హైదరాబాద్లో ఇళయరాజా తొలి ప్రదర్శన...
- హైదరాబాద్ లో ఇళయరాజా లైవ్ కన్సర్ట్
- తొలిసారిగా హైదరాబాద్ లో ప్రదర్శన ఇవ్వనున్న మ్యూజిక్ మేస్ట్రో
- గచ్చిబౌలి స్టేడియంలో నవంబర్ 5న ఇళయరాజా ప్రదర్శన
లెజండరీ సంగీత దర్శకుడు ఇళయరాజా నవంబరు 5న గచ్చిబౌలి అథ్లెటిక్ స్టేడియంలో సంగీత ప్రదర్శన ఇవ్వనున్నారు. ఇళయరాజా 6 వేల పాటలకుపైగా స్వర రచన చేశారు. వెయ్యికిపైగా సినిమాలకు సంగీత దర్శకత్వం వహించారు. ఆయన భాగ్యనగరంలో ప్రదర్శన ఇవ్వడం ఇదే తొలిసారి. చిత్ర, మనో, సాధనాసర్గమ్, కార్తిక్ తదితర ప్రముఖ గాయనీగాయకులు ఈ వేడుకలో ప్రదర్శన ఇవ్వనున్నారు. తాజ్బంజారాలో బుధవారం జరిగిన ఓ కార్యక్రమంలో నిర్వాహక సంస్థ ఈ కార్యక్రమ వివరాలు వెల్లడించింది.
ఈ సమావేశంలో ఇళయరాజా కూడా పాల్గొన్నారు. హైదరాబాద్లో గతంలో తానెప్పుడూ ప్రదర్శన ఇవ్వలేదని ఈ సందర్భంగా ఆయన అన్నారు. ఈ కార్యక్రమం కోసం ఆసక్తిగా ఎదురుచూస్తున్నట్లు చెప్పారు.