డైవర్స్ రూమర్స్ పై స్టార్స్ సింగర్స్ హేమచంద్ర, శ్రావణ భార్గవి క్లారిటీ.. రివర్స్ పోస్ట్ తో తికమక..
విడాలకు వార్తాలపై ఎట్టకేలకే సింగర్స్ హేమచంద్ర, శ్రావణ భార్గవి స్పందించారు. ఇన్‌స్టాగ్రామ్‌ ద్వారా పోస్ట్‌లు పెట్టి ఈ వార్తలను కొట్టి పడేశారు.
చిత్ర పరిశ్రమలో డైవర్స్ వార్తలు, మ్యారేజ్‌ వార్తలు తరచూ హాట్‌ టాపిక్ అవుతున్నాయి. అందులో భాగంగా టాలీవుడ్‌ స్టార్‌ సింగర్స్ హేమచంద్ర, శ్రావణ భార్గవిలపై కూడా విడాకుల వార్తలు వినిపించాయి. ఈ ఇద్దరు డైవర్స్ తీసుకోబోతున్నారని, గత కొంత కాలంగా దూరంగా ఉంటున్నారనే వార్తలు వినిపించాయి. ఎట్టకేలకే ఈ వార్తలపై సింగర్స్ స్పందించారు. ఇన్‌స్టాగ్రామ్‌ ద్వారా పోస్ట్‌లు పెట్టి ఈ వార్తలను పరోక్షంగా కొట్టి పడేశారు.
హేమచంద్ర ఇన్‌స్టాలో పేర్కొంటూ, `నా ఇండిపెండెంట్‌ సాంగ్స్ కంటే ఇలాంటి అనసవర, పనికి రాని చెత్త సమాచారం ఎక్కువగా విస్తరిస్తుంది` అని పేర్కొన్నారు. అయితే ఆయన తన పోస్ట్ ని రివర్స్ లో పోస్ట్ చేయడం విశేషం. ఈ సందర్భంగా శ్రావణ భార్గవితో చీర్స్ అంటూ ట్యాగ్‌ ఇవ్వడం మరో విశేషం. ఇందులో తాను రూపొందించిన `వన్‌ లవ్‌` అనే ఒరిజినల్ ఇండిపెండెంట్‌ సాంగ్‌ ని చూడండి అంటూ పేర్కొన్నారు.
మరోవైపు హేమచంద్ర భార్య,సింగర్‌ శ్రావణ భార్గవి సైతం ఇన్‌స్టాలో విడాలకుపై క్లారిటీ ఇస్తూ, ఇటీవల కొన్ని రోజులుగా నా యూట్యూబ్‌ ఛానెల్‌ వ్యూస్‌, ఇన్‌స్టాగ్రామ్‌ ఫాలోవర్స్ విపరీతంగా పెరిగారు. ఇప్పుడు ఎక్కువగా వర్క్ చేస్తున్నా. సంపాదన కూడా పెరిగింది. రైటో,రాంగో మీడియా నాకో వరం` అని పేర్కొంది. ఇందులో హేమచంద్రని ట్యాగ్‌ చేసింది. మొత్తంగా తమ విడాకుల రూమర్స్ కి ఈ విధంగా చెక్‌ పెట్టారీ స్టార్‌ సింగర్స్.
పలు టీవీషోస్‌లో సింగింగ్‌ కాంపీటీషన్స్ లో పాల్గొని సింగర్స్ గా ఎదిగారు హేమచంద్ర, శ్రావణ భార్గవి. `స్వరాభిషేకం`, `సరిగమప` వంటి పలు సింగింగ్‌ షోస్‌లో కలిసి పాడారు. స్నేహితులయ్యారు. స్నేహం కాస్త ప్రేమగా మారింది. దీంతో పెద్దల అంగీకారంతో 2009లో మ్యారేజ్‌ చేసుకున్నారు. వీరికి ఓ పాప ఉంది.
హేమచంద్ర `పరుగు` చిత్రంలో `హృదయం ఓర్చుకోలేనిది`, `నాలో నేనేనా`(బాణం), `బొమ్మాళి`(బిల్లా), `ప్రేమదేశం యువరాణి`(శక్తి) వంటి పాటలు పాడి పాపులర్‌ అయ్యారు. ఇటీవల `ఆర్‌ఆర్‌ఆర్‌`లో దోస్తీ తెలుగు వెర్షన్‌ పాడిన విషయం తెలిసిందే. మరోవైపు `సింహమంటి చిన్నోడే`(సింహా), `బద్రీనాథ్‌`, `కెమెరామెన్‌ గంగతో రాంబాబు`, `తీన్‌ మార్‌`, `సోలో` వంటి చిత్రాల్లో పాటలు పాడారు శ్రావణ భార్గవి. ఇప్పుడు కెరీర్‌ పరంగా ఫుల్‌ బిజీగా ఉన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
