ప్రముఖ టాలీవుడ్ ప్రొడ్యూసర్ పీవీపీ తాజాగా ఓ ఇంటర్వ్యూలో పాల్గొన్నారు. ఈ సందర్భంగా ఆయన సినిమా ఇండస్ట్రీలో పరిస్థితుల గురించి వెల్లడించారు. దక్షిణాదిలోని ఇద్దరు ప్రముఖ దర్శకులు ఉన్నారని.. వారికి నిర్మాతలు సెట్ కి రాకూడదనేది షరతు అని చెప్పారు.

ఆ దర్శకుల పేర్లు మాత్రం చెప్పలేదు. వారు మన పక్క రాష్ట్రాల్లో ఉన్నారని చెప్పారు. దర్శకులకు డిమాండ్ ఉంది.. ఎందుకంటే పెద్ద ప్రాజెక్ట్ లు వారి వల్లే సాధ్యమవుతాయి..  వారిని విమర్శించలేమని.. నిర్మాతలకు మరో దారి లేదని అన్నారు. 

ఆ తరువాత 'బ్రహ్మోత్సవం' సినిమా గురించి మాట్లాడుతూ.. 'ఈ సినిమా ఆశించిన స్థాయిలో విజయం సాధించలేదు. దాంతో పంపిణీదారులకు తిరిగి డబ్బులు వెనక్కి ఇచ్చాం. ఈ సినిమా వైఫల్యానికి హీరో మహేష్ బాబుని విమర్శించలేమని' అన్నారు.

మహేష్ దర్శకుల హీరో అని.. అవసరమైతే ఒక సీన్ ను పది సార్లు చేస్తుంటారని.. ఓ సినిమా ఎప్పుడూ దర్శకులపై ఆధారపడి ఉంటుందని.. దర్శకుడు అందరితో కలిసి పనిచేస్తే  అవుట్ పుట్ ఇంకా బాగా వస్తుందని అన్నారు. నిర్మాతలు కోట్లు పెడుతుంటే.. కొందరు దర్శకులు స్క్రిప్ట్ పూర్తి కాకుండానే సెట్స్ పైకి వెళ్తుంటారని చెప్పారు.