Annapoorni : నయనతార ‘అన్నపూర్ణి’ మూవీ బ్యాన్... ఓటీటీ నుంచి డిలీట్.! వివరాలు
ఓటీటీలో నుంచి నయనతార నటించిన వివాదాస్పద చిత్రం ‘అన్నపూర్ణి’ Annapoorni మూవీని తొలగించారు. ఇటీవల ఈ మూవీపై అభ్యంతరాలు కూడా వ్యక్తం అవడంతో సినిమాను బ్యాన్ చేశారు. దీనికి గల కారణాలపై అటు మేకర్స్ కూడా స్పందించారు.
లేడీ సూపర్ స్టార్ నయనతార Nayanthara నటించిన రీసెంట్ ఫిల్మ్ ‘అన్నపూర్ణి’. ఓటీటీ లో విడుదలైంది. ఈ మూవీ డిసెంబ‌ర్ 29న నెట్‌ఫ్లిక్స్ ద్వారా ఓటీటీ ప్రేక్ష‌కులను అలరిస్తోంది. థియేట‌ర్ల‌లో కేవ‌లం త‌మిళ భాష‌లోనే రిలీజైంది. ఓటీటీలో మాత్రం తెలుగు, మ‌ల‌యాళం, క‌న్న‌డ భాష‌ల్లో అందుబాటులోకి వచ్చింది. అయితే ఈ చిత్రంలోని కొన్ని సీన్లు హిందువుల సెంటిమెంట్లను దెబ్బతీసేలా ఉన్నాయని పలువురు పేర్కొన్నారు. అంతేకాదు, ఈ చిత్రం లవ్ జిహాద్ ను బలపరిచేలా ఉందని రమేశ్ సోలంకి అనే వ్యక్తి విమర్శించారు. అన్నపూర్ణి చిత్ర నిర్మాతలపైనా, ఈ చిత్రాన్ని స్ట్రీమింగ్ చేస్తున్న ఓటీటీ వేదిక నెట్ ఫ్లిక్స్ పైనా చర్యలు తీసుకోవాలని పోలీసులకు ఫిర్యాదు చేశారు.
మరోవైపు విశ్వహిందూ పరిషత్ నాయకుడు శ్రీరాజ్ నాయర్ సైతం అన్నపూరణి సినిమాపై తీవ్రస్థాయిలో ఆగ్రహం వ్యక్తం చేశారు. పెద్దఎత్తున విమర్శలు రావడంతో ఈ చిత్రాన్ని ప్రముఖ ఓటీటీ ప్లాట్ ఫాం తాజాగా చిత్రాన్ని తొలగించింది. దీనిపై మేకర్స్ వివరణ ఇస్తూ ఓ ప్రకటన విడుదల చేశారు. ఈమేరకు జీ ఎంటర్ టైన్ మెంట్స్ నుంచి అధికారిక వివరణ అందింది.
ఈచిత్రంపై వచ్చిన విమర్శలతో సినిమాను మళ్లీ ఎడిట్ చేసేంత వరకు నెట్ ఫ్లిక్స్ నుంచి తొలగించడాన్ని అంగీకరిస్తున్నాం. ఈ సినిమాకు ఉద్దేశపూర్వకంగా కో - ప్రొడ్యూసర్ గా లేమని ‘జీ ఎంటర్ టైన్ మెంట్’ తెలిపింది. హిందువులు, బ్రాహ్మణ కమ్యూనిటీల సెంటిమెంట్స్ కు బాధ కలిగించి ఉంటే క్షమించండి అని పేర్కొన్నారు. ప్రస్తుతం ‘అన్నపూర్ణి’ మూవీ ఓటీటీ నుంచి డిలీట్ అయ్యింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
