#Karthikeya2 ఓటీటీ రిలీజ్‌ డేట్ ఫిక్స్.. చిరంజీవి, నాగ్ లకు పోటీగా బరిలోకి నిఖిల్..
యంగ్‌ హీరో నిఖిల్ సిద్ధార్థ్‌ నటించిన సంచలన చిత్రం `కార్తికేయ 2`. ఈ సినిమా థియేటర్లలో బాక్సాఫీసుని షేక్‌ చేసిన విషయంతెలిసిందే. ఇప్పుడు ఓటీటీలో సందడి చేయడానికి రాబోతుంది.
యంగ్‌ హీరో నిఖిల్ హీరోగా నటించిన సంచలన చిత్రం `కార్తికేయ 2`. అనుపమా పరమేశ్వరన్‌ హీరోయిన్‌గా నటించిన ఈ చిత్రానికి చందు మొండేటి దర్శకత్వం వహించిన విషయం తెలిసిందే. గత నెలలో విడుదలైన ఈ సినిమా ఊహించిన విజయాన్ని అందుకుంది. పాన్‌ ఇండియా తరహాలో రిలీజ్‌ అయిన ఈ సినిమా ఏకంగా 130కోట్లు వసూలు చేసింది. చిత్ర యూనిట్‌నే కాదు, ట్రేడ్‌ వర్గాలను సైతం ఆశ్చర్యానికి గురి చేసింది. నార్త్ లో కలెక్షన్ల దుమ్ము దులిపింది.
నిఖిల్ కెరీర్‌లోనే అతిపెద్ద హిట్‌గా నిలిచింది. ఆయన్ని ఓ రకంగా పాన్‌ ఇండియా హీరోని చేసేసింది. ఓవర్‌ నైట్‌లో నిఖిల్ పాన్‌ ఇండియా హీరోల జాబితాలో చేర్చింది. ఈ ఏడాది హిట్స్ చిత్రాల్లో ఒకటిగా నిలిచింది. అంతేకాదు తక్కువ బడ్జెట్‌తో రూపొంది ఇంతటి కలెక్షన్లు రాబట్టిన చిత్రంగా రికార్డులు క్రియేట్‌ చేసింది. సినిమా విడుదలై నెలన్నర కావోస్తుంది. ఇప్పటికీ దీనిపై చర్చనడుస్తుంది.
ఈ నేపథ్యంలో తాజాగా ఈ సినిమా ఓటీటీ రిలీజ్‌ డేట్ ఫిక్స్ అయ్యింది. ఈ సినిమా జీ5ఓటీటీలో ప్రసారం కాబోతున్న విషయం తెలిసిందే. ఓటీటీ స్ట్రీమింగ్‌ డేట్ కన్ఫమ్‌ అయ్యింది. దసరా కానుకగా అక్టోబర్‌ 5నే ఈ సినిమా కూడా ఓటీటీలో స్ట్రీమింగ్‌ కాబోతుండటం విశేషం. అదే రోజు థియేటర్లో చిరంజీవి `గాడ్‌ ఫాదర్‌`, నాగార్జున `ది ఘోస్ట్` చిత్రాలతోపాటు యంగ్‌ హీరో బెల్లంకొండ గణేష్‌ నటిస్తున్న `స్వాతిముత్యం` చిత్రాలు థియేటర్లలో విడుదలవుతున్న విషయం తెలిసిందే. ఇంతటి భారీ పోటీ నడుమ `కార్తికేయ 2`ని ఓటీటీలో విడుదల చేయబోతుండటం విశేషంగా చెప్పొచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
