టాలీవుడ్ సెన్సేషనల్ హీరో విజయ్ దేవరకొండ వరుస విజయాలు అందుకుంటూ కెరీర్ పరంగా దూసుకుపోతున్నాడు. ఇటీవల 'టాక్సీవాలా' సినిమాతో సక్సెస్ అందుకున్న విజయ్ ప్రస్తుతం 'డియర్ కామ్రేడ్' సినిమాలో నటిస్తున్నాడు.

ఈ సినిమా దాదాపుగా పూర్తయింది. ఈ సినిమా తరువాత క్రాంతి మాధవ్ దర్శకత్వంలో ఓ సినిమా చేయబోతున్నాడు. పూర్తి స్థాయి లవ్ ఎంటర్టైనర్ గా ఈ సినిమా ఉండబోతుంది. మొదటి నుండి తనకు సూటయ్యే, జనాలకు నచ్చే కథలను ఎన్నుకుంటోన్న విజయ్ దేవరకొండ కథలపై మరింత దృష్టి పెట్టాడు.

క్రాంతి మాధవ్ సినిమా పూర్తయిన తరువాత ఏ సినిమా చేయాలనే విషయంపై ఇప్పటికే క్లారిటీకి వచ్చేశాడు ఈ హీరో. రీసెంట్ గా ఓ తమిళ దర్శకుడు విజయ్ దేవరకొండకి కథ వినిపించినట్లు తెలుస్తోంది. బైక్ చుట్టూ తిరిగే ఈ కథ విజయ్ ని బాగా ఇంప్రెస్ చేసిందట.

యూత్ కి నచ్చే అంశాలు ఈ సినిమాలో ఉండడం, తన యాటిట్యూడ్ కి దగ్గరగా అనిపించడంతో ఆ కథను ఓకే చేసినట్లు తెలుస్తోంది. క్రాంతి మాధవ్ సినిమా పూర్తయిన తరువాత బైక్ స్టోరీతో సినిమా చేయాలనుకుంటున్నాడు ఈ సెన్సేషనల్ స్టార్. మరి విజయ్ బైక్ కథేంటో తెలుసుకోవాలంటే కొంతకాలం పాటు ఎదురుచూడాల్సిందే!