Asianet News TeluguAsianet News Telugu

నాటు నాటుకి ఆస్కార్ అర్హత ఉందా ? కీరవాణి టాప్ 100 సాంగ్స్ లో అయినా ఉంటుందా ?.. వర్మ సూటి ప్రశ్న

వివాదాస్పద దర్శకుడు రాంగోపాల్ వర్మ ఎప్పుడూ సంచలనాలకు కేంద్రబిందువుగా ఉంటారు. ఎన్ని విమర్శలు వెల్లువెత్తిన వర్మ నైజం మారదు. సోషల్ మీడియాలో యాక్టివ్ గా ఉండే వర్మ ప్రతి అంశంపై తనదైన శైలిలో సెటైర్లు వేస్తుంటారు.

Ram Gopal Varma questions Keeravani on Naatu Naatu Oscar dtr
Author
First Published Apr 28, 2023, 5:13 PM IST

వివాదాస్పద దర్శకుడు రాంగోపాల్ వర్మ ఎప్పుడూ సంచలనాలకు కేంద్రబిందువుగా ఉంటారు. ఎన్ని విమర్శలు వెల్లువెత్తిన వర్మ నైజం మారదు. సోషల్ మీడియాలో యాక్టివ్ గా ఉండే వర్మ ప్రతి అంశంపై తనదైన శైలిలో సెటైర్లు వేస్తుంటారు. తాజాగా వర్మ తన యూట్యూబ్ ఛానల్ లో నిజం అనే కొత్త షోని ప్రారంభించారు. 

అబద్దం బట్టలూడదీసి నిజం చూపించడమే ఈ షో లక్ష్యం అని వర్మ తెలిపారు. ఈ షోలో భాగంగా వర్మ లెజెండ్రీ సంగీత దర్శకులు కీరవాణిని ఇంటర్వ్యూ చేశారు. ఆ ప్రోమో ప్రస్తుతం వైరల్ గా మారింది. కీరవాణి, వర్మ కాంబినేషన్ లో క్షణ క్షణం లాంటి మ్యూజికల్ బ్లాక్ బస్టర్ వచ్చింది. 

వర్మ ఈ ఇంటర్వ్యూలో ఆర్ఆర్ఆర్ చిత్రంలో నాటు నాటు సాంగ్ కి ఆస్కార్ దక్కడం గురించి ప్రశ్నించారు. నాటు నాటు సాంగ్ ఇంకెవరైనా మ్యూజిక్ డైరెక్టర్ చేసి ఉంటే.. దానికి ఆస్కార్ దక్కి ఉంటే.. ఆ పాటకి అంత అర్హత ఉంది అని మీరు భావించేవారా ? అని వర్మ కీరవాణిని ప్రశ్నించారు. అసలు నాటు నాటు సాంగ్ మీ కెరీర్ లో టాప్ 100 సాంగ్స్ లో అయినా ఉంటుందా ? అని వర్మ సూటిగా ప్రశ్నించారు. 

మరి కీరవాణి వర్మకి ఎలాంటి సమాధానం ఇచ్చారో కంప్లీట్ ఇంటర్వ్యూ రిలీజ్ అయ్యాక చూడాలి. ఆర్ఆర్ఆర్ చిత్రం అనేక అంతర్జాతీయ అవార్డులు కొల్లగొట్టింది. ఈ క్రమంలో రాజమౌళి అండ్ టీం నాటు నాటు సాంగ్ కి ఉన్న క్రేజ్ చూసి ఆ పాటని వరల్డ్ వైడ్ గా ప్రమోట్ చేశారు. మొదట గోల్డెన్ గ్లోబ్ అవార్డు దక్కించుకున్న నాటు నాటు సాంగ్.. ఆస్కార్ విజేతగా కూడా నిలిచింది. లేడీ గాగా, రియానా లాంటి వరల్డ్ ఫేమస్ సింగర్స్ పాటలని అధికమించి నాటు నాటు ఆస్కార్ దక్కించుకోవడం విశేషం. 

Follow Us:
Download App:
  • android
  • ios