భారీ బడ్జెట్తో తెరకెక్కుతున్న ‘కల్కి 2898 ఏడీ’ రిలీజ్ కోసం అభిమానులు చాలా ఆసక్తిగా ఎదురుచూస్తున్న సంగతి తెలిసిందే.
ప్రభాస్ చేస్తున్న సైన్స్ ఫిక్షన్ ‘కల్కి 2898 ఏడీ’ షూటింగ్ ప్రస్తుతం శరవేగంతో ఇటలీలో జరుగుతోంది. నాగ్ అశ్విన్ దర్శకత్వంలో వైజయంతీ మూవీస్ సంస్థ నిర్మిస్తున్న ఈ ప్రతిష్ఠాత్మక చిత్రంలో అమితాబ్ బచ్చన్, కమల్ హాసన్, దీపికా పదుకొణే, దిశా పటాని తదితరులు కీలక పాత్రలు పోషిస్తున్నారు. ఇటలీలోని అద్భుతమైన లొకేషన్స్లో ప్రభాస్, దిశా పటానిపై పాట చిత్రీకరిస్తున్నారు. ప్రభాస్, దిశా పటాని, నాగ్ అశ్విన్ ఇతర యూనిట్ సభ్యులతో దిగిన ఫొటోని బుధవారం మేకర్స్ షేర్ చేశారు. ఈ నేపధ్యంలో ఈ చిత్రంపై బజ్ రోజు రోజుకీ పెరిగిపోతోంది. అయితే ప్రేక్షకులు ఎంతో ఆసక్తిగా ఎదురు చూస్తున్న ‘కల్కి 2898’ చిత్రం రిలీజ్ అనుకున్న తేదీకు వస్తుందా రాదా అనే డిస్కషన్ మాత్రం ఆగటం లేదు. ఈ చిత్రం మే 9న విడుదల కానుందని ఇప్పటికే ప్రకటించారు.
‘మహానటి’ ఫేమ్ నాగ్ అశ్విన్ దర్శకత్వంలో భారీ బడ్జెట్తో తెరకెక్కుతున్న ‘కల్కి 2898 ఏడీ’ రిలీజ్ కోసం అభిమానులు చాలా ఆసక్తిగా ఎదురుచూస్తున్న సంగతి తెలిసిందే. ఈ సినిమాని మొదట సంక్రాంతి కానుకగా రిలీజ్ ప్లాన్ చేసారు. కానీ పెండింగ్ వర్క్ లు ఉండటంతో మే 9 కు వాయిదా వేసారు. అయితే ఇప్పుడా ఆ తేదీకు అయినా వస్తుందా అని అంటున్నారు ఇండస్ట్రీ జనం, ట్రేడ్. ఈ సంవత్సరం చివర్లోనే ఈ సినిమా రిలీజ్ అయ్యే అవకాసం ఉందని లెక్కలు వేస్తున్నారు. అయితే ఇప్పటికే చిత్రం టీమ్ చాలా సార్లు రిలీజ్ డేట్ విషయమై వస్తున్న రూమర్స్ ని ఖండించింది. మార్చ్ లో ప్రమోషన్స్ మొదలెడతామని, ఏప్రియర్ మొదటి వారంలో ట్రైలర్ వదులుతామని చెప్తున్నారు. ప్రస్తుతం షూటింగ్ ఆఖరి దశలో ఉంది. శివరాత్రికు ఏ అప్డేట్స్ ఇవ్వటం లేదు. దాంతో ఫ్యాన్స్ నిరాశపడుతున్నారు. ఈ అప్డేట్స్ ప్రాపర్ గా ఇవ్వకపోవటంతోనే అసలు 9 వ తేదీకు వస్తుందా రాదా అనే ప్రచారం ఊపందుకుంటోంది. కానీ మేకర్స్ మాత్రం మే 9 అనుకున్న తేదీకి వచ్చేస్తున్నామన్న థీమాతో ఉన్నారు.
నాగ్ అశ్విన్ రీసెంట్ ఓ మీడియా ఇంటరాక్షన్ చెప్పినదాని ప్రకారం ఈ చిత్రం మహాభారత కాలంలో మొదలై 2898 లో ముగుస్తుంది. అందుకే ఈ చిత్రానికి ‘Kalki 2898 AD’అని పెట్టామని చెప్పారు. అలాగే మేము ఇక్కడ మన వరల్డ్ ని క్రియేట్ చేయటానికి ప్రయత్నిస్తున్నాము. పూర్తి భారతీయతను ఈ సినిమాలో అందిస్తాము. ముఖ్యంగా ఈ సినిమాని బ్లేడ్ రన్నర్ (హాలీవుడ్ సైన్స్ ఫిక్షన్ చిత్రం) లాగా చేయకూడదనేది మా ముందు ఉన్న ఛాలెంజ్. క్రీ.శ. 2898 నుండి మనం 6000 సంవత్సరాల వెనక్కి వెళితే, మనం క్రీ.పూ. 3102కి చేరుకుంటాం, అంటే కృష్ణుడి చివరి అవతారం గడిచిపోయినట్లే అని క్లారిటీ ఇచ్చారు నాగ్ అశ్విన్. ఈ చిత్రానికి సంతోష్ నారాయణన్ సంగీతం అందిస్తున్నారు. కల్కి తో పాటు రాజాసాబ్, సలార్ పార్ట్ 2, స్పిరిట్ చిత్రాలు .. ప్రభాస్ కు క్యూలో ఉన్నాయి.
