పవన్ మాజీ భార్య.. రేణుదేశాయ్ కి రెండో పెళ్లి?
పవన్ కళ్యాణ్ మాజీ భార్య రేణుదేశాయ్ మరో పెళ్లికి రెడీ అవుతోందా..?
పవన్ కళ్యాణ్ మాజీ భార్య రేణుదేశాయ్ మరో పెళ్లికి రెడీ అవుతోందా..? అంటే అవుననే మాటలు ఎక్కువగా వినిపిస్తున్నాయి. గతంలో ఓ ఇంటర్వ్యూలో ఆమె రెండో పెళ్లి ఎందుకు చేసుకోకూడదు..? తన పిల్లలకు తనకు ఓ తోడు కావాలంటూ తన అభిప్రాయాన్ని వ్యక్తం చేసింది. ఈ నేపధ్యంలో ఆమెపై నెటిజన్లు విరుచుకుపడ్డారు. రెండో పెళ్లి చేసుకోవద్దని కొందరు అభిమానులు వారించారు కూడా.. ఇప్పుడు వారందరికీ ఓ పోస్ట్ తో సమాధానమిచ్చింది రేణు.
తను ఇన్నాళ్లు వెతికిన ప్రేమ దొరికిందంటూ.. సోషల్ మీడియాలో వెల్లడించింది. ఓ వ్యక్తి చేయి పట్టుకొని దిగిన ఫోటోను సోషల్ మీడియా వేదికగా షేర్ చేశారు రేణుదేశాయ్. అంతేకాదు అతడి కోసం ఓ కవిత కూడా రాశారు. నా చేయి పట్టుకొని.. ఎప్పటికీ వదలకు.. అంటూ ఆ కవితలో రాసుకొచ్చారు. అయితే రేణు మాత్రం అతడే తనకు కాబోయే భర్త ని మాత్రం చెప్పలేదు. ఆ వ్యక్తి ఎవరనే విషయంలో క్లారిటీ కూడా ఇవ్వలేదు.
అయితే ఈ పోస్ట్ పై స్పందించిన నెటిజన్లు అనూహ్యంగా ఆమెకు శుభాకంక్షలు చెప్పడం మొదలుపెట్టారు. మీరొక స్ట్రాంగ్ విమెన్.. ఎందరికో మీరే ఇన్స్పిరేషన్ అంటూ కామెంట్లు చేస్తున్నారు.