‘స్కంద’ నుంచి మాస్ సాంగ్.. ‘గందరాబాయి’కి ఉస్తాద్, శ్రీలీలా అదిరిపోయే డాన్స్
రామ్ పోతినేని - శ్రీలీలా జంటగా వస్తున్న చిత్రం ‘స్కంద’. చిత్రం నుంచి ఇప్పటికే ఫస్ట్ సింగిల్ విడుదలైన విషయం తెలిసిందే. తాజాగా మాస్ బీట్ తో రెండో పాటు వచ్చి దుమ్ములేపుతోంది.
 )
Followఉస్కాద్ రామ్ పోతినేని (Ram Pothineni) - బోయపాటి శ్రీనివాస్ కాంబోలో రూపుదిద్దుకుంటున్న మాస్ యాక్షన్ ఫిల్మ్ ‘స్కంద’ (Skanda) . చిత్రం కోసం రామ్ అభిమానులతో పాటు సాధారణ ఆడియెన్స్ కూడా ఎదురుచూస్తున్నారు. యంగ్ సెన్సేషన్ శ్రీలీలా (Sreeleela) హీరోయిన్ గా నటిస్తోంది. శ్రీనివాస్ సిల్వర్ స్క్రీన్, జీ స్టూడియో బ్యానర్లపై సంయుక్తంగా నిర్మిస్తున్నారు. ఈమూవీ నుంచి ఇప్పటికే ఇంట్రెస్టింగ్ అప్డేట్స్ అందాయి. ఫస్ట్ సింగిల్ బ్యూటీఫుల్ సాంగ్ ‘నీ చుట్టు చుట్టు’ విడుదలపై ఆకట్టుకున్న విషయం తెలిసిందే.
ఇక మేకర్స్ ఈ రోజు రెండవ పాటను కూడా విడుదల చేశారు. సినిమాపై మరింతగా ఆసక్తిని పెంచేలా ‘గందారాబాయి’ (Gandarabai) టైటిల్ తో మాస్ బీట్ ను విడుదల చేశారు. ఈ పాటకు థమన్ తన మార్క్ బీట్‌లను అందించారు. దానికి తోడు పర్ఫెక్ట్ డ్యాన్స్ తో రామ్, శ్రీలీల దుమ్ములేపారు. అద్భుతమైన డ్యాన్స్ మూవ్‌లు ఆకట్టుకుంటున్నాయి. ఇక పాటకు అనంత్ శ్రీరామ్ చక్కని సాహిత్యం అందించారు. నకాష్ అజీజ్, సౌజన్య ఎనర్జిటిక్ గా పాడారు.
ప్రేమ్ రక్షిత్ మాస్టర్ కొరియోగ్రాఫర్ అదిరిపోయింది. యూట్యూబ్ లో విడుదలైన కొద్దిసేపటికే సాంగ్ కు మాసీవ్ రెస్పాన్స్ దక్కుతోంది. సంగీత ప్రియులకు మాస్ సాంగ్ తెగ నచ్చేసిందనే చెప్పాలి. రిలీజ్ కు ఇంకో నెలరోజుల గడువు ఉండటంతో యూనిట్ వరుసగా అప్డేట్స్ అందిస్తున్నారు. విడుదలైన రెండు సాంగ్స్ ఆకట్టుకుంటున్నాయి. టీజర్ కు కూడా దుమ్ములేచిపోయే రెస్పాన్స్ దక్కింది. పాన్ ఇండియా స్థాయిలో ఈ చిత్రం సెప్టెంబర్ 15న తెలుగు, తమిళం, హిందీ, మలయాళం, కన్నడ భాషల్లో విడుదల కానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
