అల్లు అర్జున్ కు జోడీగా బాలీవుడ్ బ్యూటీ.? త్రివిక్రమ్ ఓకే చేస్తారా!
అల్లు అర్జున్ - త్రివిక్రమ్ కాంబినేషన్ నాలుగోసారి సెట్ అయిన విషయం తెలిసిందే. ఈ క్రేజీ ప్రాజెక్ట్ లో హీరోయిన్ ఎవరనేది చాలా ఆసక్తికరంగా మారింది. తాజాగా బాలీవుడ్ బ్యూటీ పేరు వినిపిస్తోంది.
 )
Followఐకాన్ స్టార్ అల్లు అర్జున్ (Allu Arjun) ‘పుష్ప’ తర్వాత పాన్ ఇండియా స్థాయిలో క్రేజ్ దక్కించుకున్నారు. ఇక ‘పుష్ప2’తో వరల్డ్ మార్కెట్ పై ఫోకస్ పెట్టారు. ఈ చిత్రం తర్వాత బన్నీ చిత్రాలకు మరింత డిమాండ్ ఉండనుంది. దీంతో అల్లు అర్జున్ రాబోయే చిత్రాలపై చాలా ఆసక్తి నెలకొంది. ఈ క్రమంలో త్రివిక్రమ్ (Trivikram) తో నాలుగో సారి సినిమాను ఓకే చేయడంతో ఈ ప్రాజెక్ట్ పై తారా స్థాయి అంచనాలు నెలకొన్నాయి.
ఇప్పటికే ఇటు త్రివిక్రమ్, అటు బన్నీ ఓ రేంజ్ సక్సెస్ ను చూస్తున్నారు. రీసెంట్ గా అల్లు అర్జున్ కు జాతీయ అవార్డు దక్కడం కూడా అప్ కమింగ్ ఫిల్మ్ పై అంచనాలను పెంచేస్తోంది. అయితే, అల్లు అర్జున్ ఒకసారి కలిసి నటించిన హీరోయిన్ తో మరోసారి చేయరు.. పూజా హెగ్దే, రష్మిక మందన్న విషయంలో తప్పితే.. ఇప్పటి వరకు ఏ హీరోయిన్ ను రిపీట్ చేయలేదు. దీంతో త్రివిక్రమ్ - అల్లు అర్జున్ చిత్రంలో హీరోయిన్ ఎవరై ఉంటారనేది ఆసక్తికరంగా మారింది.
ప్రస్తుతం యూనిట్ హీరోయిన్ ను ఫైనల్ చేసే పనిలో ఉందని తెలుస్తోంది. ఇప్పటికే బాలీవుడ్ స్టార్ హీరోయిన్ దీపికా పదుకొణె నటించబోతున్నట్టు టాక్ వినిపించింది. ఇక తాజాగా మరో యంగ్ బ్యూటీ కృతిసనన్ (Kriti Sanon) హీరోయిన్ అంటూ గుసగుసలు వినిపిస్తున్నాయి. కృతిని టీమ్ సంప్రదించినట్టు టాక్. దీనిపై ఎలాంటి అధికారిక ప్రకటన లేదు. ప్రస్తుతం ఈ ముద్దుగుమ్మ బాలీవుడ్ లో వరుసగా సినిమాలు చేస్తోంది.
అయితే, చివరిగా ‘ఆదిపురుష్’తో ప్రేక్షకుల ముందుకు వచ్చింది. ఇక ఆ సినిమా ఎలాంటి ఫలితానిచ్చిందో తెలిసిందే. అంతకు ముందు ‘వన్ నేనొక్కడినే’, ‘దోచేయ్’ వంటి తెలుగు సినిమాలు చేసింది కృతి. ఆ చిత్రాలు కూడా పెద్దగా ఆకట్టుకోలేకపోయాయి. ఈ క్రమంలో త్రివిక్రమ్ కృతి సనన్ ను ఎంపిక చేస్తారా అన్న.. బన్నీ సరసన సెట్ అవుద్దా అన్నది చూడాలి. మున్ముందు హీరోయిన్ విషయంలో ఇంకాస్పష్టత రానుంది. ఇక 2024 ఏప్రిల్ నుంచి సినిమా సెట్స్ మీదకు వెళ్లనుంది. హారిక అండ్ హాసిని క్రియేషన్స్, గీతా ఆర్ట్స్ సంయుక్తంగా నిర్మిస్తున్నాయి. తమన్ సంగీతం అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
