Asianet News TeluguAsianet News Telugu

ప్రభాస్‌, విజయ్‌ దేవరకొండ కలిస్తే రచ్చే.. నాగ్‌ అశ్విన్‌ కి ఆ ఛాన్స్ ఇప్పుడు వచ్చిందట?

రౌడీ బాయ్‌ విజయ్‌ దేవరకొండ.. భారీ మూవీలో భాగమవుతున్నారు. ప్రభాస్‌ మూవీలో ఆయన నటిస్తున్నారు. ప్రస్తుతం ఈ వార్తలు సోషల్‌ మీడియాలో వైరల్‌ అవుతున్నాయి. 

viay deverakonda in prabhas movie nag ashwin got that chance now ? arj
Author
First Published Jan 20, 2024, 9:08 PM IST

విజయ్‌ దేవరకొండ హీరోగా బిజీగా ఉన్నారు. ఆయన చేతిలో ఇప్పుడు రెండు సినిమాలున్నాయి. ప్రస్తుతం `ఫ్యామిలీ స్టార్‌` మూవీలో నటిస్తున్నారు. మరో సినిమా ఈ మార్చిలో ప్రారంభం కానుంది. ఈ నేపథ్యంలో విజయ్‌ దేవరకొండ ఇప్పుడు పలు రకాల అంశాల్లో వార్తల్లో నిలుస్తున్నారు. అందులో ఒకటి ప్రభాస్‌ సినిమాలో ఆయన నటిస్తున్నారట. 

ప్రభాస్‌ ప్రస్తుతం `కల్కి 2898ఏడీ`లో నటిస్తున్నారు. భవిష్యత్‌లో జరిగే కథ ఇది. సైన్స్ ఫిక్షన్‌గా, హాలీవుడ్‌ మూవీ తరహాలో రూపొందుతుంది. ఇందులో కమల్‌ హాసన్‌, అమితాబ్‌ బచ్చన్‌, దీపికా పదుకొనె, దిశా పటానీ నటిస్తుంది. ఈ మూవీ చిత్రీకరణ శరవేగంగా జరుగుతుంది. మేలో మూవీ ఆడియెన్స్ ముందుకు రాబోతుంది. ఈ నేపథ్యంలో ఇందులో మరో స్టార్‌ కనిపిస్తారని, అది విజయ్‌ దేవరకొండ అంటున్నారు.

`కల్కి`లో విజయ్‌ దేవరకొండ గెస్ట్ రోల్‌ చేస్తున్నారని, చిన్న కొమియోలో కనిపిస్తారని తెలుస్తుంది. ప్రస్తుతం విజయ్‌ ఈ మూవీ షూటింగ్‌లో పాల్గొంటున్నాడని సమాచారం. ఆయన పాత్ర చాలా సర్‌ప్రైజింగ్‌గా ఉంటుందని తెలుస్తుంది. ప్రస్తుతం ఈ వార్త సోషల్‌ మీడియాలో చక్కర్లు కొడుతుంది. మరి ఇందులో నిజమెంతా అనేది తెలియాల్సి ఉంది. కానీ ఈ వార్తలు చాలా గట్టిగానే వినిపిస్తుండటం విశేషం. అటు ప్రభాస్‌ ఫ్యాన్స్ ని, ఇటు విజయ్‌ ఫ్యాన్స్ ని ఖుషి చేస్తున్నాయి. ప్రభాస్‌ మూవీలో విజయ్‌ కనిపిస్తారంటే ఆ రచ్చ వేరే లెవల్‌ అని చెప్పొచ్చు. ఇది సినిమా స్థాయిని మరింతగా పెంచుతుంది. 

ఇదిలా ఉంటే `కల్కి` దర్శకుడు నాగ్‌ అశ్విన్‌, విజయ్‌ దేవరకొండ మంచి స్నేహితులు. `ఎవడే సుబ్రమణ్యం` నుంచి ట్రావెల్‌ అవుతున్నారు. విజయ్‌ ని తన సినిమాల్లో తీసుకోవాలనేది నాగ్‌ అశ్విన్‌ కోరిక. ఏమాత్రం అవకాశం ఉన్నా ఆయన్ని తన సినిమాల్లో భాగం చేయాలని ఆయన భావిస్తున్నట్టు గతంలో ఓ ఇంటర్వ్యూలో చెప్పారు. కాకపోతే ప్రయారిటీ లేని పాత్రలో తీసుకోవడం ఆయనకు ఇష్టం లేదని, విజయ్‌ మాత్రమే కావాలనిపించే సినిమాల్లో తీసుకుంటా అని చెప్పారు. ఆ అవకాశం ఇప్పుడు వచ్చిందట. `కల్కి`తో ఆ కోరిక తీర్చుకోబోతున్నట్టు తెలుస్తుంది. మరి దీనిపై మరింత క్లారిటీ రావాల్సి ఉంది. 

విజయ్‌ దేవరకొండ ప్రస్తుతం పరశురామ్‌ దర్శకత్వంలో `ఫ్యామిలీ స్టార్‌` మూవీ చేస్తున్నారు. ఇది చిత్రీకరణ దశలో ఉంది. మృణాల్‌ ఠాకూర్‌ హీరోయిన్‌గా నటిస్తుంది. ఇందులో రష్మిక మందన్నా ఓ పాటలో మెరుస్తుందని సమాచారం. దిల్‌ రాజు నిర్మిస్తున్న ఈ చిత్రం ఏప్రిల్‌లో విడుదల కానుంది. మరోవైపు గౌతమ్‌ తిన్ననూరి దర్శకత్వంలో ఓ సినిమా చేయనున్నారు విజయ్‌. ఇది మార్చిలో ప్రారంభం అవుతుందట. గ్యాంగ్‌ స్టర్‌ ప్రధానంగా ఈ మూవీ సాగుతుందని తెలుస్తుంది. 
 

Follow Us:
Download App:
  • android
  • ios