రవితేజ ‘ఈగల్’ మూవీ అప్డేట్.. నెక్ట్స్ షూటింగ్ ఎక్కడంటే?
మాస్ మహారాజా రవితేజ నటిస్తున్న చిత్రం ‘ఈగల్’ మూవీ ఒకటి. ఈ మూవీ షూటింగ్ శరవేగంగా జరుగుతోంది. తాజాగా నెక్ట్స్ షెడ్యూల్ కు సంబంధించిన అప్డేట్ అందింది.
 )
Followమాస్ మహారాజా రవితేజ (Ravi Teja) బ్యాక్ టు బ్యాక్ సినిమాలు చేస్తున్న విషయం తెలిసిందే. యంగ్ హీరోలకు పోటీగా ఈ సీనియర్ హీరో వరుస చిత్రాలతో సత్తా చాటుతున్నారు. హిట్, ఫ్లాప్స్ తో సంబంధం లేకుండా ఇంట్రెస్టింగ్ కథలతో ప్రేక్షకుల ముందుకు వస్తున్నారు. ఇప్పటికే ‘ధమాకా’, ‘వాల్తేరు వీరయ్య’తో బ్లాక్ బాస్టర్ హిట్లను సొంతం చేసుకున్నారు. ప్రస్తుతం నెక్ట్స్ ప్రాజెక్ట్స్ పై ఫోకస్ పెట్టారు.
రవితేజ నటిస్తున్న చిత్రాల్లో ఇంట్రెస్టింగ్ ప్రాజెక్ట్ ‘ఈగల్’ (Eagle) ఒకటి. చిత్రానికి కార్తీక్ ఘట్టమనేని దర్శకత్వం వహిస్తున్నారు. ఈ మూవీతో డైరెక్టర్ గా పరిచయం కాబోతున్నారు. అనుపమా పరమేశ్వరన్, కావ్య థాపర్ కథానాయికలుగా నటిస్తున్నారు. పీపుల్ మీడియా బ్యానర్ పై నిర్మాత టీజీ విశ్వప్రసాద్ నిర్మిస్తున్నారు. ప్రస్తుతం సినిమా షూటింగ్ శరవేగంగా జరుగుతోంది.
ఇప్పటికే ‘ఈగల్’ మూవీ షూటింగ్ తుదిదశకు చేరుకుంది. ప్రస్తుతం కొన్ని ప్యాచ్ వర్క్ లు జరుగుతున్నాయి. అయితే తాజాగా అందిన అప్డేట్ ప్రకారం.. మూవీలోని కొన్ని ఇంట్రెస్టింగ్ సీన్ల కోసం రవితేజ తోపాటు యూనిట్ లండన్ కు వెళ్లనున్నట్టు తెలుస్తోంది. నెక్ట్స్ షెడ్యూల్ అక్కడే పూర్తి చేయనున్నారు. దీని తర్వాత ఆల్మోస్ట్ సినిమా షూట్ కంప్లీట్ కాబోతుందని అంటున్నారు. ఆ వెంటనే పోస్ట్ ప్రొడక్షన్ పనులూ షురూ కానున్నాయి.
ఈ చిత్రం నుంచి ఇప్పటికే అందించిన ఫస్ట్ గ్లింప్స్ కు మాసీవ్ రెస్పాన్స్ దక్కింది. యాక్షన్, థ్రిల్లింగ్ అంశాలతో ఆకట్టుకుంది. మాస్ మహారాజా యాక్షన్ తో అదరగొట్టనున్నారని తెలుస్తోంది. మున్ముందు ఈ మూవీ నుంచి వరుస అప్డేట్స్ అందించేందుకు యూనిట్ సిద్ధం అవుతోంది. ఇక రవితేజ లైనప్ లో నెక్ట్స్ ‘టైగర్ నాగేశ్వర్’ రావు విడుదలకు సిద్ధంగా ఉంది. రీసెంట్ గా మూవీ టీజర్ విడుదలై సినిమాపై హైప్ క్రియేట్ అయ్యింది. పాన్ ఇండియా స్థాయిలో విడుదల కాబోతోంది. జీవీ ప్రకాశ్ చిత్రానికి సంగీతం అందిస్తుండగా.. ఈ చిత్రంతో రేణు దేశాయ్ రీఎంట్రీ ఇస్తుండటం విశేషం. అనుపమ్ ఖేర్, మురళీ శర్మ వంటి స్టార్స్ కీలక పాత్రలు పోషిస్తున్నారు. ‘ఈగల్’ తర్వాత రవితేజ RT4GM చిత్రంలో నటించనున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
