Asianet News TeluguAsianet News Telugu

త్రివిక్రమ్ టైటిల్ తో సత్యదేవ్ సినిమా

అప్పట్లో నితిన్ తో త్రివిక్రమ్ ఓ సినిమా ప్రొడ్యూస్ చేసారు. ఆ సినిమాకు  ‘గుర్తుందా శీతాకాలం’ అనే టైటిల్ అనుకున్నారు. అయితే లాస్ట్ మినిట్ లో ఆ టైటిల్ వద్దనుకుని ప్రక్కన పెట్టేసి..ఛల్ మోహన్ రంగా అనే టైటిల్ తో ముందుకు వెళ్లారు. అలాంటిదే ..ఇప్పుడు సత్యదేవ్ తాజా చిత్రానికి జరిగింది.

Trivikrams Title for Satyadevs Film gurtunda seethakalam
Author
Hyderabad, First Published Aug 24, 2020, 8:18 AM IST
  • Facebook
  • Twitter
  • Whatsapp

ఒక సినిమాకు అనుకున్న టైటిల్ రకరకాల కారణాలతో పెట్టడం కుదరదు. అయితే అప్పటికే ఆ టైటిల్ పాపులర్ అయితే ..దాన్ని వేరే సినిమావాళ్లు వాడటం జరుగుతూంటుంది. అలాంటిదే ..ఇప్పుడు సత్యదేవ్ తాజా చిత్రానికి జరిగింది. అప్పట్లో నితిన్ తో త్రివిక్రమ్ ఓ సినిమా ప్రొడ్యూస్ చేసారు. ఆ సినిమాకు  ‘గుర్తుందా శీతాకాలం’ అనే టైటిల్ అనుకున్నారు. అయితే లాస్ట్ మినిట్ లో ఆ టైటిల్ వద్దనుకుని ప్రక్కన పెట్టేసి..ఛల్ మోహన్ రంగా అనే టైటిల్ తో ముందుకు వెళ్లారు. దాంతో ఆ టైటిల్ అలా ఉండిపోయింది. ఇప్పుడు మళ్లీ ఇంతకాలానికి ఆ టైటిల్ ని సత్యదేవ్ చిత్రానికి ఉపయోగిస్తున్నారు.

 సత్యదేవ్, మిల్కీ బ్యూటీ తమన్నా హీరోహీరోయిన్లుగా తెరకెక్కబోతోన్న చిత్రం ‘గుర్తుందా శీతాకాలం’. కన్నడ మూవీ ‘లవ్ మాక్ టైల్’ చిత్రానికి రీమేక్‌గా రూపుదిద్దుకోబోతున్న ఈ చిత్రం ఈ నెల 27వ తేదీన హైదరాబాద్ తాజ్ కృష్ణా‌లో పూజా కార్యక్రమాలతో ప్రారంభం కానుంది. చిత్ర రెగ్యులర్ షూటింగ్ సెప్టెంబర్ మిడిల్ నుంచి స్టార్ట్ చేయబోతున్నట్లుగా చిత్రయూనిట్ ప్రకటించింది. తాజాగా ఈ చిత్ర టైటిల్ ఫస్ట్ లుక్‌‌తో పాటు తమన్నా లుక్‌ను కూడా చిత్రయూనిట్ విడుదల చేసింది. 

నాగశేఖర్ మూవీస్ బ్యానర్‌పై నాగశేఖర్ ఈ చిత్రాన్ని రూపొందిస్తున్నారు. సత్యా హెగ్డే సినిమాటోగ్రఫీ అందిస్తున్న ఈ చిత్రానికి యంగ్ మ్యూజిక్ డైరెక్టర్ కాలభైరవ సంగీతం అందిస్తున్నారు. నాగశేఖర్ సమర్పణలో.. నాగశేఖర్, భావన రవి ఈ చిత్రాన్ని నిర్మిస్తున్నారు.

టాలీవుడ్‌లో ఇటీవల కాలంలో వరుసగా హీరో సత్యదేవ్‌ నటించిన 47డేస్‌తో పాటు ఉమామహేశ్వర ఉగ్రరూపస్య చిత్రాలు నేరుగా ఓటీటీలో త్వరలో విడుదల అయ్యాయి. దీంతో సత్యదేవ్‌ను ఓటీటీ హీరోగా అని పిలుచుకుంటున్నారు టాలీవుడ్‌ జనం.

Follow Us:
Download App:
  • android
  • ios