బిగ్‌బాస్‌4 ఫేమ్‌ సోహైల్‌ సరసన హీరోయిన్‌ ఫిక్స్..
బిగ్‌బాస్‌4 ఫేస్‌ సోహైల్‌ హీరోగా ఓ సినిమా రూపొందుతున్న విషయం తెలిసిందే. ఇప్పటికే ఇది షూటింగ్‌ని ప్రారంభించుకుంది. తాజాగా ఈ చిత్రంలో సోహైల్‌ సరసన నటించే హీరోయిన్‌ ఫిక్స్ అయ్యింది. `ఉమా మహేశ్వర ఉగ్రరూపస్య` చిత్రంలో హీరోయిన్‌గా నటించిన రూప కొడువయూర్‌ని హీరోయిన్‌గా ఎంపిక చేశారు.
బిగ్‌బాస్‌4 ఫేస్‌ సోహైల్‌ హీరోగా ఓ సినిమా రూపొందుతున్న విషయం తెలిసిందే. ఇప్పటికే ఇది షూటింగ్‌ని ప్రారంభించుకుంది. తాజాగా ఈ చిత్రంలో సోహైల్‌ సరసన నటించే హీరోయిన్‌ ఫిక్స్ అయ్యింది. `ఉమా మహేశ్వర ఉగ్రరూపస్య` చిత్రంలో హీరోయిన్‌గా నటించిన రూప కొడువయూర్‌ని హీరోయిన్‌గా ఎంపిక చేశారు. హోలీ పండుగ సందర్భంగా చిత్ర బృందం ఈ విషయాన్ని ప్రకటించింది. శ్రీనివాస్ వింజనంపాటి దర్శకత్వం వహించారు. మైక్ మూవీస్ నిర్మాణంలో అప్పిరెడ్డి, సజ్జల రవిరెడ్డి నిర్మిస్తున్నారు.
`జార్జ్ రెడ్డి`, `ప్రెజర్ కుక్కర్` లాంటి సినిమాలతో విమర్శకుల నుంచి ప్రశంసలు అందుకున్న మైక్ మూవీస్ మరో వినూత్న కథతో ఈ ప్రాజెక్ట్ నిర్మిస్తోంది. ఇవాళ్టి సొసైటీలో ఓ బర్నింగ్ ఇష్యూను కథలో చూపించబోతున్నారు. ప్రతి మహిళ గర్వపడే విధంగా సినిమా ఉంటుందని హీరో సొహైల్ సినిమా ప్రారంభోత్సవం సందర్భంగా చెప్పారు. ఇప్పటివరకు భారతదేశ చిత్ర చరిత్రలో రాని ఓ కొత్త పాయింట్ తో ఈ సినిమా ఉంటుందని దర్శకుడు గతంలో తెలిపారు.
నిర్మాతలు అప్పిరెడ్డి, సజ్జల రవిరెడ్డి, భారీ బడ్జెట్ తో ఎక్కడా రాజీ పడకుండా ఈ చిత్రాన్ని నిర్మిస్తున్నారు. త్వరలోనే షూటింగ్ మొదలు కానున్న ఈ చిత్రంలోని ఇతర నటీనటులను త్వరలో ప్రకటించనున్నారు.ఈ చిత్రానికి మ్యూజిక్ : శ్రావణ్ భరధ్వాజ్, సినిమాటోగ్రఫీ: నిజార్ షఫీ, ఆర్ట్: గాంధీ నడికుడికార్, నిర్మాతలు: అప్పిరెడ్డి, సజ్జల రవిరెడ్డి, రచన,దర్శకత్వం: శ్రీనివాస్ వింజనంపాటి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
