పసికందుతో రేణు దేశాయి.. ‘టైగర్ నాగేశ్వర రావు’ నుంచి ఆసక్తికరంగా ఫస్ట్ లుక్ పోస్టర్
20 ఏళ్ల తర్వాత నటి రేణు దేశాయి వెండితెరపై కనిపిచబోతున్నారు. ‘టైగర్ నాగేశ్వర రావు’ చిత్రంలో కీలక పాత్ర పోషించింది. తాజాగా ఫస్ట్ లుక్ పోస్టర్ విడుదలైంది. ఆమె లుక్ ఆసక్తికరంగా మారింది.
 )
Follow‘బద్రి’, ‘జానీ’ చిత్రాలతో రేణు దేశాయి (Renu Desai) హీరోయిన్ గా తెలుగు ప్రేక్షకులకు పరిచయం అయ్యింది. అటు తమిళంలో ‘జేమ్స్ పండు’ అనే ఓ చిత్రం చేసింది. మొత్తం మూడు సినిమాల్లో మెరిసి నటనకు గుడ్ బై చెప్పింది. 20 ఏళ్ల తర్వాత మళ్లీ ఇప్పుడు తిరిగి వెండితెరపై మెరియబోతోంది. తాజాగా రేణు దేశాయి నటించిన చిత్రం ‘టైగర్ నాగేశ్వర రావు’ (Tiger Nageswara Rao). ఈ చిత్రంలో కీలక పాత్రలో ఆడియెన్స్ ను ఆకట్టుకోబోతోంది.
అభిషేక్‌ అగర్వాల్‌ ఆర్ట్స్‌ బ్యానర్‌పై అభిషేక్‌ అగర్వాల్‌ నిర్మించిన ఈ సినిమాకు వంశీ దర్శకత్వం వహించాడు. మాస్ మహారాజా రవితేజ (Ravi Teja) టైటిల్ పాత్రలో నటించిన విషయం తెలిసిందే. బాలీవుడ్ యంగ్ బ్యూటీ నుపూర్‌ సనన్‌, గాయత్రీ భరద్వాజ్‌ హీరోయిన్లు గా నటిస్తున్నారు. ఈ సినిమా షూటింగ్ ముగిసింది. ఈనెలలోనే విడుదల కాబోతుండటంతో ప్రమోషన్స్ ను షురూ చేశారు. బ్యాక్ టు బ్యాక్ అప్డేట్స్ అందిస్తూ వస్తోంది యూనిట్. ఇప్పటికే హీరోయిన్ల ఫస్ట్ లుక్స్, సాంగ్స్, టీజర్ ను విడుదల చేసి మంచి రెస్పాన్స్ ను సొంతం చేసుకున్నారు.
ఇక తాజాగా రేణు దేశాయి ఫస్ట్ లుక్ పోస్టర్ ను విడుదల చేశారు. ప్రేమలత లవణం అనే పాత్రలో నటించినట్టు తెలిపారు. ఆమె లుక్ చాలా ఆసక్తికరంగా ఉంది. సంఘ సంస్కర్తగా, రచయిత గా కనిపించబోతున్నట్టు పోస్టర్ ను విడుదల చేస్తూ మేకర్స్ తెలిపారు. తెల్లటి చీరలో రోజులు నిండిన బిడ్డను చేతిలో ఎత్తుకొని కనిపించింది. పెద్ద కంటి అద్దాలు, మొహం నిండా చిరునవ్వుతో తన పాత్రపై ఆసక్తిని పెంచింది రేణు దేశాయి. ప్రస్తుతం ఈ పోస్టర్ వైరల్ గా మారింది.
ఇక చిత్ర ప్రమోషన్స్ ను యూనిట్ జోరుగా నిర్వహిస్తోంది. వరుసగా అప్డేట్స్ ఇస్తూనే వస్తున్నారు. అక్టోబర్ 3న ‘టైగర్ నాగేశ్వర రావు’ ట్రైలర్ కూడా విడుదల కాబోతోంది. ఆ తర్వాత నుంచి ప్రచార కార్యక్రమాల్లో మరింత జోరు పెంచనున్నారు. స్టూవర్ట్ పురం గజదొంగ టైగర్ నాగేశ్వరరావు జీవితం ఆధారంగా పీరియాడికల్‌ యాక్షన్‌ డ్రామాగా ఈ చిత్రాన్ని తెరకెక్కిస్తున్నారు. అక్టోబర్ 15న ప్రీ రిలీజ్ ఈవెంట్ జరగనుంది. అక్టోబర్ 20న పాన్ ఇండియా స్థాయిలో రిలీజ్ కాబోతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
