ఇన్నోసెంట్‌గా ఉండే `ఢీ` పూర్ణ తిరగబడితే `సుందరి` అవుతుందట!
జనరల్‌గా పూర్ణ అంటూ ఓ ఇన్నోసెంట్‌ లుక్ కనిపిస్తుంటుంది. కానీ ఆమెలో ఓ మాస్‌ యాంగిల్‌ ఉంది. ఆమె తిరగబడితే ఎలా ఉంటుందో తెలియాలంటే `సుందరి` సినిమా చూడాల్సిందే అంటున్నారు ఈ చిత్ర దర్శకుడు కళ్యాణ్‌ జీ గోగన.
`ఢీ` జడ్జ్ పూర్ణ ఇన్నోసెంట్‌గా ఉంటూ క్యూట్‌ లుక్స్ తో ఆకట్టుకుంటుంది. డాన్స్ షోలో ఆమె చేసే సందడి ఆద్యంతం కనువిందు చేస్తుంది. జనరల్‌గా పూర్ణ అంటూ ఓ ఇన్నోసెంట్‌ లుక్ కనిపిస్తుంటుంది. కానీ ఆమెలో ఓ మాస్‌ యాంగిల్‌ ఉంది. ఆమెలో ఓ రెబల్‌ ఉన్నాడు, ఆమె తిరగబడితే ఎలా ఉంటుందో తెలియాలంటే `సుందరి` సినిమా చూడాల్సిందే అంటున్నారు ఈ చిత్ర దర్శకుడు కళ్యాణ్‌ జీ గోగన. పూర్ణ, అర్జున్ అంబటి, రాకేందు మౌళి ప్రధాన పాత్రల్లో నటిస్తున్న చిత్రం `సుందరి`. రిజ్వాన్‌ నిర్మించారు. ఈ సినిమా విడుదలకు సిద్ధమవుతుంది. ఈ నెల 13న థియేటర్లో రిలీజ్‌ కానుంది.
ఈ సందర్భంగా ఈ చిత్ర ట్రైలర్‌ వైరల్‌ అవుతుంది. ఇందులో పూర్ణ ఇన్నోసెంట్‌గా ఉంటూ భర్త చేసే టార్చర్‌ కారణంగా, కొంత మంది మగవాళ్లు తనని చూసే తప్పుడు దృష్టి కారణంగా, అనుకోని ఘటనలు తన జీవితంలో జరిగితే ఆమె ఎలా తిరగబడిందనే కథాంశంతో ఈ చిత్రం రూపొందుతుందని ట్రైలర్‌ చూస్తే అర్థమవుతుంది. ఇందులో పూర్ణ చాలా బోల్డ్ గా కనిపించారు. సన్నివేశాల డిమాండ్‌ మేరకు ఆమె గ్లామర్‌ షో కూడా చేయాల్సి వచ్చింది.
దీనిపై పూర్ణ మాట్లాడుతూ, ఓ పెద్ద రేంజ్‌ హీరోయిన్లు చేయాల్సిన సినిమా ఇది. ఆ రేంజ్‌ హీరోయిన్‌ నేను కాకపోయినా, నాతో చేయించిన దర్శక, నిర్మాతలకు ధన్యవాదాలని తెలిపారు. పాత్రకి న్యాయం చేశానని, తన కెరీర్‌లో బెస్ట్ రోల్‌ అవుతుందని పేర్కొన్నారు. ఈ సందర్భంగా చిత్ర బృందానికి ధన్యవాదాలు తెలిపింది పూర్ణ. తాను మరో సినిమా కూడా దర్శకుడు కళ్యాణ్‌ జీ గోగన డైరెక్షన్‌లో చేస్తున్నట్టు తెలిపింది. ఈ కార్యక్రమంలో దర్శకుడు కళ్యాణ్‌ జీ గోగన, నిర్మాత రిజ్వన్‌, మ్యూజిక్‌ డైరెక్టర్ సురేష్‌ బొబ్బిలి, నటుడు రాకేందు మౌళి, హీరో అర్జున్ అంబటి పాల్గొని సినిమా విశేషాలను పంచుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
