Samantha:‘యశోద’లో సమంత చేస్తున్న పాత్ర..షాకింగ్
యశోదగా సమంత చేసే పాత్ర షాకింగ్ గా ఉంటుందని, ఇప్పటిదాకా తెలుగు తెరపై అలాంటి పాత్రను ఎవరూ పోషించలేదని చెప్తున్నారు. ఓ బేబీ తరహాలో ఈ సినిమా పెద్ద హిట్ అవుతుందని చెప్తున్నారు.
 )
Followసమంత ప్రధాన పాత్రలో రూపొందుతున్న చిత్రం ‘యశోద’. శ్రీదేవి మూవీస్‌ పతాకంపై ప్రొడక్షన్ నంబర్ 14గా శివలెంక కృష్ణప్రసాద్ ఈ చిత్రాన్ని నిర్మిస్తున్నారు. ఈ సినిమాతో హరి – హరీష్ దర్శకులుగా పరిచయం అవుతున్నారు. అలాగే ఈ సినిమాలో వరలక్ష్మీ శరత్ కుమార్, ఉన్ని ముకుందన్ కీలక పాత్రల్లో నటిస్తున్నారు. ఈ సినిమా షూటింగ్ శరవేగంగా జరుగుతుంది. ఈ నేపధ్యంలో ఈ చిత్రంలో సమంత ఏ పాత్ర చేయబోతోందనే విషయం హాట్ టాపిక్ గా మారింది.
అందుతున్న సమాచారం ఫిమేల్ సెంట్రిక్ సినిమా కావడంతో.. కథ మొత్తం సమంత చుట్టూనే తిరుగుతుందని తెలుస్తోంది. సమంత తన పాత్ర విషయంలో సూపర్ ఎగ్జైటెడ్ గా ఉందని తెలుస్తోంది. ఇందులో తొలిసారి సమంత నర్స్ పాత్రలో కనిపించబోతుందట. ఇదొక సైంటిఫిక్ థ్రిల్లర్ కాన్సెప్ట్ తో నడిచే సినిమా అని..సూపర్ నేచురల్ ఎలిమెంట్స్ కూడా ఉంటాయని చెబుతున్నారు. యశోదగా సమంత చేసే పాత్ర షాకింగ్ గా ఉంటుందని, ఇప్పటిదాకా తెలుగు తెరపై అలాంటి పాత్రను ఎవరూ పోషించలేదని చెప్తున్నారు. ఓ బేబీ తరహాలో ఈ సినిమా పెద్ద హిట్ అవుతుందని చెప్తున్నారు.
ప్రస్తుతం ప్యాన్ ఇండియా సినిమాలకు క్రేజ్ పెరుగుతున్న నేపథ్యంలో ‘యశోద’ను ప్యాన్ ఇండియా సినిమాగా తీసుకువస్తున్నారు నిర్మాత. తెలుగుతో పాటు కన్నడం, మలయాళం, తమిళం, హిందీ భాషల్లో సినిమా రిలీజ్ చేయబోతున్నారు. దీంతో ‘యశోద’పై అందరి ఆసక్తి పెరిగింది. ఈ సినిమాకు సమంత ప్యాన్ ఇండియా ఇమేజే ప్లస్ పాయింట్ అని చిత్ర యూనిట్ భావిస్తోంది. అన్ని ఇండస్ట్రీల్లో అమ్మడుకు ఉన్న క్రేజ్ సినిమాకు కలిసివస్తుందని భావిస్తున్నారు. భారీ అంచనాలతో రూపొందిస్తున్న ఈ సినిమాలో సమంత రోల్ పైనే అందరి అటెన్షన్ పెరిగింది. ఇప్పటికే నటనా పరమైన అన్ని రకాల పాత్రలను పోషించి తన సత్తాను చాటింది సమంతా.
నిర్మాత శివలెంక కృష్ణప్రసాద్ మాట్లాడుతూ “తెలుగు, తమిళ భాషల్లో భారీ ఎత్తున ఈ చిత్రాన్ని రూపొందిస్తున్నాం అన్నారు. కన్నడ, మలయాళ, హిందీ భాషల్లో కూడా ఏక కాలంలో విడుదల చేస్తాం.. సమంతతో పాటు వరలక్ష్మీ శరత్ కుమార్, ఉన్ని ముకుందన్, సంపత్ రాజ్, శత్రు, మధురిమ, కల్పికా గణేష్, దివ్య శ్రీపాద, ప్రియాంకా శర్మ తదితరులపై హైద‌రాబాద్‌లో కీలక సన్నివేశాలు తెరకెక్కించాం అన్నారు. అలాగే ప్ర‌ముఖ న‌టులు రావు రమేష్, మురళీ శర్మ ఈ సినిమాలో ముఖ్య పాత్ర‌లు పోషించ‌నున్నారు. దర్శకులు ఇద్దరూ కొత్తవాళ్లు అయినప్పటికీ… ఎక్స్ ట్రార్డిన‌రీగా, కాన్ఫిడెంట్‌గా తెర‌కెక్కిస్తున్నారు. కెమెరామెన్ సుకుమార్ కూడా అద్భుత‌మైన అవుట్‌పుట్‌ ఇస్తున్నారు. విజువ‌ల్‌గా, టెక్నిక‌ల్‌గా సినిమా చాలా గ్రాండియ‌ర్‌గా ఉంటుంది. ఖర్చు విషయంలో ఎక్క‌డా రాజీ పడటం లేదు. భారీ బ‌డ్జెట్‌తో ఈ సినిమా చేస్తున్నాం” అని చెప్పుకొచ్చారు.
Also Read: Radhe Shyam: ‘రాధేశ్యామ్‌’ఓటీటి రిలీజ్ టైమ్,ఫ్లాట్ ఫామ్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
