రవితేజ కొత్త సినిమా షూటింగ్‌ డిటెయిల్స్.. ప్రారంభమయ్యేది అప్పుడే..
మాస్‌ మహారాజా రవితేజ ప్రస్తుతం రెండు సినిమాలు చేస్తున్నారు. ఇవి చిత్రీకరణలో ఉన్నాయి. ఈ నేపథ్యంలో ఇప్పుడు మరో సినిమా ఓకే అయ్యింది. దీనికి సంబంధించిన ఓ అప్‌డేట్‌ వినిపిస్తుంది.
మాస్‌ మహారాజా రవితేజ.. ప్రస్తుతం రెండు సినిమాలతో బిజీగా ఉన్నాడు. ఓ వైపు ఆయన గోపీచంద్‌ మలినేనితో ఓ సినిమా చేస్తున్నాడు. మరోవైపు హరీష్‌ శంకర్‌తో `మిస్టర్‌ బచ్చన్‌` అనే సినిమా చేస్తున్నారు. ఇప్పుడు ఈ రెండు చిత్రాల షూటింగ్‌లు జరుగుతున్నాయి. దీంతోపాటు మరో సినిమాకి చర్చలు జరుగుతున్నాయి. కమెడీ చిత్రాల దర్శకుడు అనుదీప్‌తో మాస్‌ మహారాజా సినిమా చేయబోతున్నారని చాలా కాలంగా వార్తలొస్తున్నాయి. తాజాగా ఈ మూవీకి సంబంధించిన చర్చలు జరుగుతున్నాయి. ఇది ఓ కొలిక్కి వచ్చినట్టు సమాచారం.
అయితే ఇప్పటి వరకు దీనిపై ఓ క్లారిటీ రాలేదు. స్క్రిప్ట్ వర్క్ పూర్తి కాలేదని, రవితేజకి ఇంకా ఫైనల్‌ స్క్రిప్ట్ నెరేట్‌ చేయలేదని అన్నారు. అయితే తాజాగా అందుతున్న సమాచారం మేరకు ఈ మూవీ ఆల్మోస్ట్ ఓకే అయ్యిందట. సితార బ్యానర్‌లో ఈ ప్రాజెక్ట్ ఉండబోతుందని తెలుస్తుంది. అనుదీప్‌తో సితారలో కమిట్‌మెంట్‌ ఉంది. దీంతో ఆ మూవీని రవితేజతో చేయబోతున్నారట. లవ్‌ స్టోరీ, కామెడీ మేళవింపుగా, రవితేజ మార్క్ కొన్ని యాక్షన్‌ ఎలిమెంట్లతో సినిమా సాగబోతుందని తెలుస్తుంది.
ఈ సినిమా ఆల్మోస్ట్ ఫైనల్‌ అయ్యిందని అంటున్నారు. ప్రారంభానికి సంబంధించిన ఓ అప్‌డేట్‌ సోషల్‌ మీడియాలో చక్కర్లు కొడుతుంది. మే, జూన్‌లో దీన్ని ప్రారంభించే అవకాశం ఉందట. ప్రస్తుతం రవితేజ రెండు సినిమాలు చేస్తున్న నేపథ్యంలో ఆలోపు ఒక మూవీని పూర్తి చేసే అవకాశం ఉంది. దీంతో కాస్త రిలీఫ్‌ అవుతాడు. ఆ తర్వాత అనుదీప్‌ మూవీకి డేట్స్ ఇచ్చినట్టు తెలుస్తుంది. మరి దీనిపై క్లారిటీ రావాల్సి ఉంది.
రవితేజ నాల్గోసారి గోపీచంద్‌ మలినేనితో కలిసి చేస్తున్నారు. సెకండ్‌ హ్యాట్రిక్‌కి సిద్ధమవుతున్నారు. మరోవైపు హరీష్‌ శంకర్‌తో ఓ రీమేక్‌ మూవీ చేస్తున్నారు. హిందీలో హిట్‌ అయిన `రైడ్‌` మూవీని `మిస్టర్‌ బచ్చన్‌` గా రీమేక్‌ చేస్తున్నారు. ఇది ఇటీవలే ప్రారంభమైంది. రీమేక్‌ మూవీస్‌ పెద్దగా ఆడటంలేదు. కానీ హరీష్‌ రీమేక్‌ చేయడం ఆశ్చర్యంగా మారింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
