‘ప్రతినిధి2’ షూటింగ్ షురూ.. ఐదేళ్ల తర్వాత కెమెరా ముందుకు నారా రోహిత్.. రిలీజ్ డేట్ కూడా ఫిక్స్
దర్శకుడిగా టీ5 మూర్తి పరియం అవుతూ.. నారా రోహిత్ హీరోగా ‘ప్రతినిధి2’ చిత్రం తెరకెక్కబోతోంది. ఇప్పటికే అధికారికంగా ప్రకటించగా.. ఈ చిత్ర షూటింగ్ ను ఈరోజు ప్రారంభించారు.
 )
Followఐదేళ్లపాటు సినిమాలకు దూరంగా ఉన్న నటుడు నారా రోహిత్ (Nara Rohit) మళ్లీ వరుస చిత్రాలతో అలరించేందుకు సిద్ధమయ్యారు. ఇప్పటికే ఆయన లైనప్ లో నాలుగైదు చిత్రాలు ఉన్నాయి. ఇందులో ముందుగా ‘ప్రతినిధి2’ చిత్రం తెరమీదికి రాబోతోంది. 2014లో వచ్చిన ‘ప్రతినిధి’కి ఇది సీక్వెల్. అయితే ఈ చిత్రంతో దర్శకుడిగా ప్రముఖ జర్నలిస్ట్, టీవీ5 మూర్తి దేవగుప్తాపు పరిచయం కాబోతున్నారు. న్యూస్ రీడర్ గా ఎంతో సుపరిచితుడైన ఆయన ప్రస్తుతం నారా రోహిత్ కంబ్యాక్ ఫిల్మ్ తో డైరెక్టర్ గా పరిచయం కాబోతున్నారు.
ఆ మధ్యలో హీరో నారా రోహిత్ 19 చిత్రాన్ని అధికారికంగా ప్రకటించారు. టీవీ5 మూర్తి డైరెక్ట్ చేయబోతున్నట్టు కూడా తెలిపారు. పొలిటికల్ డ్రామాగా చిత్రం రూపుదిద్దుకోనుంది. ఈ చిత్రం రెగ్యులర్ షూటింగ్ ఈరోజు నుంచి ప్రారంభమైంది. ఈ మేరకు మేర్స్ అధికారికంగా వెల్లడించారు. ఐదేళ్ల తర్వాత నారా రోహిత్ కెమెరా ముందుకు రావడం విశేషం. అటు టీవీ5 మూర్తి దర్శకుడిగా పరిచయం కాబోతుండటంతో సినిమాపై మరింత ఆసక్తి నెలకొని ఉంది. ఎలాంటి అంశాలను తెరపై ఉంచబోతున్నారనేది ఇంట్రెస్టింగ్ గా మారింది.
వానరా ఎంటర్‌టైన్‌మెంట్స్ బ్యానర్ పై రూపుదిద్దుకుంటున్న ఈ చిత్రాన్ని కుమార్‌రాజా బత్తుల, ఆంజనేయులు శ్రీ తోట, కొండకళ్ల రాజేందర్‌రెడ్డి నిర్మించనున్నారు. నారా రోహిత్‌తో పాటు సినిమాలోని ఇతర ముఖ్య నటీనటులు షూటింగ్‌లో పాల్గొంటున్నారు. హైదరాబాద్‌లో ప్రొడక్షన్‌ పనులు ప్రారంభమయ్యాయి. మేకర్స్ షేర్ చేసిన ఇమేజ్‌లో నారా రోహిత్ ముఖం అస్పష్టంగా ఉంది.
"ఒక మనిషి మళ్ళీ అన్ని అసమానతలకు వ్యతిరేకంగా నిలబడతాడు" అనేది సినిమా యొక్క శీర్షిక. గతంలో విడుదల చేసిన ఈ సినిమా ఫస్ట్‌లుక్‌ పోస్టర్‌కి అన్ని వర్గాల నుంచి పాజిటివ్‌ రెస్పాన్స్‌ వచ్చింది. ఫస్ట్ లుక్ సూచించినట్లుగా, ప్రతినిధి 2 సామాజిక సమస్యను చూపించబోతోంది. యువ సంచలనం మహతి స్వర సాగర్ సంగీతం అందిస్తుండగా, నాని చమిడిశెట్టి సినిమాటోగ్రాఫర్. రవితేజ గిరిజాల ఎడిటర్, కిరణ్ కుమార్ మన్నె ఆర్ట్ డైరెక్టర్ గా వ్యవహరిస్తున్నారు. ఈ చిత్రం జనవరి 25, 2024న రిపబ్లిక్ డే సందర్భంగా ప్రేక్షకుల ముందుకు రానుంది. చిత్రంలో కథానాయిక, ఇతర నటీనటులను త్వరలో వెల్లడిస్తారని నిర్మాతలు తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
