు ఉన్నవారికి అదేవిధంగా ఆరోగ్య సమస్యలు ఇబ్బంది పడుతూ ఉంటాయి. అదేవిధంగా న్యూమరాలజీ ప్రకారం... ఏ తేదీలో పుట్టిన వారికి ఎలాంటి అలవాట్లుు ఉంటే.... వారి జీవితంలో ఎలాంటి సమస్యలు లేకుండా ఆనందంగా ఉంటారో కచ్చితంగా తెలుసుకోవాల్సిందే.

1. 1, 10, 19, 28..

ఈ పైన తేదీల్లో పుట్టిన వారు జీవితంలో ఎలాంటి సమస్యలు లేకుండా, సంతోషంగా ఉండాలి అంటే.. వారు ప్రతిరోజూ సూర్య నమస్కారాలు చేయడం చాలా మంచిది. సూర్యుడికి నమస్కరించడం వల్ల వారికి ఉన్న దోషాలన్నీ తొలగిపోతాయి.
 

2. 2, 11, 20, 29..
ఈ తేదీల్లో పుట్టిన వారు కాస్త శుభ్రతపై ఎక్కువ దృష్టి పెట్టాల్సి ఉంటుంది. ఈ రాశివారు పరిశుభ్రంగా ఉంటూ... రోజూ చక్కగా తమ ఒంటికి, దుస్తులకు పర్ఫ్యూమ్ కొట్టుకుంటూ ఉంటే.. వారికి మంచి జరిగే అవకాశం ఎక్కువగా ఉంటుంది.

3. 3, 12, 21, 30...
ఈ తేదీల్లో పుట్టిన వారు కాస్త ఆరోగ్యంపై ఎక్కువ దృష్టి పెట్టాలి.  ఈ తేదీల్లో పుట్టిన వారు ప్రతిరోజూ వ్యాయామం, మెడిటేషన్ వంటివి చేస్తూ ఉండాలి. అప్పుడే వారు ఆరోగ్యంగా, సంతోషంగా ఉంటారు.

4.4, 13, 22, 31..
ఈ తేదీల్లో పుట్టిన వారు తమ జీవితంలో ఎలాంటి సమస్యలు లేకుండా, సంతోషంగా ఉండాలి అంటే వారు... ప్రతిరోజూ హనుమాన్ చాలీసా చదవడం మంచిది. దీనిని వెంటనే  చదవడం అలవాటు చేసుకోవాలి.
 

5. 5, 14, 23..
ఈ  తేదీల్లో పుట్టిన వారు.. తమ జీవితంలో ఆనందంగా ఉండాలన్నా.. సమస్యలు రాకూడదన్నా.. ప్రతిరోజూ గాయత్రీ మంత్రాన్ని జపించడం తప్పనిసరి. ఇది చదవడం అలవాటు చేసుకుంటే వారి జీవితంలో జరిగే మార్పులు కచ్చితంగా చూస్తారు.

6.6, 15, 24...
ఈ తేదీల్లో పుట్టిన వారు కూడా... తమ జీవితంలో మార్పులు రావాలన్నా.. తాము ఆరోగ్యంగా, సంతోషంగా ఉండాలి అనుకుంటే... వారు మాంసాహారం తినడం మానేయాలి. అలా మాననేసిన నాడు.. వారికి చాలా మంచి జరుగుతుంది.
 

7.7, 16, 25..

ఈ తేదీల్లో పుట్టిన వారు  తాము జీవితంలో కోరుకున్నవి అన్నీ దక్కాలి అన్నా... సంతోషంగా జీవితం సాగించాలి అన్నా...  ఆ శివయ్యను పూజించాలి. ప్రతి సోమవారం శివుడిని పూజించి.. ఉపవాసం ఉంటే సరిపోతుంది.
 

8.8, 17, 26...
ఈ తేదీల్లో పుట్టిన వారు వీలైనంత వరకు దానధర్మాలు చేయడం మంచిది. అదేవిధంగా.. సోమవారం ఉపవాసం ఉండే అలవాటు చేసుకోవాలి. ఈ అలవాట్లు వాళ్ల జీవితాలనే  మార్చేస్తాయి.
 

9.9, 18, 27...
ఈ తేదీల్లో పుట్టినవారు  తమ జీవితంలో సమస్యలు తొలగిపోవాలంటే... ప్రతిరోజూ తులసిమాతను పూజించాలి. శుభ్రంగా స్నానం చేసి రోజూ తులసి మాతకు నీరు సమర్పించాలి. ఈ అలవాటు కూడా వారి జీవితంలో చాలా సానుకూల మార్పులు తీసుకువస్తుంది.