స్మార్ట్ ఫోన్ తయారీదారి హానర్ రెండు కొత్త స్మార్ట్ ఫోన్లను ఇండియాలో లాంచ్ చేసింది. ప్రత్యేకమైన విషయం ఏంటంటే హానర్ 9ఎ, హానర్ 9ఎస్ స్మార్ట్ ఫోన్లలో గూగుల్ ప్లే స్టోర్ కి బదులుగా హువావే యాప్‌ గ్యాలరీతో వస్తుంది. హానర్ 9ఎ, హానర్ 9ఎస్ రెండూ కూడా ఫుల్ వ్యూ డిస్ ప్లేతో వస్తాయి. మీడియాటెక్ ప్రాసెసర్లతో పని చేస్తాయి.

 హానర్ 9ఎ, హానర్ 9ఎస్ రెండు వేర్వేరు ప్రేక్షకుల కోసం రెండు వేర్వేరు స్మార్ట్ ఫోన్ లను  తయారుచేసి అనేక విభిన్న ఫీచర్లతో, హార్డ్ వేర్ లక్షణాలు ఉన్నాయి. హానర్ 9ఎ ట్రిపుల్ రియర్ కెమెరా సెటప్‌తో వస్తుంది, హానర్ 9ఎస్ బ్యాక్ కెమెరాతో  వస్తుంది. హానర్ 9ఎ, హానర్ 9ఎస్ మధ్య ధర, ఫీచర్లు వివరాలు మీకోసం..

భారతదేశంలో హానర్ 9ఎ, హానర్ 9ఎస్ ధర, లాంచ్ ఆఫర్లు
భారతదేశంలో హానర్ 9ఎ ధర  64 జీబీ స్టోరేజ్ వేరియంట్‌కు రూ.9,999 కాగా, హానర్ 9ఎస్ ధర 32 జిబి స్టోరేజ్ ఆప్షన్‌కు రూ.6,499 రూపాయలు. హానర్ 9ఎ మిడ్ నైట్ బ్లాక్, ఫాంటమ్ బ్లూ కలర్ ఆప్షన్లలో లభిస్తుంది. హానర్ 9ఎస్ బ్లూ, బ్లాక్ కలర్ ఆప్షన్స్ వస్తుంది. రెండు ఫోన్లు అమెజాన్ ద్వారా కొనుగోలు చేయడానికి అందుబాటులో ఉంటాయి.

అంతేకాకుండా హానర్ 9ఎ ఆగస్టు 6 ఉదయం 11 గంటల నుండి అందుబాటులో ఉంటుంది, అదే తేదీన హానర్ 9 ఎస్ మధ్యాహ్నం 12 గంటలకు అందుబాటులోకి వస్తుంది.


హానర్ 9ఎ లాంచ్ ఆఫర్లలో భాగంగా రూ. 1,000 డిస్కౌంట్, హానర్ 9ఎస్ పై రూ. 500 తగ్గింపు ఇస్తుంది. హెచ్‌డిఎఫ్‌సి బ్యాంక్ కస్టమర్లకు హానర్ 9ఎపై అదనంగా 10 శాతం తగ్గింపు కూడా ఇస్తుంది. ఇంకా, రెండు ఫోన్‌లు ఆరు నెలల వరకు ఖర్చులేని ఈ‌ఎం‌ఐ  ఆప్షన్ తో లభిస్తాయి.

also read ఇండియాలోకి మొట్టమొదటి హానర్‌ తొలి ల్యాప్‌టాప్‌ వచ్చేసింది.. ధర ఎంతంటే ? ...


హానర్ 9ఏ ఫీచర్లు
డ్యూయల్ సిమ్ (నానో) హానర్ 9ఏ ఆండ్రాయిడ్ 10 మ్యాజిక్ యుఐ 3.1 తో  పనిచేస్తుంది. 6.3-అంగుళాల హెచ్‌డి + (720x1,600 పిక్సెల్స్) ఫుల్ వ్యూ డిస్ ప్లే, టియువి రీన్‌ల్యాండ్-సర్టిఫైడ్ కంటి సంరక్షణ మోడ్, ఆక్టా-కోర్ మీడియాటెక్ MT6762R SoC తో పాటు 3జి‌బి ర్యామ్, 64జి‌బి స్టోరేజ్  తో వస్తుంది.

ఫోటోలు, వీడియోల కోసం స్మార్ట్ ఫోన్ ట్రిపుల్ రియర్ కెమెరా సెటప్‌ ఉంది, ఇందులో 13 మెగాపిక్సెల్ ప్రైమరీ సెన్సార్, 5 మెగాపిక్సెల్ సెకండరీ సెన్సార్, 2 మెగాపిక్సెల్ సెన్సార్ ఉన్నాయి. ముందు భాగంలో 8 మెగాపిక్సెల్ సెల్ఫీ కెమెరా సెన్సార్ కూడా ఉంది.

 మైక్రో ఎస్‌డి కార్డ్ ద్వారా 512GB వరకు సహకరిస్తుంది. కనెక్టివిటీ ఆప్షన్స్ లో  4జి ఎల్‌టిఇ, వై-ఫై 802.11 బి / జి/ఎన్, బ్లూటూత్ వి 5.0, జిపిఎస్ / ఎ-జిపిఎస్, ఎఫ్‌ఎం రేడియో, మైక్రో-యుఎస్‌బి, 3.5 ఎంఎం హెడ్‌ఫోన్ జాక్ ఉన్నాయి. ఫింగర్ ప్రింట్ సెన్సార్ కూడా ఉంది. అంతేకాకుండా, రివర్స్ ఛార్జింగ్‌కు సపోర్ట్ ఇచ్చే 5,000 ఎంఏహెచ్ బ్యాటరీ ఇందులో అమర్చారు.


హానర్  9ఎస్ స్పెసిఫికేషన్లు
డ్యూయల్ సిమ్ (నానో) హానర్ 9 ఎస్ ఆండ్రాయిడ్ 10 లో మ్యాజిక్ యుఐ 3.1 తో పనిచేస్తుంది. 5.45-అంగుళాల హెచ్‌డి + (720x1,440 పిక్సెల్స్), మీడియాటెక్ MT6762R SoC, 2జి‌బి  ర్యామ్, 8 మెగాపిక్సెల్ కెమెరా సెన్సార్‌తో పాటు ఎఫ్ / 2.0 లెన్స్‌తో వస్తుంది.

ముందు భాగంలో 5 మెగాపిక్సెల్ సెల్ఫీ కెమెరా కూడా ఉంది. 32జి‌బి ఇంటర్నల్ స్టోరేజ్, మైక్రో ఎస్‌డి కార్డ్ ద్వారా 512GB వరకు చేస్తుంది. కనెక్టివిటీ ఆప్షన్స్ లో వై-ఫై, బ్లూటూత్, జిపిఎస్ / ఎ-జిపిఎస్, మైక్రో-యూ‌ఎస్‌బి పోర్ట్ ఉన్నాయి. చివరగా ఫోన్ 3,020 ఎమ్ఏహెచ్ బ్యాటరీ ఇందులో ఉంది.