`మంగళవారం` థియేట్రికల్ బిజినెస్ లెక్కలు.. వామ్మో ఇదేం క్రేజ్
హిట్ కోసం దర్శకుడు, హీరోయిన్ పాయల్ కలిశారు. పాయల్ ప్రధాన పాత్రలో `మంగళవారం` చిత్రాన్ని రూపొందించాడు అజయ్ భూపతి. ఇటీవల ఈ సినిమా ట్రైలర్ విడుదలైంది.
 )
అజయ్ భూపతి దర్శకుడిగా పరిచయమైన `ఆర్ఎక్స్ 100` చిత్రం పెద్ద హిట్ అయ్యింది. ఈ సినిమాతో హీరో కార్తికేయ, హీరోయిన్ పాయల్ రాజ్పుత్ టాలీవుడ్కి పరిచయం అయ్యారు. ఎలాంటి అంచనాలు లేకుండా వచ్చిన ఈ మూవీ బ్లాక్ బస్టర్ కావడంతో అంతా ఆశ్చర్యపోయారు. హీరోహీరోయిన్లతోపాటు దర్శకుడు కూడా పాపులర్ అయ్యారు. ఆ తర్వాత వీరికి ఒక్క హిట్ కూడా రాలేదు. అటు కార్తికేయ స్ట్రగులింగ్లోనే ఉన్నాడు, బ్రేక్ కోసం ప్రయత్నాలు చేస్తూనే ఉన్నాడు. మరోవైపు పాయల్ కి సైతం హిట్ లేదు. దర్శకుడు అజయ్ భూపతి చేసిన రెండో మూవీ `మహాసముద్రం` కూడా డిజప్పాయింట్ చేసింది.
ఇక హిట్ కోసం దర్శకుడు, హీరోయిన్ పాయల్ కలిశారు. పాయల్ ప్రధాన పాత్రలో `మంగళవారం` చిత్రాన్ని రూపొందించాడు అజయ్ భూపతి. ఇటీవల ఈ సినిమా ట్రైలర్ విడుదలైంది. ఆద్యంతం యాక్షన్ థ్రిల్లర్గా ఈ మూవీ రూపొందుతుంది. హర్రర్ ఎలిమెంట్లతో ఈ సినిమా సాగుతుందని తెలుస్తుంది. ట్రైలర్ గూస్ బమ్స్ తెప్పించేలా ఉంది. అదే సమయంలో సినిమాపై భారీ అంచనాలను పెంచింది.
అయితే ఇప్పుడు ఈ మూవీ బిజినెస్ కూడా షాకిస్తుంది. ఈ మూవీ ఈ నెల 17న రిలీజ్ కాబోతుంది. తెలుగుతోపాటు తమిళం, కన్నడ, మలయాళం, హిందీలోనూ రిలీజ్ చేస్తున్నారు. ట్రైలర్ కి అన్ని భాషల్లో మంచి స్పందన లభించింది. స్పందనే కాదు బిజినెస్ కూడా బాగుందని తెలుస్తుంది. తాజాగా వినిపిస్తున్న సమాచారం మేరకు ఈ చిత్రం సుమారు రూ.15 కోట్ల బిజినెస్ చేసిందని తెలుస్తుంది.
నైజాంలో ఈ మూవీని దిల్రాజు రూ.3.40కోట్లకు తీసుకున్నారట. ఆంధ్ర, సీడెడ్లో రూ.7.20కోట్లకు అమ్ముడు పోయిందట. మరోవైపు ఇతర స్టేట్స్, ఓవర్సీస్ కలుపుకుని మొత్తంగా రూ.15కోట్లకు పైగానే బిజినెస్ జరిగిందని టాక్. ఇక ఈ సినిమాకి సుమారు రూ.18కోట్ల బడ్జెట్ అయ్యిందని తెలుస్తుంది. ఈ లెక్కన బడ్జెట్కి చాలా దగ్గరగానే బిజినెస్ కావడం విశేషం. ఓటీటీ రూపంలో మరో ఐదారుకోట్లు రావచ్చు. ఈ లెక్కన ఇది రిలీజ్కి ముందే ప్రాఫిట్లో ఉండబోతుంది. ఇటీవల కాలంలో ఒక చిన్న సినిమా ఈ రేంజ్ బిజినెస్ కావడం గొప్ప విషయంగా చెప్పొచ్చు.
అయితే కంటెంట్ ఉన్న చిత్రాలు బాగా ఆడుతున్నాయి. ముఖ్యంగా యాక్షన్, థ్రిల్లింగ్ ఎలిమెంట్లు ఉన్న మూవీస్ మంచి ఆదరణ పొందుతున్నాయి. బడ్జెట్ తక్కువగా ఉండటం కూడా ఇలాంటి చిత్రాలకు కలిసొచ్చే అంశాలు. అలా `మంగళవారం` కూడా ఆ కోవకే చెందే మూవీలా కనిపిస్తుంది. మరి థియేటర్లలో ఈ మూవీ ఎలాంటి ఫలితాన్ని చవిచూస్తుందో చూడాలి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
