బాలీవుడ్లోకి `ఇస్మార్ట్ శంకర్`.. హీరో ఎవరంటే?
తాజాగా `ఇస్మార్ట్ శంకర్` హిందీలో రీమేక్ చేసేందుకు సన్నాహాలు జరుగుతున్నాయి. ఓ ప్రముఖ నిర్మాణ సంస్థ దీన్ని బాలీవుడ్లో రీమేక్ చేయాలని భావిస్తుంది. అయితే ఇందులో రణ్వీర్ సింగ్ హీరోగా నటింపచేయాలని భావిస్తున్నారు.
`ఇస్మార్ట్ శంకర్` తెలుగులో దుమ్ముదులిపిన చిత్రం. గతేడాది విడుదలైన ఈ సినిమా ఎన్నో రోజులుగా హిట్లు లేక ఇబ్బంది పడుతున్న రామ్కి అదిరిపోయే బ్లాక్ బస్టర్ని అందించింది. అంతేకాదు ఈ సినిమాతో డేరింగ్ అండ్ డాషింగ్ డైరెక్టర్ పూరీ జగన్నాథ్ పూర్వవైభవం సంపాధించాడు. మరోవైపు నభా నటేష్, నిధి అగర్వాల్ ఒక్కసారిగా పాపులర్ అయ్యారు.
తాజాగా ఈ సినిమాని హిందీలో రీమేక్ చేసేందుకు సన్నాహాలు జరుగుతున్నాయి. ఓ ప్రముఖ నిర్మాణ సంస్థ దీన్ని బాలీవుడ్లో రీమేక్ చేయాలని భావిస్తుంది. అయితే ఇందులో రణ్వీర్ సింగ్ హీరోగా నటింపచేయాలని భావిస్తున్నారు. ప్రస్తుతం ఆయనతో కథా చర్చలు జరుగుతున్నాయని టాక్. రణ్వీర్ సింగ్ ఈ సినిమాలో హీరోగా చేస్తే దాని రేంజే వేరని చెప్పడంలో అతిశయోక్తి లేదు.
మరి దీనికి ఎవరు దర్శకత్వం వహిస్తారనేది ఆసక్తి నెలకొంది. తాజా సమాచారం మేరకు పూరీ జగన్నాథే దీనికి డైరెక్షన్ వహించే ఛాన్స్ ఉందని టాక్. ప్రస్తుతం పూరీ తెలుగు, హిందీలో పాన్ ఇండియా సినిమాగా `ఫైటర్`ని రూపొందిస్తున్నారు. ఇందులో విజయ్ దేవరకొండ హీరోగా నటిస్తున్న విషయం తెలిసిందే.