'మంచి రోజులు వచ్చాయి' అంటున్న మారుతి
ప్రస్తుతం హైదరాబాద్ అల్యూమినియం ఫ్యాక్టరీలో షూటింగ్ జరుగుతుంది. ఇప్పటికే మేజర్ పార్ట్ షూటింగ్ పూర్తి అయిపోయిందట. అయితే ఈ సినిమాకు 'మంచి రోజులు వచ్చాయి' అనే టైటిల్‌ను చిత్ర టీమ్ పరిశీలిస్తున్నారని తెలుస్తోంది.
దర్శకుడు మారుతి 'ఏక్ మినీ కథ' హీరో సంతోష్ శోభన్‌తో ఓ చిన్న సినిమా చేస్తున్న సంగతి తెలిసిందే. దీనికి విభిన్నమైన టైటిల్‌ను ఫైననల్ చేసిన్నట్టు తెలుస్తోంది. సంతోష్ శోభన్ - మెహరీన్ జంటగా ఓటీటీ కోసం మారుతి ఈ సినిమా చేస్తున్నారు. ప్రస్తుతం హైదరాబాద్ అల్యూమినియం ఫ్యాక్టరీలో షూటింగ్ జరుగుతుంది. ఇప్పటికే మేజర్ పార్ట్ షూటింగ్ పూర్తి అయిపోయిందట. అయితే ఈ సినిమాకు 'మంచి రోజులు వచ్చాయి' అనే టైటిల్‌ను చిత్ర టీమ్ పరిశీలిస్తున్నారని తెలుస్తోంది. ఈ టైటిల్ చూస్తుంటే గత ఏడాది నుంచి కరోనా కారణంగా ఎదుర్కొంటున్న పరిస్థితుల ఆధారంగా తెరకెక్కించారని భావిస్తున్నారు. త్వరలో టైటిల్ ప్రకటించేందుకు మేకర్స్ ప్లాన్ చేస్తున్నారని సమాచారం.
అనూప్ రూబెన్స్ సంగీతం అందిస్తున్న ఈ సినిమాను యూవి క్రియేషన్స్ నిర్మిస్తోంది. లాక్ డౌన్ ఎత్తకముందే ఈ సినిమా షూటింగ్
మొదలెట్టేసారు. కరోనాకు సంభందించిన అన్ని జాగ్రత్తలు తీసుకుంటూ ముందుకు వెళ్తున్నారు. అందుతున్న సమాచారం మేరకు ఓ కాల‌నీలో జ‌రిగే ప్రేమ‌క‌థ ఇది. రెండు ఇళ్ల మ‌ధ్య న‌డిచే రొమాంటిక్ డ్రామా. హీరోయిన్ గా మెహరీన్ క‌నిపించ‌బోతోంది. అయితే ఈ సినిమాకి మారుతి డైరక్టర్ కాదు. కేవ‌లం ద‌ర్శ‌క‌త్వ ప‌ర్య‌వేక్ష‌ణ మాత్ర‌మే. అప్పట్లో `ప్రేమ‌క‌థా చిత్ర‌మ్‌` కి మారుతి ద‌ర్శ‌క‌త్వ ప‌ర్య‌వేక్ష‌ణ చేసారు. ఆ తర్వాత అలా చేస్తున్న సినిమా ఇదే.
జులైలో.. `పక్కా కమర్షియల్` షూటింగ్ మొద‌ల‌వుతుంది. ఈలోగా… ఈ ల‌వ్ స్టోరీని ఫినిష్ చేయాల‌ని చూస్తున్నాడు మారుతి. ఓ నెల‌లో… సినిమా పూర్తి చేసి రిలీజ్ కు పెట్టేస్తారన్నమాట. తక్కువ బడ్జెట్ లో సాగే కాన్సెప్టు ఓరియెంటెడ్ సినిమా ఇది. అందుకే ఇప్పుడు అందరూ దటీజ్ మారుతి..మిగతా డైరక్టర్స్ ఆయన రూట్ లో వెళ్లటం బెస్ట్ అంటున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
