మాస్కులు వేసుకున్న గ్రూప్ను గొడ్డలితో నరికేస్తాడు. ఈ నరుకుడే స్టైలిష్ చివరి వరకు ఉంటుంది. ఇలా సాగింది యానిమల్ ప్రీ టీజర్. మొత్తం చూసాక..
బాలీవుడ్ స్టార్ హీరో రణ్బీర్ కపూర్ నయా మూవీ ‘యానిమల్’ ప్రీ-టీజర్ వచ్చేసి సోషల్ మీడియాలో దుమ్ము రేపుతోంది. అర్జున్ రెడ్డి ఫేమ్ సందీప్ రెడ్డి వంగా దర్శకత్వం వహిస్తున్న ఈ మూవీ ప్రీ టీజర్ తో ఈ సినిమా ఎలా ఉండనుందో దర్శకుడు సందీప్ చెప్పేశాడు. అసలు సిసలైన వైలెన్స్ అంటే ఏంటో యానిమల్ చిత్రంతో చూపిస్తానని గతంలో ఓసారి చెప్పిన సందీప్.. అదే చేసినట్టున్నాడు. యానిమల్ మూవీ ఎంత వైలెంట్గా ఉంటుందో ఈ ప్రీ టీజర్తో హింట్ ఇచ్చాడు. అయితే ఇప్పుడీ టీజర్ లో చూపిన ఫైట్.. ఓ వరల్డ్ మూవీ నుంచి ఎత్తాడని ప్రచారం జరుగుతోంది. ఏంటా వరల్డ్ మూవీ..ఆ వార్త ఎంతవరకూ నిజం?
యానిమల్ మూవీ ప్రీ టీజర్ మొత్తం 50 సెకన్ల నిడివితో ఉంది. ముందుగా మాస్కులు వేసుకున్న కొందరు కనిపిస్తారు. ఆ తర్వాత ఓ పంజాబీ సాంగ్ను కొందరు పాడుతుంటారు. ఆ బ్యాక్గ్రౌండ్లో అప్పుడు హీరో రణ్బీర్ కపూర్ పంచెకట్టులో ఎంట్రీ ఇస్తాడు. మాస్కులు వేసుకున్న గ్రూప్ను గొడ్డలితో నరికేస్తాడు. ఈ నరుకుడే స్టైలిష్ చివరి వరకు ఉంటుంది. ఇలా సాగింది యానిమల్ ప్రీ టీజర్. మొత్తం చూసాక..ఇదంతా 2003 నాటి కొరియన్ సూపర్ హిట్ Old Boy అనే సినిమాలోని ఫేమస్ కారిడార్ ఫైట్ సీన్ గుర్తు వస్దోందని అందరూ తేల్చేస్తున్నారు. సందీప్ వంగా సైతం ఇలా ఓ ఫేమస్ సినిమాలో ఫైట్ ని లేపటం ఆశ్చర్యపరుస్తోందని చెప్తున్నారు.
ఇక యానిమల్ చిత్రంలో రణ్బీర్ కపూర్ పక్కన హీరోయిన్గా రష్మిక మందన్న నటిస్తుండగా.. బాబీ డియోల్, అనిల్ కపూర్ కీలక పాత్రల్లో కనిపించనున్నారు. ఆగస్టు 11వ తేదీన హిందీతో పాటు తెలుగు, తమిళం, కన్నడ, మలయాళ భాషల్లో ఈ చిత్రం విడుదల కానుంది. విడుదల తేదీ వాయిదా పడలేదని ఇప్పటికే చిత్రబృందం క్లారిటీ ఇచ్చింది. టీ సిరీస్, భద్రకాళి పిక్చర్స్, సినీ 1 స్టూడియోస్ బ్యానర్లు ఈ చిత్రాన్ని నిర్మిస్తున్నాయి. యానిమల్ మూవీ షూటింగ్ పూర్తి కాగా.. ప్రస్తుతం పోస్ట్ ప్రొడక్షన్ పనులు సాగుతున్నాయి.
