Asianet News TeluguAsianet News Telugu

సాయిధరమ్‌ తేజ్‌ `రిపబ్లిక్‌` రిలీజ్‌ డేట్‌ ఫిక్స్.. ఎప్పుడంటే?

`రిపబ్లిక్‌` సినిమా విడుదలపై సస్పెన్స్ నెలకొంటూ వచ్చింది. ఈ నేపథ్యంలో చిత్ర బృందం `రిపబ్లిక్‌` సినిమా విడుదలకు సిద్ధమవుతుంది. తాజాగా చిత్ర రిలీజ్‌ డేట్‌ని ప్రకటించారు. ఈ సినిమా సెన్సార్‌ పూర్తి చేసుకుని `యూ/ఏ` సర్టిఫికేట్‌ని పొందింది.

sai dharam tej starrer republic movie will release at october 1st
Author
Hyderabad, First Published Sep 18, 2021, 5:43 PM IST
  • Facebook
  • Twitter
  • Whatsapp

మెగా హీరో సాయిధరమ్‌ తేజ్‌ ఇటీవల రోడ్డు ప్రమాదానికి గురైన విషయం తెలిసిందే. ఆయన ప్రస్తుతం హైదరాబాద్‌లోని అపోలో ఆసుపత్రిలో చికిత్స పొందుతున్నారు. ప్రస్తుతం ఆయన స్పృహలోనే ఉన్నారని, వెంటిలేటర్‌ తీసేసినట్టు వైద్యులు వెల్లడించారు. ఇదిలా ఉంటే ఆయన నటించిన `రిపబ్లిక్‌` సినిమా విడుదలపై సస్పెన్స్ నెలకొంటూ వచ్చింది. ఈ నేపథ్యంలో చిత్ర బృందం `రిపబ్లిక్‌` సినిమా విడుదలకు సిద్ధమవుతుంది. తాజాగా చిత్ర రిలీజ్‌ డేట్‌ని ప్రకటించారు. 

ఈ సినిమా సెన్సార్‌ పూర్తి చేసుకుని `యూ/ఏ` సర్టిఫికేట్‌ని పొందింది. దీంతో రిలీజ్‌కి అన్ని అడ్డంకులు తొలగిపోయాయి. దీంతో అక్టోబర్‌ 1న విడుదల చేసేందుకు ప్లాన్‌ చేస్తున్నట్టు నిర్మాతలు ప్రకటించారు. దేవా కట్టా దర్శకత్వంలో రూపొందిన ఈ చిత్రాన్ని జెబీ ఎంటర్ టైన్ మెంట్స్ బ్యానర్ పై జె.భగవాన్, జె.పుల్లారావు ఈ సినిమాను సంయుక్తంగా నిర్మించారు. పవర్ ఫుల్ పొలిటికల్ డ్రామాగా రూపొందుతున్న ఈ సినిమాలో రమ్యకృష్ణ కీలక పాత్ర పోషిస్తున్నారు. మెలోడీ బ్రహ్మ మణిశర్మ సంగీతం అందించిన ఈ సినిమాకు సంబంధించి.. గతంలో విడుదలైన టీజర్, సింగిల్ .. సినిమా మీద అంచనాల్ని పెంచాయి.

కరోనా ఫస్ట్ వేవ్ లాక్ డౌన్ అనంతరం `సోలో బ్రతుకే సో బెటర్` మూవీతో థియేటర్ లో సందడిచేసిన సాయిధరమ్ తేజ.. ఇప్పుడు సెకండ్ వేవ్ తర్వాత `రిపబ్లిక్`తో మరోసారి ఆడియెన్స్ ని ఎంటర్‌టైన్‌ చేసేందుకు వస్తున్నాడు. అయితే ఓ సామాజిక అంశంతో రాబోతుండటంతో సినిమాపై అందరిలోనూ అంచనాలు నెలకొన్నాయి. 

Follow Us:
Download App:
  • android
  • ios