‘దేశముదురు’ రీరిలీజ్.. థియేటర్ లో అల్లు అర్జున్ ఫ్యాన్స్ అత్యుత్సాహం.. ఏం చేశారంటే?
ఐకాన్ స్టార్ అల్లు అర్జున్ (Allu Arjun) పుట్టిన రోజు వేడుకల్లో భాగంగా ఇవాళ ‘దేశముదురు’ రీరిలీజ్ అయ్యింది. దీంతో బన్నీ ఫ్యాన్స్ ఫుల్ సందడి చేస్తున్నారు. ఈ క్రమంలో ఓ థియేటర్ లో అత్యుత్సాహం చూపించారు.
 )
Followఐకాన్ స్టార్ అల్లు అర్జున్ - పూరీ జగన్నాథ్ (Puri Jagannad) కాంబోలో వచ్చిన చిత్రం ‘దేశముదురు’ Desamuduru. 2007 ఈ చిత్రం విడుదలై బ్లాక్ బాస్టర్ హిట్ గా నిలిచింది. ఆడియెన్స్ నుంచి సూపర్ రెస్పాన్స్ ను దక్కించుకుంది. అలాగే బాక్సాఫీస్ వద్ద అప్పట్లోనే రూ.26 కోట్ల మేరకు వసూళ్లు సాధించి సెన్సేషన్ క్రియేట్ చేసింది. ప్రస్తుతం రీ రిలీజ్ ల ట్రెండ్ కొనసాగుతున్న విషయం తెలిసిందే. ఇప్పటికే ప్రభాస్, పవన్ కళ్యాణ్, చిరంజీవి, రామ్ చరణ్, మహేశ్ బర్త్ డేలకు వారి హిట్ చిత్రాలను ప్రదర్శించిన విషయం తెలిసిందే.
ప్రస్తుతం బన్నీ పుట్టిన రోజు వేడుకల్లో భాగంగా ప్రొడ్యూసర్ డీవీవీ దానయ్య ‘దేశముదురు’ చిత్రాన్ని రీరిలీజ్ చేశారు. దీంతో ఆయా థియేటర్లలో స్పెషల్ షోస్ విజయవంతంగా పడ్డాయి. థియేటర్లలో అల్లు అర్జున్ ఫ్యాన్స్ రచ్చ చేస్తున్నారు. తమ అభిమాన హీరో సూపర్ హిట్ ఫిల్మ్ రీరిలీజ్ కావడంతో ఫుల్ ఎంజాయ్ చేస్తున్నారు. ఈ క్రమంలో మరికొందరు అభిమానులు అత్యుత్సాహం చూపిస్తున్నారు. దీంతో థియేటర్ యాజమన్యానికి కొంత నష్టం కలిగించేలా ఉన్నాయి.
నైజాంలోని ప్రధాన థియేటర్లలో ఒకటైన సంధ్య థియేటర్ లో ‘దేశముదురు’ స్పెషల్ షోస్ పడ్డాయి. బన్నీ ఫ్యాన్స్ థియేటర్ ముందు ఏకంగా 41 ఫీట్ల అల్లు అర్జున్ కటౌట్ ను ఏర్పాటు చేశారు. రీరిలీజ్ కు గ్రాండ్ గా సెలబ్రేట్ ఉండేలా చూశారు. షో ప్రదర్శిస్తున్న సమయంలో ఫ్యాన్స్ ఉత్సాహంలో థియేటర్ తెర ముందుకు వెళ్లి డాన్స్ లు చేయడం ప్రారంభించారు. దీంతో తెర కుడి భాగం చివర్లో చిరిగిపోయింది. అంతలా బన్నీ ఫ్యాన్స్ రచ్చ చేస్తున్నారు. ప్రస్తుతం ఈ వీడియో నెట్టింట వైరల్ అవుతోంది.
ప్రస్తుతం అల్లు అర్జున్ సుకుమార్ దర్శకత్వంలో ‘పుష్ప : ది రూల్’లో నటిస్తున్నారు. షూటింగ్ శరవేగంగా సాగుతోంది. నిన్న రష్మిక మందన్న బర్త్ డే సందర్బంగా Pushpa 2 నుంచి స్పెషల్ గ్లింప్స్ ను వదిలిన విషయం తెలిసిందే. రేపు బన్నీ పుట్టిన రోజు సందర్భంగా మరో మాస్ అప్డేట్ రానుంది. మైత్రీ మూవీ మేకర్స్ బ్యానర్ పై చిత్రాన్ని మరింత గ్రాండ్ గా నిర్మిస్తున్నారు. దేవీ శ్రీ ప్రసాద్ సంగీతం అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
