ఫిల్మ్ ఇండస్ట్రీలో స్టార్ సెలబ్రిటీస్ లో చాలా మంది అనారోగ్యాలతో బాధపడుతున్నారు. చాలా మంది స్టార్స్ క్యాన్సర్ బారినపడ్డారు. కొంత మంది కోలుకున్నారు కూడా ఇక రీసెంట్ గా బాలీవుడ్ నటి మహిమా చౌదరికి క్యాన్సర్ సోకినట్టు తెలుస్తోంది.
బాలీవుడ్ నటి మహిమా చౌదరి కేన్సర్ బారిన పడ్డారు. మహిమా చౌదరి బ్రెస్ట్ కేన్సర్ తో బాధపడుతున్నట్టు బాలీవుడ్ నటుడు అనుపమ్ ఖేర్ ప్రకటించారు. ఇన్ స్టా గ్రామ్ లో ఇందుకు సంబంధించి ఒక వీడియోను ఆయన పోస్ట్ చేశారు. మహిమాను ఒక హీరోగా అనుపమ్ అభివర్ణించారు.
అంతే కాదు అభిమానులకు ఈ విషయాన్ని నేనే చెప్పాలని ఆమె ఆశించారు అందుకే తాను ఈ విషయాన్ని అనౌన్స్ చేసినట్టు అనుపమ్ ఖేర్ తెలిపారు. మహిమా చౌదరి ధైర్యం, కేన్సర్ కు సంబంధించిన కథనం అంటూ ఆయన పోస్ట్ పెట్టారు. నా 252వ సినిమా ద సిగ్నేచర్ లో కీలక పాత్ర పోషించే విషయమై నేను నెల క్రితం అమెరికా నుంచి మహిమా చౌదరికి కాల్ చేశాను. ఆమెకు బ్రెస్ట్ కేన్సర్ ఉందని నాటి సంభాషణతో తెలిసింది అని ఆయన అన్నారు.
ఆమె వైఖరి ప్రపంచవ్యాప్తంగా ఎంతో మంది మహిళలకు ఆశను కల్పిస్తుంది. ఈ విషయాన్ని బయటకు వెల్లడించడంలో నేను కూడా భాగం కావాలని మహిమా కోరుకుంది అని అనుపమ్ ఖేర్ ఒక పెద్ద పోస్ట్ పెట్టారు. స్నేహితులారా ఆమెకు మీ ప్రేమ, దీవెనలు, ప్రార్థనలు అందించండని ఆయన కోరారు.
ఇక ఈ విషయంలో మహిమా స్పందిస్తూ... తన సినిమాలో నటించాలని అనుపమ్ నాకు కాల్ చేశారు. ఆ సమయలో నేను ఆసుపత్రిలో ట్రీట్ మెంట్ తీసుకుంటున్నాను. వెబ్ షోలు, సినిమాల్లో నటించాలంటూ నాకు ఎన్నోకాల్స్ వస్తున్నాయి. కానీ నేను యస్ అని చెప్పలేను. ఎందుకంటే నాకు హెయిర్ లేదు అంటూ ఆమె ఎమోషనల్ అయ్యారు. తనకు కేన్సర్ లక్షణాలు ఏవీ లేవని, సాధారణ చెకప్ ల్లో అది బయటపడినట్టు ఆమె చెప్పారు.