నాగ చైతన్య 'మహాసముద్రం' మల్టీస్టారరా ?
అక్కినేని హీరో నాగ చైతన్య వరుస చిత్రాలతో బిజీ కాబోతున్నాడు. నాగ చైతన్య ఈ ఏడాది మజిలీ చిత్రంతో ఘనవిజయాన్ని సొంతం చేసుకున్నాడు. ప్రస్తుతం చైతు వెంకీ మామ చిత్రంలో నటిస్తున్నాడు. ఇది మల్టీస్టారర్ చిత్రం. ఈ చిత్రంలో విక్టరీ వెంకటేష్, చైతు కలసి నటిస్తున్న సంగతి తెలిసిందే.
నాగ చైతన్య ఈ ఏడాది వరుసగా సినిమాలకు సైన్ చేస్తున్నాడు. వెంకీ మామ షూటింగ్ జరుగుతుండగానే శేఖర్ కమ్ముల దర్శకత్వంలో మరో చిత్రంలో నటిస్తున్నాడు. ఈ చిత్రంలో క్రేజీ బ్యూటీ సాయి పల్లవి హీరోయిన్ గా నటిస్తోంది. ఈ చిత్రంలో చైతు సోలో హీరోగా నటిస్తున్నాడు.
నాగ చైతన్య కోసం రెడీగా మరో రెండు మల్టీస్టారర్ చిత్రాలు ఉన్నాయి. కళ్యాణ్ కృష్ణ దర్శకత్వంలో త్వరలో బంగార్రాజు చిత్రం తెరకెక్కనుంది. ఈ చిత్రంలో నాగార్జున, నాగ చైతన్య కలసి నటించబోతున్నారు. ఇక ఆర్ఎక్స్ 100 ఫేమ్ అజయ్ భూపతి దర్శకత్వంలో వహించే మహాసముద్రం చిత్రం కూడా మల్టీస్టారర్ అని టాక్.
ఈ చిత్రంలో మరో యంగ్ హీరో కీలక పాత్రలో నటించబోతున్నట్లు తెలుస్తోంది. ఈ ఏడాది చివర్లో మహా సముద్రం చిత్రం సెట్స్ పైకి వెళ్లనుంది. మహా సముద్రం చిత్రం విషయంలో చాలా రోజులుగా అనేక ఊహాగానాలు వినిపిస్తున్నాయి. మొదట ఈ చిత్రంలో రవితేజ నటిస్తాడని ప్రచారం జరిగింది. కానీ రవితేజ రిజెక్ట్ చేయడంతో ఈ కథ నాగ చైతన్య చేతుల్లోకి వెళ్లిందట.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
