'ఎఫ్2' లుంగీ స్టైల్.. వెంకీ, వరుణ్ ల మాస్ లుక్
తమ అభిమాన నటుడిని ఒక్కసారైనా లుంగీ స్టైల్ లో చూడాలని కోరుకుంటున్నారు అభిమానులు. ఇప్పుడు ఒకే సినిమాలో వరుణ్, వెంకీ లుంగీతో మాస్ లుక్ తో కనిపించడం సినిమాపై హైప్ క్రియేట్ చేస్తోంది
'గురు' సినిమా తరువాత వెంకటేష్ మరో సినిమాను మొదలుపెట్టలేదు. మధ్యలో దర్శకుడు తేజతో ఓ సినిమా చేయాలనుకున్నాడు కానీ వర్కవుట్ కాలేదు. నాగచైతన్యతో కలిసి ఓ సినిమాలో అలానే వరుణ్ తేజ్ తో కలిసి మరో సినిమాలో నటించడానికి రెడీ అయ్యాడు వెంకటేష్. వరుణ్ తేజ్, వెంకీలు హీరోలుగా దర్శకుడు అనీల్ రావిపూడి తెరకెక్కించనున్న ఈ సినిమాకు 'ఎఫ్2'(ఫన్ అండ్ ఫ్రస్ట్రేషన్) అనే టైటిల్ కన్ఫర్మ్ చేశారు.
తాజాగా వెంకీ ఈ సినిమా సెట్ లో జాయిన్ అయ్యాడు. ఈ సందర్భంగా ఓ ఫోటో తీసిన చిత్రబృందం సోషల్ మీడియాలో పోస్ట్ చేసింది. ఈ ఫోటోలో వెంకటేష్ లుంగీ కట్టుకొని ఉండడం అభిమానులను ఆకర్షిస్తోంది. ఈ ఫోటోలో వెంకీతో పాటు దర్శకుడు అనీల్ రావిపూడి అలానే నిర్మాత శిరీష్ కూడా ఉన్నారు. సరిగ్గా ఇదే టైపులో వరుణ్ తేజ్ ఫోటోను కూడా రిలీజ్ చేశారు. లుంగీలో ఉన్న వరుణ్ తేజ్ తన మాస్ లుక్ తో ఆకట్టుకున్నాడు.
ప్రస్తుతం తెలుగునాట లుంగీ స్టైల్ కు ఆదరణ పెరుగుతోంది. తమ అభిమాన నటుడిని ఒక్కసారైనా లుంగీ స్టైల్ లో చూడాలని కోరుకుంటున్నారు అభిమానులు. ఇప్పుడు ఒకే సినిమాలో వరుణ్, వెంకీ లుంగీతో మాస్ లుక్ తో కనిపించడం సినిమాపై హైప్ క్రియేట్ చేస్తోంది. ప్రస్తుతం ఈ సినిమా షూటింగ్ లో కుటుంబ నేపధ్యానికి సంబంధించిన కొన్ని సన్నివేశాలను చిత్రీకరిస్తున్నారు.
It's an honour to start working with you sir. #F2 #FunAndFrustration..#VictoryVenkatesh garu....😀😍😍 pic.twitter.com/QqHMvfQUlQ
— Anil Ravipudi (@AnilRavipudi) July 9, 2018
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
