ఇటీవల ఎనిమిది రాష్ట్రాల్లో అది మళ్లీ పెరుగుతుందని కేంద్ర ప్రభుత్వం వెల్లడించింది. ఓ వైపు కరోనా, మరోవైపు కొత్త కరోనా `స్ట్రెయిన్`తో జనం ఆందోళన చెందుతున్నారు. ఈ క్రమంలో సినీ ప్రియులకు షాక్ తగిలింది. రణ్బీర్ కపూర్కి కరోనా సోకింది.
కరోనా విజృంభన కాస్త తగ్గుముఖం పడుతుందని అంతా ఇప్పుడిప్పుడు ఊపిరి పీల్చుకుంటున్న తరుణంలో, అది మరోసారి విస్తరిస్తుంది. ఇటీవల ఎనిమిది రాష్ట్రాల్లో అది మళ్లీ పెరుగుతుందని కేంద్ర ప్రభుత్వం వెల్లడించింది. ఓ వైపు కరోనా, మరోవైపు కొత్త కరోనా `స్ట్రెయిన్`తో జనం ఆందోళన చెందుతున్నారు. ఈ క్రమంలో సినీ ప్రియులకు షాక్ తగిలింది. రణ్బీర్ కపూర్కి కరోనా సోకింది. ఆయన కరోనా పాజిటివ్ వచ్చినట్టు ఆయన తల్లి నీతూ కపూర్ వెల్లడించారు.
ఇన్స్టాగ్రామ్ ద్వారా రణ్బీర్ తల్లి తెలియజేస్తూ, `పరీక్షలో రణ్బీర్కి కోవిడ్ 19 పాజిటివ్ వచ్చింది. అతను ఇప్పుడు మెడిసిన్ తీసుకుంటున్నారు. ఇంట్లో స్వీయ నిర్భందంలో ఉన్నాడు. అన్ని జాగ్రత్తలు తీసుకుంటున్నారు. అతని ఆరోగ్యం నిలకడగానే ఉంది. ఎవరూ ఆందోళన చెందవద్దు. మీరు చూపిస్తున్న ప్రేమకి ధన్యవాదాలు` అని తెలిపింది. ప్రస్తుతం రణ్బీర్ కపూర్ `బ్రహ్మాస్త్ర` చిత్రంలో నటిస్తున్నారు. దీంతోపాటు `శంషేరా`, `యానిమల్`, అలాగే లవ్ రంజన్తో ఓ సినిమా చేయనున్నారు.