తనపై వచ్చే ట్రోల్స్ పై యాంకర్ సుమ కొడుకు రోషన్ రియాక్ట్ అయ్యాడు. `బబుల్ గమ్` ప్రీ రిలీజ్ ఈవెంట్లో అదిరిపోయే సమాధానం చెప్పాడు. దెబ్బకి సుమ కన్నీళ్లు పెట్టుకుంది.
యాంకర్ సుమ కొడుకు రోషన్ హీరోగా పరిచయం అవుతూ `బబుల్గమ్` అనే సినిమాలో నటిస్తున్నారు. మానస హీరోయిన్గా చేస్తుంది. రవికాంత్ పేరపు దర్శకత్వం వహిస్తున్నారు. ఈ మూవీ ఈ నెల 29న రిలీజ్ కాబోతుంది. ఆదివారం సాయంత్రం హైదరాబాద్ ప్రీ రిలీజ్ ఈవెంట్ నిర్వహించారు. ఈ కార్యక్రమానికి అడవిశేష్, సిద్దు జొన్నలగడ్డ వంటి వారు గెస్ట్ లుగా వచ్చారు. ఇందులో రోషన్ చేసిన వ్యాఖ్యలు సంచలనంగా మారాయి. ట్రోల్స్ పై ఆయన స్పందన ఆశ్చర్యపరిచింది.
తనపై నల్లగా ఉన్నావనే కామెంట్లు వచ్చాయట. తనని చాలా ట్రోల్ చేస్తున్నారని, రకరకాలుగా కామెంట్లు చేస్తున్నారని, కర్రగా ఉన్నాడు వీడు హీరో ఏంటి? అసలు వీడు హీరో మెటీరియలే కాదు అంటూ దారుణంగా మాట్లాడుకున్నారట. తాను స్వయంగా తన వెనకాల మాట్లాడుకోవడం విన్నాడట. అంతేకాదు సోషల్ మీడియాలో చూశానని, ఆర్టికల్స్ చదివానని వెల్లడించారు. ఈ సందర్భంగా అదిరిపోయే కౌంటర్లు ఇచ్చాడు.
కర్రగా ఉన్నానా?, తెల్లగా ఉన్నానా అనేది మ్యాటర్ కాదని ఇక్కడ టాలెంట్ ముఖ్యం అని చెప్పాడు రోషన్. ఆయన మాట్లాడుతూ, నేను చాలా సార్లు విన్నాను, నా వెనకాల మాట్లాడటం చూశాను, చాలా చదివాను. అరే వీడు హీరో, వీడేంటి మస్త్ కర్రగా ఉన్నాడు వీడు హీరో ఏంటి? హీరో మొఖం కాదు, బొక్క వేస్ట్ హీరో మెటీరియల్ కాదు అన్నారు. నేను ఇలానే పుట్టాను. ఇలానే ఉంటా. ఒక మనిషికి నలుపు, తెలుపు, అందం కాదు బ్రదర్ సక్సెస్ ని డిసైడ్ చేసేది. ఆ మనిషి హార్డ్ వర్క్, టాలెంట్, డిసిప్లెయిన్ మాత్రమే నిర్ణయిస్తుంది.
మన అందరి జాతకంలో ఏం రాసి పెట్టిందో ఎవరికీ తెలియదు. కానీ నచ్చినట్టు మార్చుకుంటాం. కావాల్సింది లాక్కొని తెచ్చుకుంటాం. అది ఇజ్జత్ అయినా, ఔకాద్ అయినా, ఒక రోజు వస్తది, వద్దనుకున్నా వినబడతా, చేవులు మూసుకున్నా వినబడతా. డిసెంబర్ 29న రాసిపెట్టుకోండి, థియేటర్కి వచ్చేయండి. ఆది గాడి లవ్ని చూడండి, ఆదిగాడి ఫైట్ ఫర్ రెస్పెక్ట్ ని చూడండి` అంటూ తనదైన స్టయిల్లో డేరింగ్గా అదిరిపోయే సమాధానం చెప్పాడు. అయితే కొడుకు మాట్లాడుతుంటే వెనకాల యాంకర్ సుమ ఎమోషనల్ అయ్యింది. ఆమె గర్వంతో కన్నీళ్లు పెట్టుకుంది.
