కేంద్రం మెడలు వంచుతామంటూ పవన్ కళ్యాణ్ ట్వీట్
- కేంద్రం మెడలు వంచుతామంటూ పవన్ ట్వీట్
- రాజకీయంగా దుమారం లేపుతున్న పవన్ కళ్యాణ్ ట్వీట్స్
జనసేన అధినేత పవన్ కళ్యాణ్ తాజాగా కేంద్రంపై మరోసారి సంచలన వ్యాఖ్యలు చేసి దుమారం లేపాడు . ''తిడితే భరించాం , విడగొట్టి గెంటేస్తే సహించాం .... ఇచ్చిన మాట నిలబెట్టుకోకపోతే తిరగబడతాం '' , గాంధీ ని ప్రేమిస్తాం , అంబేద్కర్ ను ఆరాధిస్తాం .... సర్దార్ పటేల్ కు సెల్యూట్ చేస్తాం భారత రాజ్యాంగాన్ని గౌరవిస్తాం కానీ ..... తల ఎగరేసే ఉత్తరాది నాయకత్వం దక్షిణాది ఆత్మగౌరవాన్ని కించపరుస్తూ పొతే చూస్తూ కూర్చోమ్ , మెడలు వంచి కింద కూర్చోబెడతామని హెచ్చరిస్తూ ట్వీట్ చేసాడు పవన్ .
గతకొంత కాలంగా ఆంధ్రప్రదేశ్ కు ప్రత్యేక హోదా ఇవ్వాల్సిందే అంటూ పోరాడుతున్న పవన్ అడపా దడపా జనాల్లోకి వెళ్లి అందుకు సమాయత్తం చేస్తూనే ఉన్నాడు . సోషల్ మీడియాలో ట్వీట్ చేస్తూ యూత్ ని మానసికంగా సిద్ధం చేస్తున్నాడు పవన్ . ఆంధ్రప్రదేశ్ నాయకులకు తెగువ , ఆత్మగౌరవం లేవని ఘాటుగా విమర్శించాడు . యువత స్పెషల్ స్టేటస్ కోసం పోరాడాలని పిలునిచ్చాడు పవన్ .
#APDemandsSpecialStatus pic.twitter.com/aYrhnf6rIF
— Pawan Kalyan (@PawanKalyan) 23 January 2017