Salaar : ‘సలార్’ సెట్ చూశారా? వీడియో... ఆ సీన్లు ఇక్కడే.!
ప్రభాస్ నటించిన ‘సలార్’ కోసం ఇండియా మొత్తంగా ఆడియెన్స్ ఎదురు చూస్తున్నారు. ఎట్టకేళలకు డిసెంబర్ లో రాబోతుంది. అయితే, ఈ మూవీ సెట్ కు సంబంధించిన ఓ వీడియో నెట్టింట చేరింది.
 )
Followపాన్ ఇండియా స్టార్ ప్రభాస్ (Prabhas) - ప్రశాంత్ నీల్ కాంబోలో వస్తున్న చిత్రం ‘సలార్ : పార్ట్ 1 సీస్ఫైర్’. హోంబలే ఫిల్మ్స్ నిర్మిస్తోంది. భారీ బడ్జెట్ తో రూపుదిద్దుకుంటున్న ఈ చిత్రం తారాస్థాయిలో అంచనాలు ఉన్నాయి. ఇప్పటికే విడుదలైన పోస్టర్లు, టీజర్ కు సాలిడ్ రెస్పాన్స్ దక్కింది. ఇక అన్నీ బాగుంటే ఈ చిత్రం ప్రస్తుతం బాక్సాఫీస్ వద్ద ఊచకోత ప్రారంభించేంది. కానీ బెస్ట్ అవుట్ పుట్ కోసం వాయిదా వేస్తున్నట్టు మేకర్స్ ప్రకటించిన విషయం తెలిసిందే.
అయితే, తాజాగా సలార్ చిత్రానికి సంబంధించిన సెట్ వీడియో ఒకటి నెట్టింట చేరింది. ప్రభాస్ అభిమాని ఒకరు ఆ వీడియోను పంచుకోవడం విశేషం. ఆ వీడియోను చూస్తే లేటెస్ట్ అని తెలుస్తోంది. చిన్న చిన్న గుడారాలు. ఓ గ్రామంలో నివసించే ప్రజల కోసం ఏర్పాటు చేసిన సెట్ లా కనిపిస్తోంది. కాగా, రామోజీ ఫిల్మ్ సిటీల ఏర్పాటు చేసిన ఆ సెట్ లో ఇప్పటికీ బ్లూ మ్యాట్స్ కనిపిస్తుండటం విశేషం. ఇంకా అక్కడ షూటింగ్ జరుగుతుందా? అనేది సందేహంగా మారింది.
కొన్ని ప్యాచ్ వర్క్స్ కు సంబంధించి యూనిట్ పని చేస్తుందని అంటున్నారు. ఇందులో వాస్తవం ఎంతుందో తెలియదు. కానీ గతంలో ‘సలార్’ సెట్ నుంచి కొన్ని ఫొటోలు లీకైన విషయం తెలిసిందే. ఆ సెట్ లో మహిళతో ప్రభాస్ మాట్లాడుతున్న ఫొటో తెగ వైరల్ అయ్యింది. ఈ సెట్ లోనే ఆ సీన్ జరిగిందని తెలుస్తోంది. ప్రస్తుతం సెట్ నార్మల్ గా కనిపిస్తోంది. అక్కడ ప్రశాంత్ నీల్ ఎలాంటి మ్యాజిక్ చేశారోనని అభిమానులు ఎదురుచూస్తున్నారు.
మొత్తానికి ‘సలార్’కోసం ఇండియా వైడ్ గా ఆడియెన్స్ ఎదురుచూస్తున్నారు. వరల్డ్ వైడ్ గా ఈ చిత్రానికి మంచి డిమాండ్ ఉంది. ఇప్పటికే విడుదలైన చిత్ర టీజర్ కు అతి తక్కువ సమయంలోనే వంద మిలియన్ల వ్యూస్ దక్కాయంటే ఎంత క్రేజ్ ఉందో అర్థం చేసుకోవచ్చు. ఇక సెప్టెంబర్ 28న రావాల్సిన ఈ చిత్రం డిసెంబర్ 22న గ్రాండ్ గా విడుదల కాబోతోంది. శృతి హాసన్ హీరోయిన్ గా నటిస్తోంది. పృథ్వీ రాజ్ సుకుమారన్, జగపతి బాబు, ఆనంద్, శ్రియా రెడ్డి కీలక పాత్రలు పోషిస్తున్నారు. రవి బర్సూర్ సంగీతం అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
