ముఖ్యమంత్రా లేదా మెడికల్ స్టూడెంట్,రామ్ చరణ్ ఎవరు ?

ప్రముఖ దర్శకుడు శంకర్‌ డైరెక్షన్‌లో రామ్‌చరణ్‌ ఓ సినిమాలో నటించనున్న సంగతి తెలిసిందే. పాన్‌ ఇండియా మూవీగా తెరకెక్కుతున్న ఈ చిత్రాన్ని శ్రీ వేంకటేశ్వర క్రియేషన్స్‌ బ్యానర్‌పై దిల్‌రాజు నిర్మిస్తున్నారు. ఈ క్రేజ్ తో  ఇప్పుడు ఈ సినిమా చిత్ర పరిశ్రమలో హాట్‌ టాపిక్‌గా మారింది.

ఇక అసలు విషయానికి వస్తే...  భారీ బడ్జెట్ తో నిర్మించబోయే ఈ సినిమాలో రామ్ చరణ్ సీఎం గా కనిపించబోతున్నారంటూ ఓ న్యూస్ సోషల్ మీడియాలో చక్కర్లు కొడుతోంది. RC15 సినిమా పొలిటికల్ బ్యాక్ డ్రాప్ లో తెరకెక్కుతుంది అని.. శంకర్ ఈ సినిమాని ఒకే ఒక్కడు మూవీ తరహాలో తెరక్కించబోతున్నారని ప్రచారం జరుగుతుంది. ఇంతకు ముందు శంకర్ దర్శకత్వంలో వచ్చిన ఒకే ఒక్కడు సినిమాలో అర్జున్ .. ఓ జర్నలిస్ట్ ఒక్క రోజు సీఎం గా ఉంటే.. రాష్ట్రంలో ఎలాంటి పరిణామాలు చోటు చేసుకున్నాయి అనేదాన్ని సినిమాగా చూపించిన శంకర్ ఈసారి రామ్ చరణ్ ని అలాంటి పాత్రలో చూపించబోతున్నారట.

ఈ సినిమాలో రామ్ చరణ్ కి హీరోయిన్ గా కియారా అద్వానీతో సంప్రదింపులు  జరుగుతున్నాయనే టాక్ ఉంది. ఇదిలా ఉంటే... మరో వార్త కూడా టాలీవుడ్‌లో చక్కర్లు కొడుతోంది. మెడికల్‌ మాఫియా నేపథ్యంలో ఈ కథ ఉంటుందని మరో టాక్‌. మరి మెగా హీరోను.. ఈ మెగా డైరెక్టర్‌ ఎలా చూపిస్తారో తెలియాలంటే ఇంకొన్ని రోజులు ఆగాల్సిందే.
 
రామ్‌చరణ్‌ ప్రస్తుతం ‘ఆర్‌ఆర్‌ఆర్‌’, ‘ఆచార్య’ చిత్రాల్లో నటిస్తున్నారు. ఈ సినిమాల షూటింగ్ వేగంగా జరుగుతోంది. ఇవి పూర్తయిన వెంటనే రామ్‌చరణ్‌ నేరుగా శంకర్‌ క్యాంపులో చేరిపోతారని టాక్‌. మరోవైపు శంకర్‌ ‘భారతీయుడు2’ ప్రస్తుతానికి పక్కన పెట్టడంతో వీలైనంత త్వరగా చరణ్‌ సినిమాను మొదలు పెట్టేందుకు కసరత్తులు చేస్తున్నారు. అలాగే ఈ సినిమాలో మరో స్టార్ హీరో సూర్య కనిపించబోతున్నారు. ఇక రామ్ చరణ్ ఎప్పుడు ఫ్రీ అయితే అప్పుడు శంకర్ పూర్తి స్క్రిప్ట్ తో సెట్స్ మీదకి వెళ్ళిపోతారట. 

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• dil raju
• ram charan
• shankar
• ఆచార్య
• దిల్ రాజు
• భారతీయుడు
• రామ్ చరణ్
• శంకర్