ఇటీవల స్టార్‌ హీరోయిన్లు సైతం వెబ్‌ సిరీస్‌లో నటిస్తున్నారు. దీంతో ఆయా ఓటీటీ ఫ్లాట్‌ఫామ్‌లకు క్రేజ్‌ తీసుకొస్తున్నారు. తాజాగా మిల్కీ బ్యూటీ తమన్నా సైతం తెలుగులో ఓ వెబ్‌ సిరీస్‌ చేస్తుంది. `ఆహా` కోసం ఆమె నటిస్తున్న వెబ్‌ సిరీస్‌ పేరుని తాజాగా ప్రకటించారు. దీనికి `లెవెన్త్ హవర్‌'(11 th hour) అనే టైటిల్‌ని ఖరారు చేశారు. 

సోమవారం హైదరాబాద్‌లో ఏర్పాటు చేసిన ప్రెస్‌మెంట్‌లో తమన్నా ఈ విషయాన్ని వెల్లడించింది. తన ఇన్‌స్టాగ్రామ్‌ ద్వారా తన మొదటి వెబ్‌ సిరీస్‌ ఫస్ట్ లుక్‌ని పంచుకుంది. కొత్త ప్రయాణం, కొత్త కథ, కొత్త ప్రపంచంలోకి అడుగుపెడుతున్నందుకు సంతోషంగా ఉందని పేర్కొంది. దీనికి ప్రముఖ దర్శకుడు ప్రవీణ్‌ సత్తారు దర్శకత్వం వహిస్తున్నారు. ఇప్పటికే సమంత లాంటి కథానాయికలు వెబ్‌ సిరీస్‌ చేస్తున్నారు. అలాగే ఆమె `సామ్‌జామ్‌` పేరుతో `ఆహా`లో ఓ టాక్‌ షోకి హోస్ట్ గా వ్యవహరిస్తున్నారు. ఇప్పుడు తమన్నా వెబ్‌ సిరీస్‌లోకి అడుగు పెట్టడం విశేషం. 

ప్రస్తుతం తమన్నా తెలుగులో గోపీచంద్‌ సరసన `సీటీమార్‌` చిత్రంలో నటిస్తుంది. దీంతోపాటు `గుర్తుందా సీతాకాలం` చిత్రంలో సత్యదేవ్‌కి జోడీగా రొమాన్స్ చేస్తుంది. అలాగే నితిన్‌తో కలిసి `అంధాదున్‌` రీమేక్‌లో నెగటివ్‌ షేడ్‌ ఉన్న పాత్రలో నటిస్తుంది.