ఫ్యాన్స్ ని మళ్లీ డిజప్పాయింట్ చేసిన నాగచైతన్య.. `థ్యాంక్యూ` మూవీ రిలీజ్ ఛేంజ్.. ఎప్పుడంటే?
నాగచైతన్య తన ఫ్యాన్స్ ని మరోసారి నిరాశ పరిచారు. ఆయన హీరోగా నటిస్తున్న `థ్యాంక్యూ` సినిమా మళ్లీ వాయిదా పడింది.
నాగచైతన్య ఓ వైపు లవ్ ఎఫైర్ వార్తలతో ఉక్కిరిబిక్కిరవుతున్నాడు. ఆయన తెలుగు హీరోయిన్ శోభితా దూళిపాళ్లతో ప్రేమలో ఉన్నట్టు వార్తలు ప్రచారం అవుతున్న విషయం తెలిసిందే. మరోవైపు ఆయన నటించిన సినిమా వాయిదాలు పడుతుంది. `మనం` ఫేమ్ విక్రమ్ కుమార్ దర్శకత్వంలో నాగచైతన్య `థ్యాంక్యూ` చిత్రంలో నటిస్తున్నారు. ఈ చిత్రంలో రాశీఖన్నా మెయిన్ హీరోయిన్గా నటించగా, అవిగోర్, మాళవిక నాయర్ సెకండ్, థర్డ్ హీరోయిన్గా నటిస్తున్నారు.
ఈ సినిమా మరోసారి వాయిదా పడింది. ఇప్పటికే మూడుసార్లు వాయిదా పడింది. ఫైనల్గా జులై 8న విడుదల చేయాలనుకున్నారు. తాజాగా సినిమా మరోరెండు వారాలు వెనక్కి వెళ్లింది. కొత్త డేట్ని ప్రకటించారు. జులై 22న విడుదల చేసేందుకు ప్లాన్ చేస్తున్నారు. దీంతో చైతూ ఫ్యాన్స్ కాస్త డిజప్పాయింట్ అవుతున్నారు. ఇప్పటికే విడుదలైన టీజర్, గ్లింప్స్, రెండు పాటలకు మంచి స్పందన లభించింది. టీజర్ విశేషంగా ఆకట్టుకుంది. ఇందులో స్టూడెంట్గా, బిజినెస్ మ్యాన్గా నాగచైతన్య పలు వేరియేషన్స్ చూపిస్తున్నారు.
ఒక్కో ఫేజ్లో ఆయన లవ్ ఫెయిల్యూర్ చూపిస్తూ చివరికి తాను ఇప్పటి వరకు చాలా వదులుకున్నా, ఇంకా వదులుకోవడానికి సిద్ధంగా లేను అని చెప్పడం ఆసక్తిని క్రియేట్ చేస్తుంది. మొదట మాళవిక నాయర్, తర్వాత అవికా గోర్, ఆ తర్వాత రాశీఖన్నాలతో ఆయన లవ్ జర్నీని ఆవిష్కరించబోతున్నారు. అయితే టీజర్లో చైతూ చెప్పిన డైలాగులు రియల్ లైఫ్కి దగ్గరగా ఉండటంతో ఆద్యంతం ఆసక్తి నెలకొంది. సినిమా ఎలా ఉండబోతుందో అనే ఇంట్రెస్ట్ పెరిగింది.
ఈ చిత్రాన్ని శ్రీ వెంకటేశ్వర క్రియేషన్స్ పతాకంపై దిల్రాజు, శిరీష్ నిర్మిస్తున్నారు. `లవ్ స్టోరీ`, `బంగార్రాజు` వంటి చిత్రాల తర్వాత చైతూ నుంచి వస్తోన్న సినిమా కావడం అంచనాలు నెలకొన్నాయి. మరి ఆ అంచనాలను రీచ్ అవుతుందా? లేదో చూడాలి. ఈ చిత్రానికి లెజండరీ సినిమాటోగ్రాఫర్ పీసీ శ్రీరామ్ సినిమాటోగ్రఫీ గా పనిచేశారు. తమన్ స్వరాలు సమకూరుస్తున్నారు. బీవీఎస్ రవి కథను అందించారు.