స్టార్ డైరెక్టర్ పూరీ జగన్నాథ్, రౌడీ హీరో విజయ్ దేవరకొండ కాంబినేషన్ లో ఇండియా షేక్ కాబోతోంది. తాజాగా రిలీజ్ అయిన ‘లైగర్’ ట్రైలర్ యూట్యూబ్ లో సెన్సేషన్ క్రియేట్ చేస్తోంది. మిలియన్ల వ్యూస్ తో దూసుకెళ్తోంది.
టాలీవుడ్ స్టార్ హీరో విజయ్ దేవరకొండ, బాలీవుడ్ బ్యూటీ అనన్య పాండే జంటగా నటించిన చిత్రం ‘లైగర్’. ఈ చిత్రానికి స్టార్ డైరెక్టర్ పూరీ జగన్నాథ్ దర్శకత్వం వహిస్తున్న సంగతి తెలిసిందే. ఈ క్రేజీ కాంబినేషన్ లో వస్తున్న స్పోర్ట్స్ అండ్ యాక్షన్ మూవీ కోసం ఆడియెన్స్ ఈగర్ గా వెయిట్ చేస్తున్నారు. ఇప్పటికే ఈ సినిమా నుంచి వచ్చిన పోస్టర్స్, గ్లింప్స్, పాటలకు అదిరిపోయే రెస్పాన్స్ వచ్చింది. తాజాగా రిలీజ్ అయిన ‘ట్రైలర్’ కూడా మాసీవ్ రెస్పాన్స్ ను సొంతం చేసుకోంది. ఇంకా 24 గంటలు గడవకముందే మిలియన్ల వ్యూస్ తో సెన్సేషన్ క్రియేట్ చేస్తోంది.
Liger తెలుగు, తమిళ ట్రైలర్స్ ను పాన్ ఇండియా స్టార్ ప్రభాస్, మెగా స్టార్ చిరంజీవి లాంఛ్ చేసిన విషయం తెలిసిందే. ఈ రోజు ఉదయమే లైగర్ ట్రైలర్ (Liger Trailer) అన్ని భాషల్లో యూట్యూబ్ లో విడుదలైంది. లాంచ్ అయిన కొద్ది సేపటికే ట్రైలర్ మాసీవ్ రెస్పాన్స్ ను సొంతం చేసుకుంది. మిలియన్ల వ్యూస్ తో ట్రెండింగ్ గా నిలుస్తోంది. కేవలం 2.5 గంటల్లోనే లైగర్ ట్రైలర్ 7 మిలియన్ల వ్యూస్ ను, 5 లక్షల లైక్స్ ను సొంతం చేసుకుంది. ఇంత తక్కువ సమయంలో ఈ రేంజ్ లో రెస్పాన్స్ రావడం విశేషం. దీంతో ‘లైగర్’ విడుదల తర్వాత క్రియేట్ చేయబోయే రికార్డు ఎలా ఉండబోతుందనే ఆసక్తి ప్రేక్షకుల్లో నెలకొంది.
పూరీ జగన్నాథ్ (Puri Jagannadh) దర్శకత్వం వహించిన ఈ సినిమా ఆగస్టు 25న ప్రపంచ వ్యాప్తంగా విడుదల కాబోతోంది. తెలుగుతో పాటు, హిందీ, తమిళం, మలయాళం, కన్నడ భాషల్లోనూ గ్రాండ్ గా రిలీజ్ కానుంది. ప్రస్తుతం మేకర్స్ చిత్ర ప్రమోషన్ కార్యక్రమాలను జోరుగా నిర్వహిస్తున్నారు. రిలీజ్ కు ముందే సినిమాపై భారీ హైప్ నెలకొంది. విజయ్ దేవరకొండ (Vijay Deverakonda), అనన్య పాండే హీరోహీరోయిన్లుగా నటిస్తున్నారు. ఈ సినిమాతోనే అనన్య టాలీవుడ్ కు ఎంట్రీ ఇవ్వబోతోంది. అటు విజయ్ కూడా నార్త్ ఆడియెన్స్ కు దగ్గరకానున్నాడు.
రిలీజ్ కు సిద్ధంగా ఉన్న ఈ మూవీని పూరీ కనెక్ట్స్, ధర్మ ప్రొడక్షన్ కంపెనీలు సంయుక్తంగా నిర్మిస్తున్నాయి. కరణ్ జోహార్, పూరీ జగన్నాథ్, చార్మీ కౌర్, అపూర్వ మెహతలు నిర్మాతలుగా వ్యవహరించారు. ఇప్పటికే లైగర్ శాటిలైట్ రైట్స్ ను స్టార్ నెట్ వర్క్, డిజిటల్ రైట్స్ ను డిస్నీ ప్లస్ హాట్ స్టార్ దక్కిచుకున్నాయి. లైగర్ ఆల్బమ్ రైట్స్ ను సోనీ మ్యూజిక్ సొంతం చేసుకుంది. మూవీలో సీనియర్ నటి రమ్యక్రిష్ణ, అమెరికన్ మాజీ ప్రొఫెషనల్ బాక్సర్ మైక్ టైసన్ కీలక పాత్రలు పోషిస్తున్నారు.
